थरप्या तका का काम 3:16 - नुवो नेम (मेवड़ी नया नियम)

¹⁶ काँके ईसू का नाम पे विस्वास करबा का मसऊँ यो मनक ताकड़े वेग्यो, जिंने थाँ देकरिया हो अन जाणो हो। हाँ, ईं मनक का विस्वासऊँ यो मनक थाँका हामे पुरी तरियाँ हव व्यो हे।”

थरप्या तका का काम 3:16 Iomraidhean Croise

मत्ती 14:29

ईसू क्यो, “आव!” तद्याँ पतरस नाव पूँ उतरन ईसू का नके जाबा ने पाणी पे चाळबा लागो।

मत्ती 9:22

ईसू पाछो फरन वींने देकी अन क्यो, “हे बेटी हिम्मत राक, थारे विस्वास थने हव कर दिदी हे।” वाँ लुगई वणीस दाण एकदम आपणी मादंगीऊँ हव वेगी।

यहुन्ना 14:12

“मूँ थाँकाऊँ सई-सई केवूँ हूँ के, ज्यो मारा पे विस्वास करे हे, वो ज्यो काम मूँ करूँ हूँ वो भी करी। पण अणीऊँ भी मोटा काम करी, काँके मूँ परमेसर के नके जारियो हूँ।

यहुन्ना 7:23

सबद का दन कणी मनक को खतनो करबाऊँ मूसा को नेम ने टुटे हे, तो थाँ मारा पे गुस्सा काँ करो हो के, में एक मनक ने सबद के दन पुरी तरियाऊँ हव कर दिदो हे?

थरप्या तका का काम 14:9

वो मनक पोलुस ने बाताँ करतो तको हुणरियो हो, पोलुस वींका आड़ी देक्यो अन होच्यो के, ईंमें हव वेबा को विस्वास हे।

थरप्या तका का काम 16:18

वा नरई दनाँ तईं अस्यानीस करती री, जद्याँ पोलुस घणो परेसान व्यो, अन पाछो फरन वीं हुगली आत्माऊँ क्यो “मूँ थने ईसू मसी का नामऊँ आग्या दूँ हूँ के, अणी मूँ निकळजा” अन वा वणीस दाण वींमूँ बारणे निकळगी।

थरप्या तका का काम 3:6

पण, पतरस क्यो, “मारा नके थने देबा वाते कई ने हे, पण जो भी मारा नके हे, वो मूँ थने देरियो हूँ। ईसू मसी नासरी का नामऊँ उठ अन चाल।”

थरप्या तका का काम 3:8

अन वो फदकन ऊबो वेग्या अन चालबा लागो। ओ उछळ्तो, चालतो अन परमेसर की बड़ई करतो तको वाँकी लारे मन्दर में ग्यो।

थरप्या तका का काम 4:10

तो थाँ सब जणा अन इजराएल का लोगाँ ने ओ पतो वेणो छावे के, ओ मनक थाँके हामे ईसू मसी नासरी का नामऊँ पुरी तरियाऊँ हव वेन थाँका हामे ऊबो हे, वो ईसू नासरी, जिंने थाँकाणी हूळी पे चड़ा दिदो हो अन परमेसर पाछो वींने मरिया तका मूँ जीवतो कर दिदो।”

थरप्या तका का काम 4:30

थूँ थाँरा पुवितर दास ईसू का नामऊँ लोग-बागाँ ने हव करबा के वाते, अचम्बा अन हेन्याणी का काम करबा के वाते आपणो हात बड़ा।

थरप्या तका का काम 4:7

वे वाँ दुई थरप्या तका ने लाया अन पूँछबा लागा, “थाँकाणी कस्यी सगती अन कस्या हकऊँ ओ काम किदो?”

रोमियों 3:22

हाराई विस्वास्याँ का वाते ईसू मसी में विस्वास का हाते बना भेद-भाव करिया परमेसर का आड़ीऊँ मलबावाळी धारमिकता परगट किदी गी हे।

1 कुरिन्थियों 13:2

अन यद्याँ मूँ परमेसर की बाताँ भी बता सकूँ अन मूँ हारोई भेद भी खोल सकूँ, हारोई ग्यान भी जाण जऊँ अन मने अटे तईं विस्वास भी वे के, मूँ मंगरा ने भी हरका सकूँ हूँ, पण परेम ने करूँ, तो मूँ कई भी ने हूँ।