थरप्या तका का काम 3:12 - नुवो नेम (मेवड़ी नया नियम)

¹² जद्याँ पतरस ओ देक्यो, तो वो लोग-बागाँ ने केबा लागो, “ओ इजराएल का लोग-बागाँ, थाँ ईं बात पे अचम्बा में काँ आरिया हो? अन अस्यान घूर-घूरन माकाँ दयने काँ ताकरिया हो, जस्यान के माँ ईं मनक ने आपणी तागत अन भगतीऊँ चालतो-फरतो किदो हे?

थरप्या तका का काम 3:12 Iomraidhean Croise

यहुन्ना 7:18

ज्यो कुई आपणाँ आड़ीऊँ केवे हे वो खुद की बड़ई छावे हे पण ज्यो आपणाँ खन्दाबावाळा की बड़ई छावे हे वो हाँचो हे अन वींमें कई खोट ने हे।

थरप्या तका का काम 13:26

ईं वाते भई-लोगाँ, अबराम की ओलादाँ अन थाँकामूँ परमेसरऊँ दरपबावाळा लोगाँ, बंचाबावाळो ओ सन्देसो आपणाँ वातेई खन्दायो ग्यो हे।

थरप्या तका का काम 2:22

“ओ इजराएल का लोगाँ, आ बाताँ हुणो, परमेसर, ईसू नासरीऊँ अनोका काम, परच्या अन हेन्याण्याँ करान ओ साबत किदो के, वणा वींने थाँका वातेईस खन्दायो हे, जो थाँके गाबे व्यो हे अन थाँ खुद भी जाणो हो।

थरप्या तका का काम 3:11

वो मनक आलतरे पतरस अन यहुन्ना की लारे हो। ईं वाते हारई लोग-बाग अचम्बा में आन सुलेमान का बरामदा तईं वींका लारे दोड़ता तका नके आया।

थरप्या तका का काम 3:13

अबराम, इसाक अन याकूब का परमेसर, आपणाँ बड़ाबा का परमेसर आपणाँ सेवक ईसू की मेमा किदी। थाँकाणी वींने मराबा के वाते पकड़वा दिदो अन पछे पिलातुस वींने छोड़बा की बात ठाणी, तो थाँ लोगाँ पिलातुस के हामे भी वींने नकार दिदो।

रोमियों 11:1

तो मूँ पूँछू हूँ के, “कई परमेसर आपणी इजराएली मनकाँ ने नकार दिदा?” ने अस्यान कोयने हे। काँके मूँ भी अबराम का वंस को अन बिन्यामीन के गोत को इजराएली हूँ।

रोमियों 9:4

ज्यो इजराएली हे अन ज्याँने परमेसर की ओलाद वेबा को हक हे, ज्यो परमेसर की मेमा को दरसण कर चुक्या हे, ज्यो परमेसर का करार में पांतीदार हे। ज्याँने मूसा का नेमा अन हाँची भगती अन वादो दिदा तको हे।

2 कुरिन्थियों 3:5

ईंको ओ अरत ने हे के, माँ माँकी तागतऊँ होच-हमजन अस्यान करा हाँ। माँ माँकी तागतऊँ कई ने कर सका हाँ पण माने तागत तो परमेसरइस देवे हे।

परकासितवाक्य 7:13

तो वणा पुरवजाँ मेंऊँ एक जणे माराऊँ पूँछ्यो, “जणी धोळा गाबा पेर मल्या हा, वीं मनक कूण हे? वीं कटाऊँ आया हे?”