थरप्या तका का काम 28:31 - नुवो नेम (मेवड़ी नया नियम)

³¹ वो खुलेआम अन बना रोक-टोक परमेसर का राज को परच्यार करतो रियो अन परबू ईसू मसी की बाताँ हिकातो रियो।

थरप्या तका का काम 28:31 Iomraidhean Croise

मत्ती 4:23

ईसू हाराई गलील देस में यहुदया का परातना घर में हरग का राज को हव हमच्यार को उपदेस देतो अन तरे-तरे का रोगा ने हव करतो तको फरबा लागो।

मरकुस 1:14

ईंका केड़े जद्याँ यहुन्ना ने जेळ में बन्द कर नाक्यो हो, पछे ईसू गलील में आया अन वटे परमेसर का हव हमच्यार को परच्यार करबा लागा।

लूका 8:1

ईंका केड़े ईसू नगर-नगर अन गामाँ-गामाँ में परमेसर का राज को हव हमच्यार हुणाता तका फरबा लागा। अन वीं थरप्या तका बारा चेला भी वाँका हाते हा।

थरप्या तका का काम 1:3

वो हूळी पे दक भोगन मरिया केड़े पाका सबूत का हाते नरी दाण परगट व्यो, वो जीवतो हे। अन चाळी दनाँ तईं चेला वींने देक्यो अन वो वाँने परमेसर का राज का बारा में बतातो रियो।

थरप्या तका का काम 20:25

अबे देको, मूँ जाणूँ हूँ के, थाँका बचमें में परमेसर का राज को परच्यार किदो हे, पण अबे थाँकामूँ कुई भी अन कदी भी मने ने देक सकी।

थरप्या तका का काम 23:11

वीं रात में परबू पोलुस के नके ऊबा रेन क्यो, “हे पोलुस, हिम्मत राक, काँके जस्यान थें यरूसलेम में मारी गवई दिदी, वस्यानीस थने रोम में भी गवई देणी हे।”

थरप्या तका का काम 28:23

तद्याँ वणी वाँने केबा के वाते एक दन ते किदो अन नरई मनक वटे भेळा व्या जटे वो रेरियो हो। वणी हवेरूँ लगान हाँज तक परमेसर के राज का बारा में बखाण किदो अन मूसा का नेमा अन परमेसर का आड़ीऊँ बोलबावाळा की किताबाँऊँ ईसू का बारा में साबत करतो तको हमजातो रियो।

थरप्या तका का काम 28:30

वटे वो दो वर तईं किराया का घर में रियो, जो कुई वणीऊँ मलाबा आतो वो वाँकी आवभगत करतो।

थरप्या तका का काम 4:29

अन अबे ओ परबू, थाँ वाँकी दरपावणी ने देको अन थाँका चेला ने बना दरप्या थाँरा बचन हुणाबा की सगती दो।

थरप्या तका का काम 4:31

जद्याँ वणा परातना कर लिदी, तो वाँ जगाँ जटे वे अगेटा व्या हाँ, हालगी। अन वे हारई पुवितर आत्माऊँ भरग्या अन परमेसर का वसना ने बना दरप्याई हुणाबा लागग्या।

थरप्या तका का काम 5:42

पछे वीं हरेक दन मन्दर अन घर-घर में हिकाता अन हव हमच्यार को परच्यार करता तका कदी ने रूक्या के, “ईसू ईं मसी हे।”

थरप्या तका का काम 8:12

पण वणा लोगाँ फिलिपुस का संदेसा पे भरोसो किदो, काँके फिलिपुस वाँने परमेसर का राज अन ईसू मसी नाम को हव हमच्यार हूणातो हो। तो हारई लोग-लुगायाँ बतिस्मो लेबा लागा।

फिलिपियों 1:14

मारो जेळ में रेवा का मस परबू पे विस्वास राकबावाळा नरई भायाँ की हिम्मत बड़गी अन वाँको धिज्यो हव हमच्यार ने बना दरप्या हुणाबा का वाते नरोई बड़ग्यो हे।

2 तिमुतियूस 2:9

अन ईं हव हमच्यार ने परच्यार करबा की वजेऊँ मूँ दुक जेलरियो हूँ अन एक गुनेगार के, जस्यान हाँकळा में बन्दयो तको हूँ, पण परमेसर का बचना पे कुई बन्धन कोयने हे।

2 तिमुतियूस 4:17

पण परमेसर मारा हाते ऊबारियो अन मने तागत दिदी, जणीऊँ तो मूँ ज्यो यहूदी ने हा, वणा हाराई में हव हमच्यार हुणा सक्यो अन मूँ मोत का दण्डऊँ बंचायो ग्यो।