थरप्या तका का काम 28:2 - नुवो नेम (मेवड़ी नया नियम)

² वटे रेबावाळा लोग माकाँ पे दया किदी, काँके बरका वरवाऊँ ठन्ड लागरी ही, ईं वाते वणा वादी लगान माँ हारा की आवभगत किदी।

थरप्या तका का काम 28:2 Iomraidhean Croise

मत्ती 10:42

ज्यो कुई अणा भोळा चेलो मूँ मारो चेला जाणन किंने एक ने भी एक लोट्यो पाणी पाई, मूँ थाँकाऊँ सई कूँ हूँ, वो कणी भी तरियाऊँ आपणो फळ ने खोई।”

यहुन्ना 18:18

दास अन चोकीदार ठन्डऊँ बंचबा के वाते धूणी लगान तापरिया हा अन पतरस भी वाँका हाते ऊबो वेन तापरियो हो।

थरप्या तका का काम 27:3

दूजे दन माँकाणी सेदा का बन्दरगा का नके जाँज रोकी, युलियुस पोलुस पे दया किदी के, वो हण्डाळ्याऊँ मलबा जावे ताँके वीं जरुरत की चिजाँ आने देवे।

थरप्या तका का काम 28:3

जद्याँ पोलुस टिण्डका को भारो भेळो करन वादी में मेल्यो तो वींऊँ एक हाँप निकळन वींका हात के बटको भरन पळट ग्यो।

थरप्या तका का काम 28:4

जद्याँ वटा का रेबावाळा मनक वींका हात पे हाँप पळेट्यो तको देक्यो तो एक-दूजाऊँ क्यो, “हाँची में ओ मनक हत्यारो हे, समन्द में तो ओ बंचग्यो पण न्याव ईंने जीवतो ने रेवा देई”

रोमियों 1:14

काँके मूँ युनानी, जंगली, ग्यानी अन अग्यानी हाराई मनकाँने हव हमच्यार हुणाबा का वाते खुद ने जिमेदार हमजूँ हूँ।

रोमियों 14:1

ज्यो विस्वास में कमजोर हे वाँने भी हाते राको, पण वाँका बच्याराँपे बेस मती करो।

रोमियों 14:3

ज्यो हारोई खावे हे वीं वणा मनकाँ ने बेकार ने हमजे जीं हारोई ने खावे हे। अन जीं साग-पात खावे हे, वीं वाँको न्याव ने करे, ज्यो हारोई खावे हे, वाँको काँके परमेसर वाँने अपणा लिदा हे।

रोमियों 2:27

थूँ जिंका नके नेम लिक्या तका हे अन थाँरो खतनो भी व्यो हे। अतरो व्या केड़े भी थूँ ज्यो नेमा ने तोड़े हे। ईं वजेऊँ वो मनक जिंको देह का हस्याबूँ खतनो ने व्यो हे अन ज्यो नेमा को पालण करे हे, वो थने गुनेगार ठेराई।

1 कुरिन्थियों 14:11

अन यद्याँ मूँ कणी बोली को मतलब ने जाणूँ सकूँ तो मूँ बोलबावाळा की नजराँ में बारवासी हूँ अन वो बोलबावाळो मारी नजराँ में बारवासी हे।

2 कुरिन्थियों 11:27

में घणी मेनत किदी हे अन दुक का हाते जीवन जिदो हे। नरी दाण तो मूँ हूँ भी ने सक्यो। अन नरी दाण तो भुको-तरियो भी रियो हूँ, नरी दाण तो ठन्ड में बना गाबा के धूजतो रियो हूँ।

कुलुसियों 3:11

ईं वाते अबे मसी में ने कुई युनानी कन यहूदी, खतनावाळा कन बना खतनावाळा, ने जंगली हाव-भाव, ने बना अकल अन ने गुलाम कन आजाद, रियो हे। अणामें कई फरक ने रियो हे बेस मसीइस हारोई हे अन अणा हाराई में भी वींइस हे।

इब्रानियों 13:2

अणहेन्दा की आवभगत करणी मती भुलो, काँके अस्यान करता तकाईस नरई लोगाँ अणजाण में हरग-दुताँ की आवभगत किदी हे।