थरप्या तका का काम 27:12 - नुवो नेम (मेवड़ी नया नियम)

¹² वणी बन्दरगा में हियाळा का दन काटणा हव कोयने हा, ईं वाते घणा लोगाँ तो ते किदो के, वे सके तो वटूँ कस्यान भी फिनिक्स जान हियाळा का दनाँ ने काटाँ। ओ तो क्रेता को एक बन्दरगा हो जो लंकव-आतमणो अन धरव-आतमणो का आड़ी खलतो हो।

थरप्या तका का काम 27:12 Iomraidhean Croise

थरप्या तका का काम 2:11

करेती अन अरब देस में रेबावाळा, ज्यामें यहूदी धरम मानबावाळा लोग-बाग अन कुई तो जनमऊँ यहूदी हा। पण आपाँ सब जणा परमेसर का अचम्बा में नाकबावाळा कामाँ ने आपणी-आपणी भासा मेंईस कस्यान हुणरिया हा?”

थरप्या तका का काम 27:13

जद्याँ थोड़ो-थोड़ो लंकव का आड़ीऊँ वइरो बाजबा लागो, तो वाँकाणी होच्यो के जस्यान वणा मन में धारियो हो वस्यानीस वे जाई, ईं वाते लंगर काड़ दिदो अन क्रेता का कनारे-कनारे जाबा लागा।

थरप्या तका का काम 27:21

जद्याँ वीं नरई दन तईं भूका रिया तो पोलुस वाँका बचमें ऊबो वेन क्यो, “हो लोगाँ, जद्याँ थाँ क्रेताऊँ ने निकळबा की मारी बात ने मानता, तो ने आ अबकी वेळा आती अन ने यो घाटो अन नकसाण वेतो।

थरप्या तका का काम 27:7

जद्याँ माँ नरई दन तईं धीरे-धीरे चालता अन अबकीऊँ कनिदुस का नके ग्या काँके वइरा का हामे माँ टक ने सक्या ईं वाते माँ सलमोने का हामे वेन क्रेता टापू की आड़ में चाल्या।

थरप्या तका का काम 27:8

अन अबकीऊँ वींका कनारे-कनारे चालता तका सुरकसित बन्दरगा नाम की जगाँ पोंच्या, जो लसया नगरऊँ छेटी ने हो।

तीतूस 1:12

वाँका मूँ एक परमेसर का आड़ीऊँ बोलबावाळे खुद वाँका वाते क्यो हे के, “क्रेता का रेबावाळा हमेस्यान जूटा, जंगली जनावराँ का जस्यान, आळसी अन खवगड़्या हे।”

तीतूस 1:5

क्रेता में मूँ थने ईं वाते छोड़न आयो हो के, थूँ वटे ज्यो भी काम अदूरो रेग्यो हे वींने पूरो करज्ये अन मारी सला के जस्यान हरेक गाम में परदानाँ ने जिमेदारी हूँपे।