थरप्या तका का काम 26:4 - नुवो नेम (मेवड़ी नया नियम)

⁴ हाराई यहूदी जाणे हे के, सरुआतऊँ मूँ खुद आपणाँ देस में अन यरूसलेम में भी नानपणऊँ मूँ कस्यान जीवन जियो हो।

थरप्या तका का काम 26:4 Iomraidhean Croise

थरप्या तका का काम 22:3

मूँ एक यहूदी मनक हूँ, अन किलिकिया देस का तरसूस नगर में मारो जनम व्यो, पण अणी नगर में गमलियल मारसाब का अटे भण्यो जस्यान के, बापदादा की वेवस्ता ने बड़या तरियऊँ हिक्यो, अन परमेसर का वाते अस्यी धुन लगई ही, जस्यान थाँ आज लगई मेली हे।

थरप्या तका का काम 24:14

पण मूँ थाँरा हामे ओ मानूँ हूँ के, जिंने ईं पन्त केवे हे अन खोटो केवे हे, वींका रिति-रिवाजऊँ मूँ आपणाँ बापदादा का परमेसर की सेवा-चाकरी करूँ हूँ, अन जीं बाताँ वेवस्ता अन परमेसर का आड़ीऊँ बोलबावाळा की किताबाँ में लिकी हे, वीं हारी पे मूँ विस्वास करूँ हूँ।

गलातियों 1:13

यहूदी समाज में ज्यो पेल्या मारो वेवार हो, थाँ वींका बारा में पेल्याँई हुण चुक्या हो के, मूँ परमेसर की मण्डळ्याँ ने हतातो अन नास करबा की कोसीस करतो हो।

फिलिपियों 3:5

मूँ आट दन को व्यो अन मारो खतनो व्यो। मूँ इजराएल का बंस अन बिन्यामीन की गोत को हूँ। जनमजातऊँ इबरानी हूँ, जद्याँ मूसा का नेमा ने मानबा का बारा में केवो तो पको फरीसी हूँ।

2 तिमुतियूस 3:10

पण थूँ मारी हिक, वेवार, अन जीवन का वाते मारा मकसद ने माने हे, थूँ मारो विस्वास, मारो धीरज, मारो परेम, मारी सेण करबा की तागत, मारा पे व्या जुलम, अन मारा दुक में मारे हाते रियो हे। अन्ताक्या, इकुनियम अन लुस्त्रा में ज्यो कई व्यो हो अन कई-कई दक-भरिया जुलम ने सेण किदा हाँ, वाँमें भी थूँ मारे हाते हो। पण परबू मने वणा हाराईऊँ बंचायो हो।