थरप्या तका का काम 21:8 - नुवो नेम (मेवड़ी नया नियम)

⁸ दूजे दन माँ वटूँ केसरिया में आया, अन फिलिपुस नाम को एक मनक जो हव हमच्यार को परच्यार करतो हो, वटे यरूसलेम में चुण्या तका हात सेवा करबावाळा मूँ एक जणो हो, वींका वटे रिया।

थरप्या तका का काम 21:8 Iomraidhean Croise

थरप्या तका का काम 10:1

केसरिया में कुरनेल्युस नाम को एक मनक हो। वो रोम की इटालनी नाम की फोज का हो सपायाँ पे सरदार हो।

थरप्या तका का काम 16:10

पोलुस ओ दरसावो देकतईं, तरत माँ मकिदुनिया जाणो छायो, ओ हमजन के, परमेसर माँने वटे हव हमच्यार हुणाबा वाते बलाया हे।

थरप्या तका का काम 16:13

माँ सबद का दन ओ हमजन नगर का फाटक बारणे नंदी का घाट पे ग्या के, वटे परातना करबा की जगाँ वेई, अन वटे नरी लुगायाँ भेळी वेरी ही, वाँका नके जान वाकाँऊँ बाताँ करबा लागा।

थरप्या तका का काम 16:16

जदी माँ परातना करबा की जगाँ जईरा हा, तो माने एक दासी मली, जिंमें आगली बाताँ बताबावाळी आत्मा ही, अन वा लुगई आगली बतान आपणाँ मालिकाँ के वाते नरोई कमान लाती ही।

थरप्या तका का काम 18:22

अन केसरिया नगर वेतो तको यरूसलेम ग्यो अन वटे विस्वास्याँ की मण्डळीऊँ नमस्कार करन अन्ताक्या नगर ग्यो।

थरप्या तका का काम 20:13

माँ पोलुसऊँ पेल्याई जाँज में बेन अरसुस आया, काँके माँने वटूऊँ वींने हाते लेणो हो, काँके वणी माँकाऊँ क्यो हो के वो गेले-गेले जाणो छारियो हे।

थरप्या तका का काम 20:6

अन माँ बना हाज्या की रोटी का तेवाराँ का दनाँ केड़े फिल्‍लिपीऊँ जाँज में बेन पाँच दन में त्रोआस ग्या अन हात दन तईं वटे रिया।

थरप्या तका का काम 21:16

केसरियाऊँ भी थोड़ाक चेला माकाँ हाते आया, अन माने मनसोन नाम को जो साइपरस देस की पेली विस्वास्याँ की मण्डली का चेला मूँ एक हो, वींका अटे लाया, काँके माँने वटे रेणो हो।

थरप्या तका का काम 23:23

तद्याँ सेनापती अदिकारियाँ मूँ दो ने बलान क्यो, “दोस्ये सपई, हित्तर घुड़ सवारीवाळा, अन दोस्ये भाला चलाबावाळा सपायाँ ने आज रात नो बज्याँ केसरिया देस जाबा के वाते त्यार राको।

थरप्या तका का काम 27:1

जद्याँ आ बात ते वेगी के आपीं जाँजऊँ इटली जावाँ, तो वाँकाणी पोलुस अन वींका हातेवाळा ने युलियुस नाम का हो सपायाँ का सेनापती ने हूँप दिदा, वीं फोज ने “राजा की फोज” केता हा।

थरप्या तका का काम 28:11

तीन मिना केड़े माँ सिकन्दरिया का जाँज में बेटन चाल पड़या, जो जाँज हियाळो काटबा वाते ईं टापू पे रक्यो तको हो, जिंको “जोड़ला देवता” हो।

थरप्या तका का काम 28:16

जद्याँ माँ रोम में पोंच्या, तो एक सपई की रुकाळीऊँ अकेला में रेवा की इजाजत मलगी।

थरप्या तका का काम 6:5

आ बात हारी मण्डली के आसे आगी अन वाँकाणी परमेसर पे विस्वास राकबावाळो अन पुवितर आत्माऊँ भरियो तको इस्तीपनुस नाम को एक मनक ने, अन फिलिपुस, परखुरूस, नीकानोर, तीमोन, परमिनास अन यहूदी धरम में आया तका अन्ताकियावासी नीकुलायस ने थरप लिदा।

थरप्या तका का काम 9:30

पण, जद्याँ भई-बन्दा ने ईं बात को पतो पड़्यो, तो वे वींने केसरिया नगर लेग्या अन पछे तरसूस खन्दा दिदो।

इपिसियों 4:11

वाँकाणी किंनेई तो थरप्या तका वेबा का वाते, अन किंनेई परमेसर का आड़ीऊँ बोलबावाळा, किंनेई तो हव हमच्यार हुणाबावाळा, अन किंनेई तो परमेसर का मनकाँ का गवाळ अन किंनेई हिकाबावाळा बणाया।

2 तिमुतियूस 4:5

थूँ सान्तीऊँ टक्यो तको रेज्ये अन दुक भोगबा का वाते त्यार रे। हव हमच्यार को परच्यार करबा का वाते घणी मेनत कर अन थाँरी जिमेदारी ने हव तरियाऊँ पुरी करज्ये।