थरप्या तका का काम 20:33 - नुवो नेम (मेवड़ी नया नियम)

³³ में कणी भी मनक की चाँदी अन होना अन गाबा को लाळच ने किदो।

थरप्या तका का काम 20:33 Iomraidhean Croise

1 कुरिन्थियों 9:12

जद्याँ दूजाँ को थाँका पे ओ अदिकार हे, तो कई माँको अणीऊँ हेलो कोयने? पण माँ ओ अदिकार काम में ने लिदो, पण हारोई सेण करता रिया के, माँकाऊँ मसी का हव हमच्यार में कई रोक-टोक ने वेवे।

1 कुरिन्थियों 9:15

पण में अणा बाताँ ने काम में भी ने लिदी अन में ईं बाताँ अणी वाते ने लिकी के, मारा वाते अस्यान किदो जावे। जणी बात को मने मेपणो हे वींने माराऊँ कुई कोस ले अणीऊँ पेल्याँ तो मने मरणो हव हे।

1 कुरिन्थियों 9:18

ईं वाते मारी दानकी कस्यी हे? के जद्याँ हव हमच्यार को परच्यार करूँ तो बना दानकी लेन करूँ हूँ, ताँके हव हमच्यार को परच्यारऊँ ज्यो पाबा को मने अदिकार हे, मूँ वींने पूरो काम में ने लूँ।

1 कुरिन्थियों 9:4

कई माँने थाँका अटेऊँ खाबा-पिबा को अदिकार ने हे?

2 कुरिन्थियों 11:7

में खुद ने फोरो करन थाँने ऊपरे उटाबा का वाते फोगट में परमेसर को हव हमच्यार हुणान कई पाप कर दिदो हे?

2 कुरिन्थियों 11:9

जद्याँ मूँ थाँका नके हो तो मने कमी वीं हे तद्याँ भी में थाँका पे कई बोज ने नाक्यो, काँके मारा भायाँ मकिदुनियाऊँ आन मारी वणी कमी ने पुरी किदी हे। में हरेक दाण खुद ने थाँका पे बोज बणाबाऊँ रोक्यो, अन आगे भी रोक्यो रेऊँ।

2 कुरिन्थियों 7:2

थाँ थाँका हरदा में माँने जगाँ दिज्यो। माँ किंको भी कई ने वगाड़्यो हे, ने माँ किंका हरदा ने दुक दिदो हे अन ने माँ किंकोई कई नफो उटायो हे।

1 थिस्सुलुनिक्यों 2:5

थाँ ईं बात ने हव तरियाऊँ जाणो हो के, माँ कदी फोगट की बड़ाई की बाताँ ने किदी अन नेई लोब-लाळच का वाते कस्यो बानो बणायो। ईं बात का परमेसर भी गवा हे।

1 पतरस 5:2

मूँ थाँने हमजाऊँ हूँ के, परमेसर की मडळी ज्याँ थाँकी देक-रेक में हे वींकी रुकाळी करो। ओ काम किंकई दबाव में आन मती करो पण परमेसर की मरजीऊँ राजी वेन करो। धन का लाळच की वजेऊँ ओ काम मती करो, पण मन लगान यो काम करो।

3 यहुन्ना 1:7

काँके वीं मसी की सेवा करबा का वाते जारिया हे अन वणा जो विस्वास ने करे हे, वणा मनकाँऊँ मदत ने लिदी हे।