थरप्या तका का काम 2:47 - नुवो नेम (मेवड़ी नया नियम)

⁴⁷ परबू की बड़ई करता अन हंगळा लोगाँ का भलई का कामऊँ राजी वेता। अन परमेसर हरेक दन बंचाया तका लोगाँ ने आपणी मण्डली में भेळा कर देता।

थरप्या तका का काम 2:47 Iomraidhean Croise

लूका 19:48

पण वाँने मारबा को कई मोको ने मल्यो, काँके हाराई मनक मन लगान वाँकी बाताँ हूणता हा।

लूका 2:52

ईसू अकल अन डील में, परमेसर अन मनकाँ की करपा में बड़तो ग्यो।

थरप्या तका का काम 11:21

परबू की सगती वाँके लारे ही। ईं वाते नरई लोगाँ ईसू पे भरोसो करन परबू का आड़ी आग्या।

थरप्या तका का काम 11:24

बरनबास एक हव मनक हो, जो पुवितर आत्मा अन विस्वासऊँ भरयो तको हो। अस्यान परबू की लारे ओर नरई लोग-बाग भेळा वेग्या।

थरप्या तका का काम 13:48

वाँ लोगाँ जो यहूदी ने हे जद्याँ ओ हुण्यो, तो वे घणा राजी व्या अन परमेसर का वसना को मान किदो अन जणा अमर जीवन जीबा ने चुण्यो वणा विस्वास किदो।

थरप्या तका का काम 14:1

इकुनियम में अस्यान व्यो के, वीं दुई जणा यहूदियाँ की सबा में हाते ग्या, अन अस्यान बाताँ किदी के यहूदियाँ अन जो यहूदी ने हे वणा विस्वास किदो

थरप्या तका का काम 14:21

वीं दुई वणी नगर में मनकाँ ने हव हमच्यार हुणाता अन वटे घणा चेला बणाया, पछे पाच्छा लुस्त्रा, इकुनियम अन पिसदिया का अन्ताक्या में पराग्या।

थरप्या तका का काम 16:5

ईं तरियऊँ वटे विस्वास्याँ की मण्डळ्या विस्वास में बड़गी अन रोज वाँकी गणती हेली वेती।

थरप्या तका का काम 17:12

वणा मूँ खास यहूदी लोगाँ अन जानी-मानी लुगायाँ अन मोट्यार भी विस्वास किदो।

थरप्या तका का काम 2:39

काँके ओ वादो थाँका वाते, थाँका छोरा-छोरी अन वाँ हंगळा जणा के वाते जो नरई छेटी हे, अन वाँ हाराई लोगाँ का वाते ज्याँने परमेसर आपणाँ नके बलावे हे।”

थरप्या तका का काम 2:41

वामूँ जणी-जणी सन्देसा ने मान्यो, वाँने बतिस्मो दिदो ग्यो अन वीं दन वाँकी मण्डली में लगे-भगे तीनेक हजार लोग-बाग मलग्या।

थरप्या तका का काम 4:21

तो पछे मोटी सबा का लोगाँ वाँ दुई जणा ने तापड़न छोड़ दिदा। वाँने सजा देबा को कई भी मोको ने मल्यो हो, काँके जो भी व्यो, वींका वाते लोग-बाग परमेसर की मेमा गारिया हाँ।

थरप्या तका का काम 4:33

अन वे थरप्या तका परबू ईसू के पाछो जीवतो वेबा की गवई देता अन परमेसर वाँ हाराई ने घणो आसीस दिदो।

थरप्या तका का काम 4:4

पण, जणा वीं परच्यार ने हुण्यो, वामूँ नरई जणा विस्वास किदो। विस्वास करबावाळा की गणती लगे-भगे पाँचेक हजार पोंछगी ही।

थरप्या तका का काम 6:1

वाँ दनाँ जदी चेला नरई हेला वेबा लागा, तो युनानी रिति-रिवाज मानबावाळा यहूदी, इबरानी रिति-रिवाज मानबावाळा यहूदियाँ पे छीजता के, रोज चिजाँ बाँटबा पे वाँकी विदवा लुगायाँ का हाते भेद-भाव करे हे।

थरप्या तका का काम 6:7

अस्यान परमेसर का बचन दन-दूणा रात चोगुणा फेलतारिया अन यरूसलेम में चेला की मण्डली हेलीऊँ हेली वेबा लागी, अन याजकाँ का नरई लोग ईसू पे विस्वास करबा लागग्या।

थरप्या तका का काम 9:31

अस्यान वीं टेम में हारई यहूदियाँ, गलील अन सामरिया की मण्डळ्याँ सान्तीऊँ रेरी ही। ओरी हेली तागतवर वेबा लागी अन परबू ने मानता तका जीरिया हा अन पुवितर आत्मा वाँने ओरी मदत किदी, तो वे ओरी हेली वेबा लागी।

थरप्या तका का काम 9:35

पछे लिद्दा अन सारोन का रेवासी वींने देक्यो अन वीं परबू ने मानबा लागग्या।

रोमियों 14:18

ज्यो मसी की ईं तरियाऊँ सेवा करे हे, वणीऊँ परमेसर राजी रेवे हे अन मनक वींको मान करे हे।

रोमियों 8:30

ज्याँने वणी पेल्याँईं चुण मेल्या हा, वाँने वणी बलाया अन ज्याँने वणी बलाया वाँने धरमी भी ठेराया हे, अन ज्याँने वणी धरमी ठेराया, वाँने वणी मेमा भी दिदी हे।

रोमियों 9:27

अन परमेसर का आड़ीऊँ बोलबावाळो यसाया इजराएल का बारा में हेलो पाड़न केवे हे के, “इजराएल की ओलाद समन्द की रेत का जस्यान घणी ने जा सकी। तद्याँ भी वाँका मूँ थोड़ाक बंचाया जाई।

1 कुरिन्थियों 1:18

वीं ज्यो भटक रिया हे वाँका वाते मसी को हूळी पे मरबा को संदेस एक मुरकता हे, पण ज्यो बंचाया जारिया हे वाँका वाते परमेसर की तागत हे।