थरप्या तका का काम 2:42 - नुवो नेम (मेवड़ी नया नियम)

⁴² वाँकाणी थरप्या तका चेला का उपदेस, सत्संग, परबू ने आद करता तका रोटी तोड़णी अन परातना में आपणो जीव लगा दिदो हो।

थरप्या तका का काम 2:42 Iomraidhean Croise

लूका 24:30

जद्याँ वो वाँकी लारे खाणो खाबा ने बेट्यो, तो वणी रोटी लेन परमेसर ने धन्नेवाद दिदो अन रोटी तोड़न वाँने दिदी।

लूका 24:35

तद्याँ वणा दुयाई भी वाँने गेला की हारी बाताँ बता दिदी अन ओ भी क्यो के, माँ रोटी देती दाण ईसू ने ओळक्या हा।

थरप्या तका का काम 1:14

ईं हाराई रोज एक मन वेन परातना करबा वाते भेळा वेता हा। आका हाते थोड़ीक लुगायाँ, ईसू की बई मरियम अन ईसू का भई भी हा।

थरप्या तका का काम 11:23

जद्याँ बरनबास अन्ताक्या पूगो, तो लोगाँ पे परमेसर की करपा देकन वो घणो राजी व्यो अन वणी हारई लोगाँ ने धिजो बन्दान परबू में बण्या तका रेवा वाते क्यो।

थरप्या तका का काम 14:22

अन चेला ने हिम्मत देन विस्वास में बड़वा वाते धिजो बन्दाता रिया अन केता रिया के “परमेसर का राज में जाबा वाते आपाँने घणो दुक जेळणो पेड़ी।”

थरप्या तका का काम 2:46

वीं हरेक दन एक मन वेन मन्दर में मलता रेता हा। वीं आपणाँ घराँ में राजी वेता तका हुदा मनऊँ मल-जुलन रोटी तोड़ता अन खाता हा

थरप्या तका का काम 20:11

अन पोलुस पाछो ऊपरे जान रोटी तोड़ी अन खादी। वो अतरी देर तईं बाताँ करतो रियो के, भाग-फाट्याँ की टेम वेगी, पछे वो परोग्यो।

थरप्या तका का काम 20:7

हपता का पेले दन जद्याँ परबू ने आद करबा का जीमणा वाते भेळा व्या तो पोलुस वाँऊँ बात-बच्यार करतो रियो अन दूजे दन जाणो हो, ईं वाते आदी रात तईं बाताँ करतो रियो।

थरप्या तका का काम 4:23

जद्याँ पतरस अन यहुन्ना ने छोड़ दिदा, तो वे आपणाँ लोग-बागाँ नके आया अन वाँने जो भी यहूदी मोटा याजक अन बुड़ा-ठाड़ा क्यो हो, वो सब वाँने के हुणायो।

थरप्या तका का काम 4:31

जद्याँ वणा परातना कर लिदी, तो वाँ जगाँ जटे वे अगेटा व्या हाँ, हालगी। अन वे हारई पुवितर आत्माऊँ भरग्या अन परमेसर का वसना ने बना दरप्याई हुणाबा लागग्या।

थरप्या तका का काम 6:4

पण, माँ तो हाराई टेम परातना अन बचन हुणबा का काम में जीव लगा देवाँ।”

रोमियों 12:12

आपणी आस में राजी रो, दुक में हिम्मत राको। हमेस्यान परातना करता रेवो।

1 कुरिन्थियों 10:21

थाँ परबू का प्याला मूँ अन हुगली आत्मा का प्यालो मूँ दुयाऊँ ने पीं सको हो। थाँ परबू का भोज अन हुगली आत्मा का भोज, दुयाँ में एक हाते भागी ने वे सको हो।

1 कुरिन्थियों 11:2

मूँ थाँकी बड़ई करूँ हूँ काँके थाँ मने हारी चिजाँ में आद करो हो अन ज्या हिक में थाँने दिदी हे, वींको पालण करो हो।

1 कुरिन्थियों 14:6

हो विस्वासी भायाँ यद्याँ मूँ थाँका नके आन दरसण, परमेसर का आड़ीऊँ बात, हिक देबावाळी अन ग्यान देबावाळी बाताँ ने बोलूँ पण अलग अलग बोली बोलूँ तो थाँने माराऊँ कई नफो?

गलातियों 1:6

मने अचम्बो वेरियो हे के, परमेसर जणा थाँने मसी की दयाऊँ बलाया हे, थाँ अतरा जट वणाऊँ फरन कणी दूजाँ हव हमच्यार ने मानरिया हो।

इपिसियों 2:20

थाँ अस्यो एक मेल हो जणी की नीम थरप्या तका अन परमेसर का आड़ीऊँ बोलबावाळा हे, अन वींके नासीक को भाटो खुद ईसू मसी हे।

इपिसियों 6:18

हरेक तरियाँ की अरज अन विनती का हाते आत्माऊँ हर टेम परातना करिया करो। ईं मस जागता रेवो अन हारई पुवितर लोगाँ का वाते हरदाण अरज करता रेवो।

फिलिपियों 1:5

काँके जद्याँऊँ हव हमच्यार हुण्यो हो वीं पेला दनऊँ लेन आज दन तईं हव हमच्यार फेलाबा में मारी मदत किदी हे।

कुलुसियों 1:23

ओ तद्याँ वेवे हे जद्याँ थाँ विस्वास में अटल बण्या रेवो अन ज्यो हव हमच्यार थाँ हुण्यो हो वणीऊँ मली तकी आस में गाटा बण्या तका रेवो। अणी हव हमच्यार को परच्यार आकास का रेटे हारी दनियाँ में व्यो हे। अन मूँ पोलुस ईंको सेवक हूँ।

कुलुसियों 4:2

थाँ हेंचेत रेन परमेसर को धन्नेवाद करता रेवो अन परातना करता रेवो।

2 तिमुतियूस 3:14

पण थूँ वणा बाताँ पे ज्यो थें हिकी हे अन ज्याँका बारा में थने पको विस्वास हे। ओ जाणन के, थने वीं बाताँ हिकाबावाळा कूण हाँ, वणामें बण्यो तको रे।

इब्रानियों 10:25

अन थाँ भेळा वेणो मती छोड़ज्यो। जस्यान के नरई मनकाँने तो भेळो ने वेबा की आदत पड़गी हे। पण आपाँने तो एक दूजाँ ने हमजाणा हे। जस्यान के, थाँ जाणो हो अन देको भी हो के, वो परबू को दन नके आरियो, जणीऊँ थाँने तो ओरुँ भी ईंने करणो छावे।

इब्रानियों 10:39

पण आपाँ वाकामूँ ने हा, ज्यो पाच्छा फर जावे हे अन नास वे जावा, पण आपाँ तो विस्वास राकबावाळा हा, ताँके आपणाँ जीव ने बंचाबा।

1 यहुन्ना 1:3

माँ वींने देक्यो अन हुण्यो हे। अन अबे थाँकामें भी वींके बारा में परच्यार करा हाँ, जणीऊँ थाँ भी मारा हाते भेळा वे जावो। काँके आपाँ परम बापू अन वींकी बेटा ईसू मसी का हाते भेळा हा।

1 यहुन्ना 1:7

अन यद्याँ आपाँ केवा के, आपाँ वींके हाते उजिता में हा अन वींके जस्यानीस उजिता में चाला हा, तो आपाँ एक विस्वासी का जस्यान एक-दूजाऊँ मलन रेवा हा अन परमेसर का बेटा ईसू मसी को खून आपणाँ हाराई पाप ने धो देवे हे।

1 यहुन्ना 2:19

मसी का दसमण आपणाँ मेंऊँस बण्या हा, पण हाँची में वीं आपणाँ हाते कोयने हे, काँके यद्याँ वीं आपणाँ हाते वेता, तो आपाँने छोड़ता कोयने। पण वणा आपाँने छोड़ दिदा जणीऊँ वीं आपाँने ओ बता सके के, वीं हाँची में आपणाँ मेंऊँ कोयने।

यहूदा 1:20

पण हो भायाँ, थाँ एक-दूँजा ने आत्मिक रूपऊँ पुवितर विस्वास का हाते आगे बड़ता रेज्यो अन पुवितर आत्मा का हाते परातना करतो रेज्यो।