थरप्या तका का काम 2:38 - नुवो नेम (मेवड़ी नया नियम)

³⁸ पतरस वाँने क्यो, “मन ने बदलो अन आपणाँ पापाँ की मापी के वाते थें हारई ईसू मसी का नामऊँ बतिस्मो लेवो। परमेसर थाँने पापाऊँ मापी देई अन थाँने पुवितर आत्मा को दान मल जाई।

थरप्या तका का काम 2:38 Iomraidhean Croise

मत्ती 28:19

ईं वाते जावो, अन हाराई देसा का लोगाँ ने चेला बणावो अन बापू, पूत अन पुवितर आत्मा का नामऊँ बतिस्मो दो,

मत्ती 3:2

अन परच्यार करबा लागो, “पापऊँ मन फेरो, काँके हरग को राज आबावाळो हे।”

मत्ती 3:6

वाँकाणी आपणाँ पापाँ ने मान्याँ अन यरदन नंदी में यहुन्ने आपणाँ हाताऊँ वाँने बतिस्मो दिदो।

मत्ती 4:17

वीं टेमऊँ ईसू हव हमच्यार की सरुआत कर दिदी के, “पापऊँ मन फेरो, काँके हरग को राज आबावाळो हे।”

मरकुस 1:15

वाँकाणी क्यो, “अबे टेम पुरी वेगी हे अन परमेसर को राज आरियो हे। थाँ मन बदलो अन परमेसर का हव हमच्यार पे विस्वास करो।”

मरकुस 16:16

ज्यो कुई विस्वास करे अन बतिस्मो लेवे, वो बंचायो जाई अन ज्यो विस्वास ने करे, वो दोसी ठेरायो जाई।

लूका 24:47

अन यरूसलेमऊँ लगान हाराई धरती का लोगाँ में मन फेरबा को अन पापऊँ मापी को परच्यार वींका नामऊँईस किदो जाई।

लूका 3:10

जद्याँ लोगाँ वणीऊँ पूँछ्यो के, “अबे माँने कई करणो छावे?”

थरप्या तका का काम 10:43

हारई परमेसर का आड़ीऊँ बोलबावाळा वींका बारा में गवई दिदी के, वींपे भरोसो करबावाळो हरेक मनक वींका नामऊँ पापाँ की मापी पाई।”

थरप्या तका का काम 10:48

अस्यान वे ईसू मसी का नामऊँ बतिस्मो लेबा को आदेस दिदो। पछे वाँकाणी पतरसऊँ अरज किदी के, वो थोड़ाक दन वाँकी लारे रूके।

थरप्या तका का काम 13:38

ईं वाते ओ भायाँ, थाँकाणी जाणणो छावे के, बेस ईसुऊँइस थाँका वाते हाराई पापाँ की मापी घोसित वीं हे अन जो कुई भी विस्वास करी वो परमेसर का हामे सई मान्यो जाई, अस्यान मूसा का नेम कदी ने कर सके।

थरप्या तका का काम 16:15

जदी वा लुगई अन वींका परवारवाळा हंगळा हाते बतिस्मो लिदो तो वणी माँकी मनवार किदी के, “यद्याँ थाँ मने परमेसर में विस्वास करबावाळी लुगई हमजो, तो अटूँ मारे हाते चालो अन मारे घरे रो।” जद्याँ तईं माँ राजी ने व्या, तद्याँ तईं वा मनवार करतिइस री।

थरप्या तका का काम 17:30

ईं वाते परमेसर वीं दाण का मनकाँ की, परमेसर ने ने जाणबा अण-हमज पे ध्यान ने दिदो, पण अबे हरेक जगाँ लोगाँ ने मन फराबा की आग्या देवे हे।

थरप्या तका का काम 20:21

यहूदियाँ अन युनानियाँ के हामे गवई देतो रियो, के पापाऊँ मन फरान परमेसर का आड़ी आवो अन परबू ईसू मसी पे विस्वास करो।

थरप्या तका का काम 22:16

अबे काँ मोड़ो कररियो हे? ऊँट अन बतिस्मो ले, अन वींका नामऊँ अरज करन आपणाँ हंगळा पापाँ ने धो नाक।”

थरप्या तका का काम 26:18

थूँ वाँकी आक्याँ ने खोले अन वीं अंदाराऊँ उजिता का आड़ी, अन सेतान की सगतिऊँ परमेसर का आड़ी फरे ताँके वाँने पापाऊँ मापी मले अन परमेसर का चुण्या तका लोगाँ के हाते वीं भी बापोती में भेळा वेवे।’

थरप्या तका का काम 26:20

पण पेल्याँ दमिसक का, पछे यरूसलेम का अन यहूदियाँ का हंगळा देसा में रेबावाळा अन जो यहूदी ने हा, वाँने हमजातो रियो, के आपणाँ मन ने फेरो अन परमेसर का आड़ी आवो अन मन फरावा जोगो काम करो।

थरप्या तका का काम 3:19

ईं वाते थाँ आपणो मन बदलो अन परमेसर का दयने आ जावो, ताँके परमेसर थाँका पापाँ ने माप करे

थरप्या तका का काम 5:31

परमेसर वींनेईस राजा अन छुड़ाबावाळो मानन आपणाँ जीमणा पाल्डे बेटा दिदो हे, ताँके इजराएली लोग ने आपणो पापाऊँ मन बदलबा को मोको मले अन परमेसर वाँका पापाँ ने माप करे।

थरप्या तका का काम 8:12

पण वणा लोगाँ फिलिपुस का संदेसा पे भरोसो किदो, काँके फिलिपुस वाँने परमेसर का राज अन ईसू मसी नाम को हव हमच्यार हूणातो हो। तो हारई लोग-लुगायाँ बतिस्मो लेबा लागा।

थरप्या तका का काम 8:20

पतरस वींने क्यो, “थाँरा रिप्या थारी लारे ईं नास वे जाई, काँके थें परमेसर को वरदान रिप्याऊँ मोल लेबा को बच्यार किदो।

रोमियों 6:3

कई थाँ ने जाणो हो आपाँ, ज्यो ईसू मसी में बतिस्मो लिदो हे, वींकी मोत कोईस बतिस्मो लिदो हे।

इपिसियों 1:7

मसीऊँ गट-जोड़ वेबाऊँ वणा आपाँने आपणाँ लुईऊँ छुड़ाया, ईंको मतलब गुनाऊँ मापी देवाड़े हे। ओ परमेसर की मोटी करपा का मस व्यो।

तीतूस 3:5

यो ईं वाते ने व्यो के, आपाँ धरम का काम कररिया हा, पण आ वाँकी करपाइस ही के, वो आपाँने पुवितर आत्मा का आड़ीऊँ बंचावे, ज्या आपाँने धोन नुवो जनम अन नुवो जीवन देवे हे।

1 पतरस 3:21

वो पाणी भी बतिस्मा का जस्यान हे, जणीऊँ अबे थाँ बंचाया जावो हो। अणी बतिस्मा को मतलब यो कोयने के, देह को मेल धोयो जावे, पण मन ने पुवितर करन खुद ने परमेसर का आड़ी फेरणो वेवे हे, काँके ईसू मसी मरिया तका मेंऊँ पाच्छा जीवता किदा ग्या हा।