थरप्या तका का काम 2:32 - नुवो नेम (मेवड़ी नया नियम)

³² अणीस ईसू ने परमेसर पाछो जीवतो कर दिदो, ईं बात का माँ हारई गवा हाँ।

थरप्या तका का काम 2:32 Iomraidhean Croise

यहुन्ना 15:27

अन थाँ भी मारा गवा हो, काँके थाँ ठेटऊँ मारा हाते रिया हो।

थरप्या तका का काम 1:8

पण, जद्याँ पुवितर आत्मा थाँका पे आई, तो थाँ सगतिऊँ भर जावो अन आकाई यरूसलेम, यहूदियाँ अन सामरियाऊँ लगान धरती का खुणा-खुणा तईं मारा गवा बेणो।”

थरप्या तका का काम 13:30

पण, परमेसर वींने मरिया केड़े पाछो जीवतो कर दिदो हो।

थरप्या तका का काम 13:33

जो आपीं आपणाँ पूरबजाँ का बंस का हा, आपणाँ वाते परमेसर पूरो किदो हे। जस्यान के, भजनाँ की किताब का दूजाँ पाट में लिक्यो हे, “थूँ मारो बेटो हे, आजइस मूँ थारो बापू बण्यो हूँ।”

थरप्या तका का काम 17:31

काँके वणी एक दन ठेरायो हे, वीं आपणाँ थरप्या तकाऊँ वो धरती का हंगळा मनकाँ को हाँचऊँ न्याव केरी, अन वणी मरिया तका मूँ पाछो जीवतो वेन हंगळा मनकाँ में आ बात पाकी कर दिदी हे।

थरप्या तका का काम 2:24

पण, परमेसर वींने मोत का दकऊँ छुड़ान पाछो जीवतो कर दिदो, काँके वाँका वाते ओ वे ने सके के, मोत वींने आपणाँ बस में राके।

थरप्या तका का काम 3:15

थाँ जीवनदाता ने मरवा नाक्यो, पण परमेसर वींने मरिया तका मूँ पाछो जीवतो कर दिदो, माँ ईं बात का गुवा हा।

थरप्या तका का काम 3:26

परमेसर जद्याँ आपणाँ दास ईसू ने चुण्यो अन सबाऊँ पेल्याँ वींने थाँका नके खन्दायो, ताँके थाँने खराब गेलाऊँ थाँको मन बदलन आसीस देवे।

थरप्या तका का काम 4:10

तो थाँ सब जणा अन इजराएल का लोगाँ ने ओ पतो वेणो छावे के, ओ मनक थाँके हामे ईसू मसी नासरी का नामऊँ पुरी तरियाऊँ हव वेन थाँका हामे ऊबो हे, वो ईसू नासरी, जिंने थाँकाणी हूळी पे चड़ा दिदो हो अन परमेसर पाछो वींने मरिया तका मूँ जीवतो कर दिदो।”

थरप्या तका का काम 4:33

अन वे थरप्या तका परबू ईसू के पाछो जीवतो वेबा की गवई देता अन परमेसर वाँ हाराई ने घणो आसीस दिदो।

थरप्या तका का काम 5:30

ईं आपणाँ बड़ाबा का परमेसर, ईसू ने मरयाँ तकाऊँ पाछो जीवतो करन ऊबो कर दिदो हे, जिंने हूळी पे लटकान थाँ लोगाँ मार नाक्यो।

1 कुरिन्थियों 15:15

अन माँ भी परमेसर का हामे जूटा गवा बणा हा, काँके माँ परमेसर का बारा में थाँने आ गवई दिदी हे के, वणा मसी ने मरिया तका मेंऊँ पाच्छा जीवता किदो।

1 कुरिन्थियों 6:14

अन परमेसर आपणी तागतऊँ परबू ईसू नेईस पाछो जीवता ने किदा पण वीं आपाँने भी पाच्छा जीवता करी।

2 कुरिन्थियों 4:14

काँके आपाँ जाणा हा के, जस्यान परमेसर परबू ईसू ने मरिया तका मेंऊँ जीवता किदा हे, वस्यानीस वीं आपाँने भी ईसू का हाते जीवता करी अन माँने भी थाँका हाते परमेसर का हामे ऊबा करी।

गलातियों 1:1

यो कागद पोलुस का आड़ीऊँ जिंने थरप्यो तको चेलो वेबा का वाते चुण्यो ग्यो, वो ने तो मनकाँ का आड़ीऊँ अन ने मनकाऊँ चुण्यो ग्यो, वो तो ईसू मसी अन परम बापू परमेसर की ओरुँ चुण्यो ग्यो, जणा ईसू मसी ने मरिया तकाऊँ जीवता किदा हा।

इपिसियों 1:20

परमेसर मसी ने मरिया तकाऊँ पाछो जीवतो करन हरग में आपणाँ जीमणा पाल्ड़े बेटायो।

कुलुसियों 2:12

अन मसी का हाते बतिस्मा में आपीं भी गाड़या ग्या अन परमेसर की तागत पे विस्वास करबा की वजेऊँ आपाँ भी मसी का हाते जिवाया ग्या हा, जणी तागत ईसू मसी ने मरिया तकाँ मेंऊँ पाच्छा जीवता किदा हा।

इब्रानियों 13:20

जणी गारा का वणी मान गवाळ्याँ आपणाँ परबू ईसू ने वीं अनंतकाल का करार करबावाळा लुईऊँ मरिया तका मेंऊँ पाच्छा जीवता कर दिदा, वीं सान्तीदाता परमेसर, थाँ हाराने हव चिजाँ में धपा दे, जणीऊँ थाँ वाँकी मनसा ने पुरी कर सको। अन ज्यो कई वींने भावे हे, वींने ईसू मसीऊँ आपाँ में पूरो करे। परमेसर की मेमा हमेस्यान वेती रेवे। आमीन।

1 पतरस 1:21

थाँ भी मसी का वजेऊँईस परमेसर पे विस्वास करो हो, जणा वाँने मरिया तका मेंऊँ पाछो जीवतो कर दिदो अन वींने मेमा भी दिदी। ईं वाते थाँको विस्वास अन थाँकी आस परमेसर में गाटी बणी तकी रेवे।