थरप्या तका का काम 18:15 - नुवो नेम (मेवड़ी नया नियम)

¹⁵ पण यद्याँ ओ थाँका सबद, खुद का नेमा अन नाम को बात-बच्यार हे तो थें जाणो हो, मूँ अणा चिजाँ को न्याव ने करणो छारियो हूँ”

थरप्या तका का काम 18:15 Iomraidhean Croise

मत्ती 27:24

जद्याँ पिलातुस देक्यो के, कई फायदो कोयने पण ईंका हामे ओरी हाका-हूक वेबा लागी हे, तो वाँकाणी हतेळी में पाणी लेन भीड़ का हामे आपणाँ हात धोया अन क्यो, “मूँ ईं धरमी का लुईऊँ बना दोस को हूँ, थाँईस जाणो।”

मत्ती 27:4

अन क्यो, “में बना दोस का मनक ने मारबा का वाते पकड़ान पाप किदो!” तो वाँकाणी क्यो, “माँने कई? थूँ थारी जाणे।”

यहुन्ना 18:31

पिलातुस वाँने क्यो, “थाँ ईंने ले जावो अन आपणाँ नेमा के हस्याबूऊँ न्याव करो।” यहूदी लोगाँ वींने क्यो, “माँने यो हक ने हे के, किंने मोत को दण्ड देवा।”

थरप्या तका का काम 18:13

अन क्यो “यो मनक लोगाँ ने भोळारियो हे के, परमेसर की परातना अस्यान करो, ज्या वेवस्ता के नेमा के विरोद में हे।”

थरप्या तका का काम 23:29

तद्याँ में जाण्यो के, वीं आपणी वेवस्ता का विरोद में ईंपे दोस लगारिया हे, पण ईंने मारबा अन बन्दी बणाबा के जस्यो कई दोस कोयने हे।

थरप्या तका का काम 25:11

यद्याँ में कई गुनो किदो वे अन मारबा के जस्यान काम किदो वे, तो मूँ मरवऊँ आगो-पाछो ने वेऊँ। पण जीं बाताँ को ईं मारा पे दोस लगावे हे, यद्याँ वणा मूँ कई भी बात हाँची ने वेवे तो कुई भी मने वाँका हाताँ में ने हूँप सके। मूँ केसरऊँ हाता-जोड़ी करणो छारियो हूँ।”

थरप्या तका का काम 25:19

पण वीं आपणाँ धरम की एक-दो बाताँ लेन अन ईसू नाम का कणी मनक का बारा वींऊँ माता-फोड़ी करता हा, जो मरग्यो हो पण पोलुस वींने जीवतो बतावे हे।

थरप्या तका का काम 26:3

खासतोरऊँ ईं वाते के थूँ यहूदियाँ का हंगळा रिति-रिवाज अन विवाद ने जाणे हे, ईं वाते मूँ हाता-जोड़ी करूँ हूँ के, थूँ मारी बाताँ ने चेतो लगान हूणज्ये।”

1 तिमुतियूस 1:4

अन वाँ मनगड़त केण्याँ अन वंसावल्या पे मन ने लगावे, ज्यो लड़ई-जगड़ो करावे हे अन परमेसर की वीं मरजी ने पुरी ने वेवा देवे हे, ज्या खाली विस्वासऊँ पुरी वे सके हे।

1 तिमुतियूस 6:4

तो अस्यान का मनक मरोड़ में वाँका रेई, पण वीं कईस ने जाणे हे। वाँकी अकल मरगी हे, अन वाँने बाताँ पे नन्दयाँ करणी हव लागे हे, वाँकाऊँ मेपणो, दोस लगाणो, हुगली बाताँ, बुरा भेंम निकळे हे।

2 तिमुतियूस 2:23

फोगट अन बना मतलब की बाताँऊँ खुद ने छेटी राक, काँके थूँ खुद जाणे हे के, अणाऊँ लड़ई-जगड़ा वेवे हे।

तीतूस 3:9

बेकार की बाताँऊँ, वंसावल्या की गणतीऊँ, लड़ई-जगड़ाऊँ अन नेमा का बारा में लड़बाऊँ बंचन रेवो, काँके ईं बाताँ बेकार अन बना मतलब की हे।