थरप्या तका का काम 18:12 - नुवो नेम (मेवड़ी नया नियम)

¹² जदी गलिया नाम को अखाया देस को राजपाल बण्यो, यहूदी लोगाँ एगट करन पोलुस ने पकड़ लिदो, अन वींने न्याव-गादी का हामे लाया

थरप्या तका का काम 18:12 Iomraidhean Croise

मत्ती 27:19

जद्याँ पिलातुस न्याव की गाद्दी पे बिराज्यो तको हो तो वाँकी लुगई वींने ओ हमच्यार खन्दायो, “थूँ वणी धरमी मनक का मामला में भेळा मती रेज्ये। काँके में आज हपना में वाँका वाते घणो दुक जेल्यो हे।”

यहुन्ना 19:13

ईं बाताँ हुणन पिलातुस ईसू ने बारणे लायो अन वटे न्याव की गाद्दी पे बेटग्यो, वीं जगाँ ने भाटो को चबुतरो भी केता हो। जिंने इबरानी भासा में “गब्बता” भी केता हा।

थरप्या तका का काम 13:12

जद्याँ टापू के राजपाल ओ सब देक्यो, तो वो परबू पे भरोसो करबा लागो अन परबू का वसना की हिकईऊँ घणो अचम्बो व्यो।

थरप्या तका का काम 13:50

तो वटने यहूदियाँ, जानी-मानी लुगायाँ जणी यहूदी धरम ने मान लिदो हो अन नगर का मुक्या ने उकसाया, तो वे पोलुस अन बरनबास पे अन्याव करन हताबा लागा अन दरपाता तका जोरावरीऊँ वाँने आपणाँ अटूँ बारणे निकाळ दिदा।

थरप्या तका का काम 13:7

वो घणा हूँस्यार राजपाल हरग्युस पोलुस को हण्डाळी हो। हरग्युस पोलुस परमेसर को बचन हुणबा के वाते बरनबास अन साउल ने पाच्छा बलाया हा।

थरप्या तका का काम 13:8

पण अलीमास जादूगर, जिंको युनानी नाम बारईसू हो, वणी वाँको विरोद किदो। वीं टापू के राजपाल को विस्वास तोड़बा के वाते जोर दिदो।

थरप्या तका का काम 14:19

पण थोड़ाक यहूदियाँ अन्ताक्या अन इकुनियमऊँ आन मनकाँ ने आपणी आड़ी करन पोलुस के भाटा ठोक्या अन वींने मरियो तको हमजन नगरऊँ बारणे गड़ीन लेग्या।

थरप्या तका का काम 14:2

पण विस्वास ने करबावाळा यहूदियाँ मनक जो यहूदी ने हे वाँका मन में विस्वास्याँ को विरोद करबा वाते उकसाया।

थरप्या तका का काम 17:13

पण जदी थिसलुनीके का यहूदी जाणग्या के, पोलुस बिरिया में भी परमेसर का बचन हुणारियो हे, तो वीं वटे आन भीड़ ने उकसान भड़कई।

थरप्या तका का काम 17:5

पण यहूदियाँ थोड़ाक फोगट्या मनकाँ ने आपणाँ आड़ी मला लिदा, अन भेळा वेन नगर में धामा-चोकड़ी मचाबा लाग्या अन वाँने हंगळा के हामे लाबा वाँते यासोन का घर पे हमलो कर दिदो।

थरप्या तका का काम 18:11

ईं वाते पोलुस वणी नगर में परमेसर का वसना ने डोड़ वर तईं हिकाया।

थरप्या तका का काम 18:27

जदी वणी होच्यो के वटूँ अखाया जाऊँ तो इपिसुस का विस्वास्याँ वींने धिजो बन्दायो अन अखाया का विस्वास्याँ ने लिक्यो के वीं ईंकी आवभगत करे। अन वणी वटे जान लोगाँ की मदत किदी जणा परमेसर की करपाऊँ विस्वास किदो हो।

थरप्या तका का काम 19:21

ईं बाताँ व्या केड़े पोलुस आपणी आत्मा में होच्यो के मकिदुनिया अन अखाया वेन यरूसलेम जाऊँ, अन क्यो “वटे जान मने रोम में भी जाणो पड़ी।”

थरप्या तका का काम 25:10

पोलुस क्यो, “मूँ अबाणू रोम का राजा केसर के राजिपो करबावाळी गादी का हामे ऊबो हूँ, जटेइस मारो न्याव वेणो छावे। ईं बात ने थूँ हव तरियाऊँ जाणे हे के में यहूदियाँऊँ कई खोटो ने किदो हे।

रोमियों 15:26

काँके मकिदुनिया अन अखाया परदेस की मण्डळ्याँ का मनकाँने यो हव लागो के, वीं यरूसलेम में परमेसर का पुवितर मनकाँ में ज्यो गरीब हे वाँने कई हे।

रोमियों 16:5

वाँके घरे भेळी वेबावाळी मण्डली ने भी मारो नमस्कार। मारो लाड़लो भई इपनितुस ने ज्यो एसिया में मसी ने अपणाबावाळो मेंऊँ पेलो मनक हे वींने मारो नमस्कार केज्यो।

1 कुरिन्थियों 16:15

थाँ स्तिपनूस का घराणा का बारा में तो जाणो हो के, वीं अखाया में मसी पे विस्वास करबाबाळा पेला मनक हे। वणा परबू का भगताँ की सेवा करबा का वाते काम तोक्यो हे। ईं वाते ओ विस्वासी भायाँ मूँ थाँकाऊँ अरज करूँ हूँ,

2 कुरिन्थियों 1:1

यो कागद मूँ पोलुस ज्यो परबू ईसू मसी की मरजीऊँ खन्दायो तको चेलो हूँ अन भई तिमुतियुस कुरिन्तुस नगर की मण्डली ने अन अखाया का हाराई परमेसर का मनकाँ ने लिकरिया हाँ।

2 कुरिन्थियों 11:10

यद्याँ मसी को हाँच मारा में हे तो अखाया परदेस में कुई भी मने ईं बात में मेपणो करबाऊँ ने रोक सकी।

2 कुरिन्थियों 11:26

नरी दाण तो मूँ लम्बी जातरा पे ग्यो, नरी दाण खतरनाक नन्दयाँ, जबरा डाकूँऊँ, खुद का लोगाऊँ, ज्यो यहूदी ने हा वाकाँऊँ खतरा को सामनो किदो, नरी दाण नगरा में, समन्द में, काकड़ में, दिकावटी भायाँऊँ खतरा को सामनो किदो।

2 कुरिन्थियों 9:2

काँके मूँ जाणूँ हूँ, ईं काम ने करबा का वाते थाँ हमेस्यान त्यार रेवो हो अन ईं बात ने मकिदुनिया का मनकाँ का हामे केवाऊँ मेपणो वेई के, अखाया का मनक पालाँ साल ऊँइस त्यार वेग्या हा अन थाँका काम ने देकन नरई मनकाँ ने काम करबा की हिक मली हे।

1 थिस्सुलुनिक्यों 2:14

हो भायाँ-बेना, थाँका हाते भी वस्यानीस व्यो जस्यान यहूदियाँ परदेस में परमेसर की मण्डली का हाते व्यो हो, काँके वीं भी ईसू मसी ने मानता हाँ। थाँने भी थाँका मनकाँऊँ वस्योईस दुक मल्यो जस्यान वाँने यहूदी लोगाऊँ मल्यो हो।

1 थिस्सुलुनिक्यों 2:16

वीं मनक जी यहूदी ने हे, वाँने बंचाबा को हव हमच्यार हुणाबा का वाते आपाँने रोके हे। अस्यान करबाऊँ वाँका पाप को घड़ो भरियो हे अन परमेसर को परकोप वाँका पे आग्यो हे।

याकूब 2:6

पण थाँ तो वणी गरीब मनक को अपमान किदो हो। कई धनी मनक वीं ने हे? जीं थाँका पे जोर जुलम करे अन थाँने थाणा में गड़ीन ने ले जावे?