थरप्या तका का काम 15:7 - नुवो नेम (मेवड़ी नया नियम)

⁷ तद्याँ बात-बच्यार व्या केड़े पतरस ऊबो वेन क्यो, “हो भायाँ, थाँ जाणो हो के, नरई दन पेल्या परमेसर थाँकामूँ मने चुण्यो के, माराऊँ जो यहूदी ने हे वीं हव हमच्यार हुणन विस्वास करे।

थरप्या तका का काम 15:7 Iomraidhean Croise

यहुन्ना 15:16

थाँ मने ने चुण्यो पण में थाँने चुण्या हे अन थाँने ठेराया हे के, थाँ अस्या फळ-फळो जीं हमेस्या बण्या रेवे। तद्याँ थाँ मारा नामऊँ ज्यो कई बापऊँ मांगो, वो थाँने दे।

यहुन्ना 3:27

यहुन्ने वाँने जवाब दिदो, “जद्याँ तईं परमेसर ने देवे तद्याँ तईं कुई कई ने पा सके हे।

थरप्या तका का काम 1:16

“ओ मारा भई अन बेना, ईसू ने बंदी बणाबावाळा ने गेलो बताबावाळो यहूदो, जिंका बारा में सास्तर में लिक्यो हे, जो दाऊद का मुण्डाऊँ पुवितर आत्मा नरई दनाँ पेल्याँई के दिदो हो, वाँ बात पुरी वेणी जरूरी ही।

थरप्या तका का काम 1:24

पछे वाँ हंगळा जणा परातना करन केबा लागा के, ओ परबुजी, थाँ तो हारई को मन जाणो हो अन अबे माने ओ बतावो के, आ दुई जणाऊँ थाँ किंने थरपणो छावो हो,

थरप्या तका का काम 10:19

पतरस अबाणू भी वीं दरसावो के वातेई होचरियो हो, तद्याँ आत्मा वींने क्यो, “हुण, तीन मनक थने होदरिया हे।

थरप्या तका का काम 10:20

ईं वाते ऊबो वे अन रेटे उतर आगो-पाछो मत वे अन वाँकी लारे परोजा, काँके वाँने में खन्दाया हे।”

थरप्या तका का काम 13:2

वे जद्याँ वरत करता तका परबू की मेमा कररिया हा, तद्याँई पुवितर आत्मा क्यो, “बरनबास अन साउल ने जीं काम के वाते में बलाया हा, वीं काम के वाते वाँने न्यारा कर दो।”

थरप्या तका का काम 15:14

अबाणू थोड़ीक दाण पेल्याँ समोन ओ बतायो हे के, कस्यान परमेसर पेल्याई पेल्याँ जो यहूदी ने हे वामूँ थोड़ाक लोगाँ ने आपणाँ वाते चुणन आपणो परेम परगट किदो।

थरप्या तका का काम 15:2

जद्याँ पोलुस अन बरनबास वाकाँऊँ बात-बच्यार किदी अन वाँका में लड़ई वेगी, तो ओ चुण्यो के, पोलुस अन बरनबास अन वाँका मूँ थोड़ाक मनक ईं बात को फेसलो करबा का वाते आपणाँ थरप्या तका अन बड़ाबा नके यरूसलेम जाई।

थरप्या तका का काम 15:39

ईंऊँ अस्यी माता-फोड़ी वेगी अन वीं एक-दूजाऊँ अलग वेग्या, अन बरनबास मरकुस ने हाते लेन जाँजऊँ साइपरस परोग्यो।

थरप्या तका का काम 20:24

पण मूँ आपणाँ जीव ने कई ने हमजूँ। मूँ तो बेस वीं दोड़ अन सेवा का काम ने पूरो करणो छारियो हूँ, जिंने में परबू ईसुऊँ पाई हे, जो परमेसर की करपा का हव हमच्यार की गवई देणो हे।”

थरप्या तका का काम 21:16

केसरियाऊँ भी थोड़ाक चेला माकाँ हाते आया, अन माने मनसोन नाम को जो साइपरस देस की पेली विस्वास्याँ की मण्डली का चेला मूँ एक हो, वींका अटे लाया, काँके माँने वटे रेणो हो।

थरप्या तका का काम 3:18

परमेसर आपणाँ आड़ीऊँ बोलबावाळा का मुण्डाऊँ ओ पेल्याँई क्यो के, मसी ने दुक जेळणो पेड़ी अन परमेसर ईं काम ने अस्यानीस पूरो किदो।

थरप्या तका का काम 4:25

थाँईस पुवितर आत्माऊँ आपणाँ दास अन माकाँ पुरवज दाऊद का मुण्डाऊँ क्यो हो, “‘अणा ज्यो यहूदी ने हे वा लोगाँ काँ हाका-हूक किदी? अन बेकार में लोगाँ काँ जाळ बचायो?

थरप्या तका का काम 9:15

पण, परबू वींने क्यो, “थूँ जा। काँके ईं मनक ने हारी जात्या, राजा अन इजराएल का लोगाँ में मारो नाम फेलाबा वाते चुण्यो हे।

फिलिपियों 2:14

हारई काम बना बड़बड़ान अन बना बेस करिया करता रेवो।