थरप्या तका का काम 15:29 - नुवो नेम (मेवड़ी नया नियम)

²⁹ के थाँ मूरताँ के चड़ई तकी चिजाँ, अन गळो मरोड़िया तका को माँस ने खावो, कूकरमऊँ छेटी रेज्यो अन लुई ने पीजो। ईंऊँ थाँको भलो वेई, अबे माँ विदा लेवा।”

थरप्या तका का काम 15:29 Iomraidhean Croise

लूका 9:61

एक दूजे ओरी क्यो, “ओ परबू, मूँ थाँका पाच्छे चालूँ। पण, पेल्या मने जाबा दो के, मूँ आपणाँ घर का लोग-बागाऊँ हिक ल्यऊँ।”

थरप्या तका का काम 15:20

पण वाँने आपाँ ओ लिकीन खन्दावाँ के, थाँ मूरताँ पे चड़ई तकी चिजाँ ने मत खाज्यो अन कूकरमऊँ छेटी रेज्यो, गळो मरोड़िया तका को माँस ने खावो, अन लुई ने पीजो।

थरप्या तका का काम 18:21

पण पोलुस ओ केन वाँका नकेऊँ ग्यो, “यद्याँ परमेसर की मरजी वेई तो थाँका नके पाछो आऊँ”। तद्याँ वो इपीसुसऊँ जाँज में बेटन चाल पड़्यो।

थरप्या तका का काम 21:25

पण जणा जो यहूदी ने हे वामूँ विस्वास किदो, माँ सला करन वाँने संदेसो लिक्यो के, वीं मूरताँ ने चड़ाया तका मासऊँ छेटी रेवे अन गळो मरोड़्या जनावर को माँस ने खावे अन लुई ने पिवे अन कूकरमऊँ छेटी रेवे।”

थरप्या तका का काम 23:30

जद्याँ मने नंगे पड़ी के, वणा यहूदियाँ पोलुस ने मारबा की अटकळ लगई हे, तो में तरत ईंने थाँरा नके खन्दा दिदो, अन दोस लगाबावाळा ने आग्या दिदी के, वीं थाँरा हामे ईंकी बात करे।”

2 कुरिन्थियों 11:9

जद्याँ मूँ थाँका नके हो तो मने कमी वीं हे तद्याँ भी में थाँका पे कई बोज ने नाक्यो, काँके मारा भायाँ मकिदुनियाऊँ आन मारी वणी कमी ने पुरी किदी हे। में हरेक दाण खुद ने थाँका पे बोज बणाबाऊँ रोक्यो, अन आगे भी रोक्यो रेऊँ।

2 कुरिन्थियों 13:11

हो विस्वासी भायाँ, मूँ अणा आकरी सबदा का हाते अणी कागद ने बन्द कररियो हूँ, राजी रिया करो, थाँका वेवार ने बदलो, एक-दूँजा ने हिम्मत बंदावो, सान्ती अन मेल-मिलापऊँ रो, तद्याँ परमेसर ज्यो परेम अन सान्ती का दाता हे थाँका हाते रेई।

1 तिमुतियूस 5:22

लोगाँ का माता पे आसिरवाद देबा का वाते हात मेलन वाँने परमेसर की सेवा में देबा का वाते आगत मती करज्ये। दूजाँ का पाप में भेळो मती वेज्ये, खुद ने खरो बणान राकज्ये।

याकूब 1:27

पण परमेसर का हामे खरी अन पुवितर भगती तो आ हे के, अनात अन विदवा के वाँके दुक सक में देक-रेक करे अन खुद पे दनियादारी को कळंक ने लागबा देवे।

1 यहुन्ना 5:21

हो मारा भायाँ, थाँ खुद ने जूटा देवी-देवताऊँ बंचान राकज्यो।

यहूदा 1:24

परमेसर थाँने पापऊँ बंचान आपणाँ हामे निरदोस साबत करन अन राजी करन आपणी मेमा करबा का वाते ऊबो कर सके हे।

परकासितवाक्य 2:14

कई भी वे मने थाँरा विरोद में थोड़ीक बात केणी हे। थाँरी मण्डली में अस्यान का थोड़ाक मनक हे ज्यो बिलाम की हिक पे चाले हे। काँके बिलाम बालाक ने हिकायो हो के, वो इजराएली मनकाँ ने मूरत पे चड़ायो तको चड़ावो खाबा अन कुकरम करबा का वाते उकसावे।

परकासितवाक्य 2:20

पण मने थाँरा विरोद में ओ केणो हे, थूँ इजेबेल नाम की वीं लुगई ने थाँरा बचमें में रेवा देवे हे, वाँ खुद ने परमेसर का आड़ीऊँ बोलबावाळी बतावे। वाँ आपणी हिकऊँ मारा दासाँ ने कुकरम करबा अन मूरताँ पे चड़ायो तको चड़ावो खाबा वाते उकसावे हे।