थरप्या तका का काम 14:3 - नुवो नेम (मेवड़ी नया नियम)

³ वीं दुई जणा घणा दन तईं वटीस रिया अन बना दरप्याँ परबू की बाताँ ने बताता रिया, अन परबू वाँने तागत देन वाँकाऊँ अचम्बा अन हेन्याणी का काम करवान वाँका करपाऊँ भरया तका संदेसा को मान बड़ातो रियो।

थरप्या तका का काम 14:3 Iomraidhean Croise

मरकुस 16:20

वींका चेला बारणे जान हारी जगाँ परच्यार किदो, वाँकी लारे परबू काम कररिया हा। वाँका अचम्बावाळा काम की वजेऊँ ज्यो वे परच्यार कररिया हा, वीं सिद वेता ग्या।

यहुन्ना 4:48

ईसू वीं अदिकारी ने क्यो, “जद्याँ तईं थाँ हेन्याण अन अचम्बा का कामाँ ने ने देको तद्याँ तईं थाँ विस्वास ने करो।”

थरप्या तका का काम 13:46

पण पोलुस अन बरनबास बनाई दरप्या क्यो, “ओ जरूरी हे के, परमेसर का बचन सबऊँ पेल्याँ थाँने हूणावाँ, पण थाँकाणी वाँने नकारता तका खुद ने अमर जीवन जीबा के जोगा ने हमज्या। ईं वाते माँ अबे यहूदियाँ ने छोड़न जो यहूदी ने हे वाँका नके जारिया हा।

थरप्या तका का काम 2:22

“ओ इजराएल का लोगाँ, आ बाताँ हुणो, परमेसर, ईसू नासरीऊँ अनोका काम, परच्या अन हेन्याण्याँ करान ओ साबत किदो के, वणा वींने थाँका वातेईस खन्दायो हे, जो थाँके गाबे व्यो हे अन थाँ खुद भी जाणो हो।

थरप्या तका का काम 20:24

पण मूँ आपणाँ जीव ने कई ने हमजूँ। मूँ तो बेस वीं दोड़ अन सेवा का काम ने पूरो करणो छारियो हूँ, जिंने में परबू ईसुऊँ पाई हे, जो परमेसर की करपा का हव हमच्यार की गवई देणो हे।”

थरप्या तका का काम 20:32

अबे मूँ थाँने परमेसर अन वींकी करपा का संदेसा में थाँने हूँप दूँ हूँ। वोईस थाँने बणाई अन वींका मनकाँ ज्याँने पुवितर किदा हे वाँका हण्डे थाँने भी बापोती देई।

थरप्या तका का काम 4:31

जद्याँ वणा परातना कर लिदी, तो वाँ जगाँ जटे वे अगेटा व्या हाँ, हालगी। अन वे हारई पुवितर आत्माऊँ भरग्या अन परमेसर का वसना ने बना दरप्याई हुणाबा लागग्या।

थरप्या तका का काम 5:32

ईं बात का माँ गवायाँ हाँ अन वस्यानीस वा पुवितर आत्मा भी हे, जो पुवितर आत्मा परमेसर वाँने दिदी हे, जो कुई वींकी बात माने हे।”

रोमियों 1:16

मूँ हव-हमच्यारऊँ ने हरमऊँ हूँ, काँके यो विस्वास करबावाळा हाराई मनकाँ ने बंचाबा का वाते परमेसर की तागत हे, पेल्याँ यहूदियाँ ने अन पछे ज्यो यहूदी ने हे वाँने।

1 थिस्सुलुनिक्यों 2:2

थाँ ओ भी जाणो हो के, थिस्सुलुनिक्यों आबाऊँ पेल्याँ फिलिप्पी नगर में माँ दुक उटायो अन बेजत व्या, पछे भी माँने परमेसर का आड़ीऊँ अस्यान की हिम्मत मली के, थाँने हव हमच्यार हूणावाँ।

इब्रानियों 2:4

अन परमेसर भी मोटा-मोटा निसाण अन चमत्कारऊँ अन जोरावर कामाँऊँ अन आपणी मनसाऊँ दिदा तका पुवितर आत्मा का वरदानऊँ, वणा ईंने साबत भी किदो हे।