थरप्या तका का काम 14:15 - नुवो नेम (मेवड़ी नया नियम)

¹⁵ “हो लोगाँ, थाँ ओ कई कररिया हो। माँ भी थाँके जस्यानीस मनक हाँ, अन थाँने हव हमच्यार हुणाबा आया, ताँके थाँ अणा फोगट की चिजाँऊँ छेटी वेन जीवता परमेसर के आड़ी आवो, जणी हरग, धरती, समन्द अन जो कई अणामें हे वणीस बणाया हे।

थरप्या तका का काम 14:15 Iomraidhean Croise

मत्ती 16:16

समोन पतरस जटऊँ क्यो, “थूँ जीवता परमेसर को पूत मसी हे।”

यहुन्ना 5:26

काँके जस्यान बापू परमेसर आपणाँ खुद में जीवन राक मेल्यो हे, वस्यानीस वणा मने ओ हक दिदो हे के, मूँ भी आपणाँ खुद में जीवन राकूँ।

यहुन्ना 7:18

ज्यो कुई आपणाँ आड़ीऊँ केवे हे वो खुद की बड़ई छावे हे पण ज्यो आपणाँ खन्दाबावाळा की बड़ई छावे हे वो हाँचो हे अन वींमें कई खोट ने हे।

थरप्या तका का काम 10:26

पण, पतरस वींने बेटो करतो तको क्यो, “ऊबो वे, मारे धोक मत दे, मूँ भी तो एक मनक हूँ।”

थरप्या तका का काम 13:32

माँ अटे वो हव हमच्यार लाया हा जिंका बारा में परमेसर आपणाँ बड़ाबाऊँ वादो किदो हो,

थरप्या तका का काम 14:21

वीं दुई वणी नगर में मनकाँ ने हव हमच्यार हुणाता अन वटे घणा चेला बणाया, पछे पाच्छा लुस्त्रा, इकुनियम अन पिसदिया का अन्ताक्या में पराग्या।

थरप्या तका का काम 14:7

अन वटे हव हमच्यार हुणाबा लागा।

थरप्या तका का काम 16:30

अन वाँने बारणे लान क्यो, “हो भई-लोगाँ! बंचबा के वाते मूँ कई करूँ?”

थरप्या तका का काम 27:10

“हो भला मनक, मने अस्यान लागरियो हे के, अणी जातरा में घणो नकसाण वेई, बेस जाँज अन माल कोईस ने पण आपणाँ जीव को भी नकसाण वेई।”

थरप्या तका का काम 27:21

जद्याँ वीं नरई दन तईं भूका रिया तो पोलुस वाँका बचमें ऊबो वेन क्यो, “हो लोगाँ, जद्याँ थाँ क्रेताऊँ ने निकळबा की मारी बात ने मानता, तो ने आ अबकी वेळा आती अन ने यो घाटो अन नकसाण वेतो।

थरप्या तका का काम 27:25

ईं वाते राजी वे जावो, काँके मूँ परमेसर पे विस्वास करूँ हूँ के, जस्यान माराऊँ क्यो हे वस्यानीस वेई।

थरप्या तका का काम 4:24

जद्याँ वाँ लोगाँ ओ हुण्यो, तो वे एक मन वेन परमेसरऊँ कल्ड़ी अवाज में परातना करबा लागा के, “मालिक, थाँईस हो जो आकास, धरती, समन्द अन वीं मयने जो भी हे, वींने बणायो।

थरप्या तका का काम 7:26

दूजे दन मूसे देक्यो के आपणाँ मनकाँ मूँ कुई लड़रिया हा, तो वाँने हमजोतो करबा के वाते क्यो, “भई, थें तो भई-भई वेन एक-दूँजा पे अन्याव काँ करो हो?”

1 कुरिन्थियों 8:4

ईं वाते मूरताँ का हामे चड़ई तकी चिजाँ ने खाबा का बारा में आपाँ जाणा हा के, मूरताँ को दनियाँ में कई वजूद ने हे अन ओ हे के, एक ने छोड़न कुई परमेसर ने हे।

इपिसियों 4:17

मूँ ईं वाते ओ केवूँ हूँ अन परबू का नाम में थाँने हेंचेत करूँ हूँ के, ज्यो विस्वास ने करे हे वाँके जस्यान अबे कदी भी जीवन ने जीवो, जिंको बच्यार कई काम को ने हे।

1 थिस्सुलुनिक्यों 1:9

काँके वटा का मनक खुद ईं माकाँ बारा में बतावे हे के, कस्यान माँ थाँका नके आया अन कस्यान थाँ मूरत्याँ ने छोड़न जीवता अन हाँचा परमेसर की सेवा करबा का वाते फरग्या हाँ।

1 तिमुतियूस 3:15

पण यद्याँ मारा आबा में टेम लागी तो, ईं कागदऊँ जाण जाज्यो के, आपणाँ परमेसर को घराणो, जीं जीवता परमेसर की मण्डली हे या हाँच की नीम अन थम्बो हे, वींके हाते आपाँने कस्यान को वेवार करणो छावे।

इब्रानियों 3:12

हो भायाँ, हूँस्यार रो, कटे थाँकामूँ किंके मन में बुरई अन अविस्वास ने आ जावे, ज्यो थाँने जीवता परमेसरऊँ छेटी कर दे।

याकूब 5:17

परमेसर का आड़ीऊँ बोलबावाळो एलियो आपणे जस्यानीस एक मनक हो। वणी विस्वास का हाते परातना किदी के, बरका ने वरे तो हाड़ा तीन वरा तईं धरती पे बरका ने वरी।

परकासितवाक्य 14:7

वो जोरऊँ बोलरियो हो, “परमेसरऊँ दरपो अन वाँकी जे-जेकार करो। काँके वाँके न्याव करबा को टेम आग्यो हे। वींका भजन गावो करो। ज्यो धरती, आकास, समन्द अन पाणी का हीरा ने बणई हे।”

परकासितवाक्य 19:10

तद्याँ मूँ वींकी जे-जेकार करतो तको वीं हरग-दुत का आगे धोक लाग्यो। पण वणी माराऊँ क्यो, “अस्यान मती करे! काँके मूँ तो थाँरो अन थाँरी हण्डाळ्याँ का हाते परमेसर को दास हूँ। जणापे ईसू मसी की गवई देबा की जिमेदारी हे। थूँ परमेसर के धोक लाग, काँके ईसू मसी की गवई आगेवाणी की आत्मा हे।”

परकासितवाक्य 19:19

तद्याँ में वणी डरावणा जनावर ने अन धरती पे राज करबावाळा राजा ने देक्या। वाँके हाते वाँकी फोज भी ही। वीं वणी धोळा घोड़ा पे सवार अन वींकी फोजऊँ लड़बा का वाते भेळा वेग्या हा।

परकासितवाक्य 22:9

पण वणी माराऊँ क्यो, “थूँ अस्यान मती कर, काँके मूँ थाँरो अन थाँरा भायाँ परमेसर का आड़ीऊँ बोलबावाळा अन ईं किताब की बाताँ ने मानबावाळा का लारे को दास हूँ। बेस थूँ परमेसर की भगती कर।”

परकासितवाक्य 4:11

“हो माकाँ परबू अन माकाँ परमेसर! थाँईस मेमा, अन मान अन सामरत जोगा हो, काँके थाँईस हारी चिजाँ ने बणई हे। थाँकी मरजीऊँईस हारी चिजाँ बणईगी हे अन जीवे हे।”