थरप्या तका का काम 13:43 - नुवो नेम (मेवड़ी नया नियम)

⁴³ जद्याँ सबा खतम व्यी, तो नरई यहूदी अन यहूदी धरम ने मान लिदा तका लोग भी पोलुस अन बरनबास का पाच्छे वेग्या। पोलुस अन बरनबास वाँकाऊँ बाताँ करता तका लोगाँ ने मनारिया हा के, वे परमेसर की करपा में बण्या रेवे।

थरप्या तका का काम 13:43 Iomraidhean Croise

मत्ती 23:15

“ओ कपटी मूसा का नेमा ने हिकाबावाळा अन फरीसियाँ, थाँने धिकार हे! थाँ एक जणा ने आपणाँ आड़ी लाबा का वाते रात-दन एक कर देवो हो। जद्याँ वो थाँका आड़ी आ जावे हे तो वींने आपणाँऊँ हेलो हुगलो बणा देवो हो।

थरप्या तका का काम 11:23

जद्याँ बरनबास अन्ताक्या पूगो, तो लोगाँ पे परमेसर की करपा देकन वो घणो राजी व्यो अन वणी हारई लोगाँ ने धिजो बन्दान परबू में बण्या तका रेवा वाते क्यो।

थरप्या तका का काम 13:50

तो वटने यहूदियाँ, जानी-मानी लुगायाँ जणी यहूदी धरम ने मान लिदो हो अन नगर का मुक्या ने उकसाया, तो वे पोलुस अन बरनबास पे अन्याव करन हताबा लागा अन दरपाता तका जोरावरीऊँ वाँने आपणाँ अटूँ बारणे निकाळ दिदा।

थरप्या तका का काम 14:22

अन चेला ने हिम्मत देन विस्वास में बड़वा वाते धिजो बन्दाता रिया अन केता रिया के “परमेसर का राज में जाबा वाते आपाँने घणो दुक जेळणो पेड़ी।”

थरप्या तका का काम 14:3

वीं दुई जणा घणा दन तईं वटीस रिया अन बना दरप्याँ परबू की बाताँ ने बताता रिया, अन परबू वाँने तागत देन वाँकाऊँ अचम्बा अन हेन्याणी का काम करवान वाँका करपाऊँ भरया तका संदेसा को मान बड़ातो रियो।

थरप्या तका का काम 16:14

वटे लुदिया नाम की एक लुगई ही, जो थुआतीरा नगर की ही, ज्या रेसम का गाबा बेंचती अन भगती करबावाळी ही। परमेसर वींका मन में आ बात नाकी के, वा पोलुस की बाताँ ने ध्यानऊँ हुणे।

थरप्या तका का काम 17:17

वो यहूदियाँ का परातना घर में यहूदियाँऊँ अन जो यहूदी ने हा वीं भगताऊँ, चोराया अन बाजार में जो कुई मलतो वाँकाऊँ रोज बात-बच्यार करतो रेतो।

थरप्या तका का काम 17:34

पण थोड़ाक मनक वींका हाते वेग्या, अन विस्वास किदो। वणा मूँ दियुनुसियस जो अरियुपगुस सबा को सदस हो, दमरिस नाम की लुगई ही, अन वणाके हाते ओरू घणा लोग भी हा।

थरप्या तका का काम 17:4

वटे वणा मूँ नरई मनक पोलुस अन सिलास ने मानन, वाँके हाते वेग्या अन अस्यानीस नरई युनानी भगत अन नरी जानी-मानी लुगायाँ भी वाँके हाते वेगी।

थरप्या तका का काम 18:7

वटूँ चालन वो तीतूस युस्तुस नाम का परमेसर का भगत का घरे ग्यो, जिंको घर यहूदियाँ का परातना घर का जोड़ीस हो।

थरप्या तका का काम 2:10

फ्रिग्या अन पंपिलिया, मिसर अन सायरस नगर के भड़े का लिबिया परदेस का मनक, रोमऊँ आया जातरी हे।

थरप्या तका का काम 28:23

तद्याँ वणी वाँने केबा के वाते एक दन ते किदो अन नरई मनक वटे भेळा व्या जटे वो रेरियो हो। वणी हवेरूँ लगान हाँज तक परमेसर के राज का बारा में बखाण किदो अन मूसा का नेमा अन परमेसर का आड़ीऊँ बोलबावाळा की किताबाँऊँ ईसू का बारा में साबत करतो तको हमजातो रियो।

थरप्या तका का काम 6:5

आ बात हारी मण्डली के आसे आगी अन वाँकाणी परमेसर पे विस्वास राकबावाळो अन पुवितर आत्माऊँ भरियो तको इस्तीपनुस नाम को एक मनक ने, अन फिलिपुस, परखुरूस, नीकानोर, तीमोन, परमिनास अन यहूदी धरम में आया तका अन्ताकियावासी नीकुलायस ने थरप लिदा।

रोमियों 11:6

यद्याँ ओ परमेसर की करपा को नतीजो हे, तो ओ मनकाँ का करमा को नतीजो ने हे। ने तो करपा ने केवाती।

रोमियों 3:24

पण परमेसर का अनुगरेऊँ अन छुटकाराऊँ ज्यो ईसू मसी में हे, वीं फोकट में धरमी ठेराया ग्या हे।

रोमियों 5:2

विस्वास का वजेऊँ वणी आपाँने परमेसर की दया में जिंमें आपाँ बण्या तका हा, वीं तईं आपाँने पोंछा दिदा हे अन आपाँ परमेसर की मेमा की आस को गुमान करा हा।

रोमियों 5:21

ताँके जस्यान मोत का जरिये पाप राज किदो, वस्यानीस आपणाँ परबू ईसू मसी का वजेऊँ अनंत जीवन लाबा का वाते परमेसर की दया धारमिकता का जरिये राज करे।

2 कुरिन्थियों 5:11

अणीऊँ माँ जाणा हाँ के, परबू की दरपणी कई हे, ईं वाते माँ लोगाँ ने हमजारिया हाँ के, वीं हाँच ने माने। परमेसर आपणाँ हाल-चाल जाणे हे अन मने पूरो विस्वास हे के, थाँ भी माकाँ बारा में हारोई जाणो हो।

2 कुरिन्थियों 6:1

माँ परमेसर का हाते वाँको काम करबा का मस थाँकाऊँ अरज करा हाँ के, परमेसर की दया ज्यो थाँका पे वीं हे वींने बेकार मती वेबा दिज्यो।

गलातियों 5:1

ईसू मसी आपाँने आजादी के वाते आजाद किदा, आपाँने ईंमेंइस रेणो हे अन गुलामी का कामाँ में पाच्छा मती जावो।

गलातियों 5:4

जीं मूसा का नेमा को पालण करन धरमी बणणा छारिया हे, वीं मसीऊँ छेटी वेग्या हे अन परमेसर की दयाऊँ बारणे हे।

इपिसियों 2:8

काँके थाँ विस्वास का मस करपाऊँ बंचाया ग्या हो। अन ओ थाँके करमा को फळ कोयने पण ओ तो परमेसर को दान हे। ईं वाते अणीऊँ कुई मेपणो ने कर सके हे।

फिलिपियों 3:16

पण परमेसर आपाँने ज्यो भी बतायो हे, वींके जस्यानीस आपाँ हाराई ने जीवणो छावे।

फिलिपियों 4:1

ईं वाते हो मारा लाड़ला भायाँ, मूँ थाँने देकणा छारियो हूँ। थाँ मारी खुसी हो अन मने थाँका पे मेपणो हे। मारा लाड़ला भायाँ, वस्यानीस परबू में अटल रो।

कुलुसियों 1:23

ओ तद्याँ वेवे हे जद्याँ थाँ विस्वास में अटल बण्या रेवो अन ज्यो हव हमच्यार थाँ हुण्यो हो वणीऊँ मली तकी आस में गाटा बण्या तका रेवो। अणी हव हमच्यार को परच्यार आकास का रेटे हारी दनियाँ में व्यो हे। अन मूँ पोलुस ईंको सेवक हूँ।

कुलुसियों 1:28

मसी का बारा में परच्यार करन आपीं मनकाँ ने चेतावा हा अन पूरा ग्यानऊँ मनकाँ ने हिकावा हाँ, ताँके हाराई मनकाँ में मसी का हाराई गुण भरन परमेसर का हामे ला सका।

तीतूस 2:11

परमेसर की करपा तो हाराई मनकाँ ने बंचाबा का वाते परगट वीं हे।

इब्रानियों 12:15

ध्यान देता रेवो, अस्यान ने वे, कुई परमेसर की करपाऊँ छुट जावे। कन अस्यी कई फुट पड़ जावे, ज्या दुक देवे, अन वणीऊँ नरई मनक असुद बण जावे।

इब्रानियों 13:9

अलग अलग तरियाँ का अणजाणी हिकऊँ भटको मती, काँके थाँका मन का वाते यो हव के, वो खाबा-पिबा की नेमा का बजाए दयाऊँ मजबूत बणे। अन जणा खाबा-पिबा का नेमाने मान्याँ वणाऊँ वाँको कदी भलो कोनी व्यो।

1 पतरस 5:12

मूँ सिलवानुस ने विस्वास जोगो भई जाणूँ हूँ अन वींकी मदतऊँ यो कागद लिकन थाँकी हिम्मत बड़ाणी छारियो हूँ अन आ गवई देरियो हूँ के, परमेसर की हाँची दया याईस हे। थाँ ईंमें पाका बण्या तका रेज्यो।

2 पतरस 3:14

ईं वाते हो मारा लाड़ला भायाँ, थाँ अणा बाताँ की वाट नाळरिया हो, ईं वाते थाँ पुरी कोसीस करो के, परमेसर की नजरा में खरा, बना दोस का अन सान्तीऊँ रेबावाळो केवावो।

1 यहुन्ना 2:28

हो मारा प्यारा बाळकाँ, ईं वाते थाँ ईसू मसी में बण्या तका रेवो, जणीऊँ जद्याँ वो परगट वेई तद्याँ थाँ हिम्मतऊँ भर जावो अन वींका पाच्छा आबा पे आपाँने वींका हामें हरमा ने मरणो पड़े।

2 यहुन्ना 1:9

ज्यो मनक परबू की हिकऊँ न्यारो वे जावे हे, वो परमेसर का नके ने जा सके, पण ज्यो भी मनक मसी की हिक ने माने हे, वींके नके बापू परमेसर अन वींको बेटा दुई रेवे हे।