थरप्या तका का काम 13:12 - नुवो नेम (मेवड़ी नया नियम)

¹² जद्याँ टापू के राजपाल ओ सब देक्यो, तो वो परबू पे भरोसो करबा लागो अन परबू का वसना की हिकईऊँ घणो अचम्बो व्यो।

थरप्या तका का काम 13:12 Iomraidhean Croise

मत्ती 27:54

तद्याँ रोमी सेनापती अन ज्यो वींका हाते ईसू के पेरो देरियो हाँ, भूकम अन ज्यो कई व्यो हो, वींने देकन घणा दरपग्या अन क्यो, “हाँचई में ओ परमेसर को पूत हो।”

लूका 4:22

हाराई लोगाँ ईसू की बड़ई किदी अन जी दया की बाताँ वींका मुण्डाऊँ निकळी ही, वाँने हुणन अचम्बो किदो। वी केबा लागा, “कई यो युसुप को बेटो ने हे?”

लूका 7:16

ईंपे वीं हाराई मनक दरपग्या अन परमेसर की जे-जेकार करबा लागा के, “आपणाँ बसमें एक मोटा परमेसर का आड़ीऊँ बोलबावाळो परगट व्यो हे।” अन केबा लागा के, “परमेसर आपणाँ लोगाँ की मदत करबा ने आग्या हे।”

यहुन्ना 7:46

वणा जवाब दिदो, “कुई भी मनक कदी अस्यी बाताँ ने किदी जस्यी वो करे हे।”

थरप्या तका का काम 13:48

वाँ लोगाँ जो यहूदी ने हे जद्याँ ओ हुण्यो, तो वे घणा राजी व्या अन परमेसर का वसना को मान किदो अन जणा अमर जीवन जीबा ने चुण्यो वणा विस्वास किदो।

थरप्या तका का काम 13:49

अस्यान वटे हारी जगाँ परबू का बचन फेलग्या।

थरप्या तका का काम 13:7

वो घणा हूँस्यार राजपाल हरग्युस पोलुस को हण्डाळी हो। हरग्युस पोलुस परमेसर को बचन हुणबा के वाते बरनबास अन साउल ने पाच्छा बलाया हा।

थरप्या तका का काम 13:8

पण अलीमास जादूगर, जिंको युनानी नाम बारईसू हो, वणी वाँको विरोद किदो। वीं टापू के राजपाल को विस्वास तोड़बा के वाते जोर दिदो।

थरप्या तका का काम 15:35

पण पोलुस अन बरनबास अंताकिया में रिया, अन दूजाँ मनकाँ के हाते परबू का बचन हिकाता अन हव हमच्यार को परच्यार करता रिया।

थरप्या तका का काम 15:36

थोड़ाक दन केड़े पोलुस बरनबासऊँ क्यो “आपाँ जणी-जणी नगर में परबू को बचन हुणायो हो, वटे चाला अन देकाँ के आपणाँ वीं भई कई कररिया हे।”

थरप्या तका का काम 18:12

जदी गलिया नाम को अखाया देस को राजपाल बण्यो, यहूदी लोगाँ एगट करन पोलुस ने पकड़ लिदो, अन वींने न्याव-गादी का हामे लाया

थरप्या तका का काम 19:10

दो वर तईं अस्यानीस वेतो रियो, अन अस्यान आसिया में रेबावाळा हंगळा यहूदी अन युनानी लोगाँ परबू का बचन हुण लिदा हा।

थरप्या तका का काम 19:20

ईं तरियऊँ परबू का बचन सामरतऊँ हरेक जगाँ बड़वा लागी।

थरप्या तका का काम 19:38

यद्याँ दिमेत्रियुस अन वींका हण्डाळ्याँ कारिगराँ हाते लड़ई-जगड़ो किदो वे तो, न्याव-गादी के हामे जावो, हाकम वटे हे वाँको न्याव वटे वेई।

थरप्या तका का काम 19:7

ईं हाराई लगे-भगे बारा हा।

थरप्या तका का काम 28:7

वटा की अड़े-भड़े की जगाँ वीं टापू का हाकम पबलियुस की ही। वणी माँकी मनवार करन घरे लेजान आवभगत किदी अन माँ वटे तीन दन तईं मेमान बणन रिया।

थरप्या तका का काम 6:10

पण, वो पुवितर आत्माऊँ मली तकी अस्यी अकल की बाताँ केतो के, वे वींका हामे ने आ सक्या।

थरप्या तका का काम 8:25

ईंका केड़े वे गवई देन परबू का बचन हुणान यरूसलेम आरिया हा, तद्याँ सामरिया का नरई गामाँ में हव हमच्यार हुणाता ग्या।