थरप्या तका का काम 12:4 - नुवो नेम (मेवड़ी नया नियम)

⁴ हेरोदेस पतरस ने पकड़न जेळ में नाक दिदो। वींके च्यार-च्यार सपायाँ का च्यार टोळा बणान पेरो लगवा दिदो। वींकी ईं मनसा ही के, फसे का तेवार केड़े वींपे लोगाँ के हामे मुकदमो चलाणो हो।

थरप्या तका का काम 12:4 Iomraidhean Croise

मत्ती 24:9

“तद्याँ वीं हताबा का वाते थाँने पकड़वाई, अन थाँने मार नाकी, अन मारा नाम का मस हारई जात्या का लोग-बाग थाँकाई दसमणी राकी।

मत्ती 26:5

पण वीं केता हाँ, “आपाँने यो तेवार का टेम में ने करणो छावे, कटे अस्यान ने वेजा के, मनकाँ में लड़ई वे जावे।”

मरकुस 14:1

फसे को अन बना हाज्या की रोट्याँ का तेवार के दो दन पेल्याँ की बात हे, मुक्य याजकाँ अन मूसा का नेमा ने हिकाबावाळा एक असी जाळ वसारिया हा। जींऊँ वे ईसू ने ईं जाळ में नाकन बंदी बणान मार सके।

लूका 21:12

पण, अणा हारी बाताँऊँ पेल्याँ वीं मारा नाम का पाच्छे चालबा की वजेऊँ थाँने पकड़ी अन हताई अन यहूदियाँ का परातना घर में हूँपी अन जेल में नाक देई अन राजपाल अन अदिकारियाँ का हामें ऊबा करी।

लूका 22:33

पतरस वाँने क्यो, “ओ परबू जी, मूँ थाँका हाते जेळ जाबा का वाते नेईस ने, पण मरबा रे वाते भी त्यार हूँ।”

यहुन्ना 19:23

जद्याँ सपायाँ ईसू ने हूळी पे चढा दिदो हो। तो वाँका गाबा लेन च्यार भाग किदा। हाराई सपायाँ का वाते एक-एक भाग ले लिदो अन कुरतो भी ले लिदो। पण, कुरतो बनाई हींम्यो तको ऊपरेऊँ नीचे तईं हाताऊँ बणायो तको हो।

यहुन्ना 21:18

मूँ थाँराऊँ सई-सई केवूँ हूँ, जद्याँ थूँ मोट्यार हो। तो जटे जाणो छातो हो, वटे जातो। पण, जदी थूँ डोकरो वेई। तो आपणाँ हात ऊँचा केरी अन दूज्यो थने बाँदन जटे थूँ ने जई वटे ले जई।”

थरप्या तका का काम 12:3

वणी जद्याँ ओ देक्यो के, ईं बातऊँ यहूदी राजी वेरिया हे, तो पतरस ने भी बन्दी बणाबा के वाते आगे बड़्यो। आ बात बना हाज्या की रोट्याँ का तेंवार पे व्यी ही।

थरप्या तका का काम 12:5

तो पतरस ने जेळ में राक्यो हो, पण मण्डली का मनक हाँचा मनऊँ वींका वाते परमेसरऊँ परातना करता रिया हा।

थरप्या तका का काम 4:28

वीं हारोई करबा ने भेळा व्या, ताँके जो पेल्याऊँ थाँकी तागत अन मरजीऊँ पूरो व्यो हो, वो पूरो वेवे।

थरप्या तका का काम 4:3

ईं वाते वाँ वाँने पकड़न बन्दी बणा लिदा अन दूजे दन तईं वाँने जेळ में राक्या हा, काँके हाँज वेगी ही।

थरप्या तका का काम 5:18

अन थरप्या तका ने पकड़न जेळ में नाक दिदा।

थरप्या तका का काम 8:3

साउल विस्वास्याँ की मण्डली ने खतम करबो सरू कर दिदो। वो घर-घर में जान विस्वासी लोग-लुगायाँ ने ठल्डतो तको जेळ में नाकबा लागो।