थरप्या तका का काम 1:5 - नुवो नेम (मेवड़ी नया नियम)

⁵ यहुन्ने तो थाँने पाणीऊँ बतिस्मो दिदो हो, पण अबे थोड़ाक दनाँ केड़े थाँने पुवितर आत्माऊँ बतिस्मो दिदो जाई।’”

थरप्या तका का काम 1:5 Iomraidhean Croise

मत्ती 3:11

मूँ तो थाँने मन फेरबा का वाते पाणीऊँ बतिस्मो दूँ हूँ पण वीं ज्यो मारा केड़े आबावाळो हे, वो माराऊँ भी हेलो मोटो हे। मूँ तो वाँका पगरख्याँ का कसणा खोलबा के जोगो भी ने हूँ। वो थाँने पुवितर आत्मा अन वादीऊँ बतिस्मो देई।

मत्ती 3:6

वाँकाणी आपणाँ पापाँ ने मान्याँ अन यरदन नंदी में यहुन्ने आपणाँ हाताऊँ वाँने बतिस्मो दिदो।

मरकुस 1:8

मूँ थाँने पाणीऊँ बतिस्मो देऊँ, पण वो थाँने पुवितर आत्माऊँ बतिस्मो देई।”

लूका 3:16

यहुन्ने वणाऊँ क्यो, “मूँ तो थाँने पाणीऊँ बतिस्मा देरियो हूँ। पण, ज्यो आबावाळो हे, वो माराऊँ घणो ज्योरावर हे। मूँ वींके अतरोक लायक भी ने हूँ के, वींकी पंगरख्या ने खोल सकूँ। वी पुवितर आत्मा अन वादीऊँ थाँने बतिस्मो देई।

यहुन्ना 1:26

यहुन्ने वाँकाऊँ क्यो, “मूँ पाणीऊँ बतिस्मो देरियो हूँ, पण थाँका बचमें एक मनक हे, जिंने थाँ ने जाणो हो।

यहुन्ना 1:31

अन पेल्याँ मुँई वींने ने ओळकतो हो, पण ईं वाते पाणीऊँ बतिस्मो देतो आरियो हूँ, ताँके इजराएल देस का मनक वींने ओळक सके।”

यहुन्ना 1:33

मूँ तो वींने ओळकतो ने हो, पण परमेसर मने पाणीऊँ बतिस्मो देबा का वाते खन्दायो, वणा मने क्यो, ‘थूँ पुवितर आत्माने उतरती अन किंके ऊपरे रकती तकी देकी, ओ वोईस मनक वेई, ज्यो पुवितर आत्माऊँ बतिस्मो देई।’

थरप्या तका का काम 10:45

तो पतरस की लारे यापाऊँ आया यहूदी मनक अचम्बा में पड़ग्या, काँके पुवितर आत्मा को दान ज्यो यहूदी ने हा वाँ लोगाँ पे भी उन्दायो ग्यो हो।

थरप्या तका का काम 19:4

पोलुस वाँकाऊँ क्यो, “जणी पापाऊँ मन फरायो हे वाँका वाते यहुन्ना को बतिस्मो हे अन वणी लोगाँ ने क्यो के, जो माराऊँ केड़े आबावाळो हे, वो ईसू मसी हे, जिंपे थाँ विस्वास करजो”

1 कुरिन्थियों 12:13

काँके आपाँ हाराई में पलई यहूदी वो, पलई ज्यो यहूदी ने हे वीं वो, पलई दास वो, पलई आजाद वे, आपाँ हाराई ने एकीस आत्माऊँ एकीस देह वेबा का वाते बतिस्मो दिदो ग्यो हे अन आपाँने एकीस आत्मा दिदी गी हे।

तीतूस 3:5

यो ईं वाते ने व्यो के, आपाँ धरम का काम कररिया हा, पण आ वाँकी करपाइस ही के, वो आपाँने पुवितर आत्मा का आड़ीऊँ बंचावे, ज्या आपाँने धोन नुवो जनम अन नुवो जीवन देवे हे।