थरप्या तका का काम 1:3 - नुवो नेम (मेवड़ी नया नियम)

³ वो हूळी पे दक भोगन मरिया केड़े पाका सबूत का हाते नरी दाण परगट व्यो, वो जीवतो हे। अन चाळी दनाँ तईं चेला वींने देक्यो अन वो वाँने परमेसर का राज का बारा में बतातो रियो।

थरप्या तका का काम 1:3 Iomraidhean Croise

मत्ती 21:43

“ईं वाँते मूँ थाँकाऊँ केऊँ हूँ के, परमेसर को राज थाँकाऊँ ले लिदो जाई अन अस्या लोगाँ ने दे दिदो जाई, ज्यो वींकी राज का वाते हाक लाई।

मत्ती 28:9

तद्याँ अणाचेत का ईसू वाँने मल्यो अन क्यो, “थाँने सान्ती मले।” वीं वाँका नके आन वाँके पगा पड़गी अन वाँकी मेमा करबा लागी।

मत्ती 3:2

अन परच्यार करबा लागो, “पापऊँ मन फेरो, काँके हरग को राज आबावाळो हे।”

मत्ती 4:2

चाळीस रात-दन भुको रिया केड़े ईसू ने जोरकी भूक लागी।

मरकुस 16:19

जदी परबू ईसू वाँकाऊँ बात कर लिदी, तो वे हरग में उठा लिदा ग्या। वो परमेसर का जीमणा पाल्ड़े जान बेटग्या।

यहुन्ना 20:26

आट दनाँ केड़े वाँका चेला घर मेंईस हा अन थोमो वाँका लारे हो अन कमाड़ जड़्यो तको हो। तद्याँ ईसू आया अन वाँका बचमें ऊबा वेन क्यो, “थाँने सान्ती मले।”

यहुन्ना 21:1

अणा बाताँ का केड़े ईसू खुद तिबिरियस नाम का समन्द का कनारे आपणाँ चेला के हामे परगट व्या अन आ बात अस्यान वीं।

यहुन्ना 21:14

यो तीजी दाण हो के, ईसू मरिया तका मेंऊँ पाच्छा जीं उठबा के केड़े चेला ने दरसण दिदा।

थरप्या तका का काम 13:31

अन पछे जो भी मनक गलीलऊँ यरूसलेम तईं वींकी लारे आया हा, वाँका हामे वो नरई दनाँ तईं परगट व्यो। वीं अबे मनकाँ में वींकी गवई हे।

थरप्या तका का काम 19:8

वो वटे यहूदियाँ का परातना घर में जान तीन मिना तईं बना दरप्या बचन बोलतो रियो, अन परमेसर का राज का बारा में बात-बच्यार करन लोगाँ ने हमजातो रियो।

थरप्या तका का काम 28:23

तद्याँ वणी वाँने केबा के वाते एक दन ते किदो अन नरई मनक वटे भेळा व्या जटे वो रेरियो हो। वणी हवेरूँ लगान हाँज तक परमेसर के राज का बारा में बखाण किदो अन मूसा का नेमा अन परमेसर का आड़ीऊँ बोलबावाळा की किताबाँऊँ ईसू का बारा में साबत करतो तको हमजातो रियो।

थरप्या तका का काम 28:31

वो खुलेआम अन बना रोक-टोक परमेसर का राज को परच्यार करतो रियो अन परबू ईसू मसी की बाताँ हिकातो रियो।

थरप्या तका का काम 8:12

पण वणा लोगाँ फिलिपुस का संदेसा पे भरोसो किदो, काँके फिलिपुस वाँने परमेसर का राज अन ईसू मसी नाम को हव हमच्यार हूणातो हो। तो हारई लोग-लुगायाँ बतिस्मो लेबा लागा।

रोमियों 14:17

काँके परमेसर का राज में बेस खाणो-पिणो ने हे, पण वो तो धारमिकता, सान्ती अन पुवितर आत्माऊँ मल्यो तको आणन्द हे।

कुलुसियों 1:13

अन परमेसरइस आपाँने सेतान की सगतिऊँ छोड़ान आपणाँ लाड़ला बेटा का राज में ले आया।

1 थिस्सुलुनिक्यों 2:12

जणीऊँ थाँको चालचलन परमेसर जोगो वेवे, जीं थाँने आपणाँ राज अन मेमा में बलावे हे।

1 यहुन्ना 1:1

आपाँ वणी जीवन का बचन की बात करा हाँ, ज्यो किंकी भी रचना वेबाऊँ पेल्याई हो, आपाँ ईंने हुण्यो, आपणी आक्याँऊँ देक्यो, ईंपे ध्यान लगायो, अन आपाँ खुद वींके हात अड़ायो।