3 यहुन्ना 1:6 - नुवो नेम (मेवड़ी नया नियम)

⁶ ईं वाते तो वणा मण्डली का हामे थाँरा बारा में आ गवई दिदी हे के, थूँ वाँकाऊँ कस्यान को परेम राके हे। ईं वाते जद्याँ थूँ वाँने हिक देवे, तद्याँ अस्यान मदत करज्ये जस्यान परमेसर का मनक का हाते किदी जावे हे।

3 यहुन्ना 1:6 Iomraidhean Croise

थरप्या तका का काम 15:29

के थाँ मूरताँ के चड़ई तकी चिजाँ, अन गळो मरोड़िया तका को माँस ने खावो, कूकरमऊँ छेटी रेज्यो अन लुई ने पीजो। ईंऊँ थाँको भलो वेई, अबे माँ विदा लेवा।”

थरप्या तका का काम 15:3

विस्वास्याँ की मण्डली का मनक वाँने खन्दाया। वीं फिनाके अन सामरिया देस में जाता तका, जो यहूदी ने हा वणा जस्यान विस्वास किदो, वो मण्डली में बताता ग्या, तो मण्डली का लोग ओ हुणन घणा राजी व्या।

थरप्या तका का काम 21:5

जद्याँ वीं दन पूरा वेग्या तो माँ वटूँ चाल पड़या, अन वटा का हंगळा मनक अन वाँकी लुगायाँ अन छोरा-छोरी माँने नगर का बारणे तईं मेलवा आया, अन समन्द का कनारे माँ हंगळा गोडा टेकन परातना किदी।

रोमियों 15:24

मने आस हे के, स्पेन जाती दाण मूँ थाँकाऊँ मलूँ। थाँका हाते थोड़ाक दन रकबा को आणन्द लेबा केड़े मने भरोसो हे के, आगे की जातरा का वाते मने थाँकी मदत मली।

2 कुरिन्थियों 1:16

मूँ होचूँ हूँ के, जद्याँ मूँ मकिदुनिया जातो तको थाँकाऊँ मलूँ अन जद्याँ मकिदुनियाऊँ पाछो आऊँ तो थाँका नके अऊँ अन थाँईस मने यहूदियाँ जाबा वाते जरूत की चिजाँ देन हिक देवो।

फिलिपियों 4:14

कई भी वे थाँ मारा कळेस में मारी मदत करन हव किदो हे।

कुलुसियों 1:10

ताँके थाँ वाँकी मेमा भरी तागतऊँ हारी तागत हाते तकड़ा वेन हाराई कामाँ में फळता अन परमेसर का ग्यान में बड़ता तका परमेसर का जस्यान जीवन जी सको अन वाँने हरेक विसय में राजी कर सको। ताँके थाँ हारई ने सेण कर सको अन हरेक टेम में राजी रेन धीरज राक सको। अन खुस वेन बापू परमेसर को धन्नेवाद दे सको। जणा थाँने उजिता का राज में परमेसर का पुवितर मनकाँ का हाते बापोती पाबा के जस्या बणाया।

1 थिस्सुलुनिक्यों 2:12

जणीऊँ थाँको चालचलन परमेसर जोगो वेवे, जीं थाँने आपणाँ राज अन मेमा में बलावे हे।

तीतूस 3:13

थूँ वकील जेनास अन अपुलोस का हाते वाँका यातरा का वाते जरूत की चिजाँ बांद दिज्ये, जणीऊँ वाँने कणी भी बात की गटी-कमी ने वेवे।

1 पतरस 2:20

पण यद्याँ थाँने बुरा काम करबा का वजेऊँ कुट्या जावे अन थाँ दुक भोगो हो, तो ईंमें बड़ई की कस्यी बात हे? पण यद्याँ थाँने थाँका हव काम की वजेऊँ हताया जावे हे तो थाँ परमेसर का हामे बड़ई के जोगो हो।

3 यहुन्ना 1:12

दिमेत्रियुस का बारा में जाणबावाळा हाराई वींका बारा में हव गवई दिदी हे अन ओ हाँच भी हे। माँ खुद भी वींकी गवई देवाँ हा। थाँ तो जाणोइस हो, मारी गवई हाँची हे।