3 यहुन्ना 1:14 - नुवो नेम (मेवड़ी नया नियम)

¹⁴ पण मने तो आस हे के, मूँ थाँराऊँ वेगोई मलूँ अन आपाँ आमे-हामे बेटन बाताँ करा।

3 यहुन्ना 1:14 Iomraidhean Croise

यहुन्ना 10:3

वाँका वाते चोकीदार बारणो खोल देवे हे, अन गारा वाँकी बोली ने ओळके हे। वो आपणाँ गारा ने नामऊँ बलावे हे अन बारणे ले जावे हे।

यहुन्ना 20:19

हपता को पेला दन दितवार के हाजकाँ वींका चेला यहूदी अदिकारियाँ की दरपऊँ कमाड़ बन्द करन घर में बेटा हा। वीं टेम ईसू आया अन वाँका बचमें ऊबा वेन वाँकाऊँ क्यो, “थाँने सान्ती मले।”

यहुन्ना 20:21

ईसू पाछो वाँकाऊँ क्यो, “थाँने सान्ती मले। जस्यान बाप मने खन्दायो हे, वस्यानीस मूँ थाँने खन्दावूँ हूँ।”

गलातियों 5:16

पण मूँ केवूँ हूँ, पवितर आत्मा का हस्याबूऊँ चालो, तो थाँ पाप करबावाळी देह की मरजी ने कदी पुरी ने करो।

इपिसियों 6:23

बापू परमेसर अन परबू ईसू मसी का आड़ीऊँ भायाँ ने सान्ती अन परेम, विस्वास का हाते मले।

1 पतरस 5:14

परेमऊँ एक दूजाँ ने हात-जोड़न नमस्कार करो। मूँ परातना करूँ हूँ के, थाँने हाराई ने जो मसी का हो, परमेसर का आड़ीऊँ सान्ती मलती रेवे।

2 यहुन्ना 1:12

मारा नके लिकबा का वाते तो घणी बाताँ हे, पण मूँ तो ओ छावूँ के, थाँने ईं बाताँ सई अन कलमऊँ ने लिकूँ, पण मने आस हे के, थाँका हामे बेटन थाँकाऊँ बाताँ करूँ, जणीऊँ आपणो आणन्द पूरो वे सके हे।