2 तिमुतियूस 4:5 - नुवो नेम (मेवड़ी नया नियम)

⁵ थूँ सान्तीऊँ टक्यो तको रेज्ये अन दुक भोगबा का वाते त्यार रे। हव हमच्यार को परच्यार करबा का वाते घणी मेनत कर अन थाँरी जिमेदारी ने हव तरियाऊँ पुरी करज्ये।

2 तिमुतियूस 4:5 Iomraidhean Croise

मत्ती 25:16

तद्याँ, जिंने पाँच नोळ्या मली हा, वणी तरत जान वोपार में किदो अन पाँच नोळ्या ओरी कमई।

मरकुस 13:34

ओ अस्यानीस हे, जस्यान कुई मनक कस्यी यातरा पे जातो तको आपणाँ नोकराँ ने आपणो घर हूँप जावे, अन हारा ने न्यारो-न्यारो काम हूँप दे अन चोकीदार ने ओ हुकम दे के, वो जागतो रेवे।

मरकुस 13:37

ज्यो मूँ थाँने कूँ हूँ, वो हाराऊँ भी केऊँ के, जागता रो।”

लूका 12:37

धन्न हे वीं दास, जणा ने मालिक जागता तका अन त्यार देके। मूँ थाँकाऊँ हाचेई केवूँ हूँ के, वो भी त्यार वेन वाँने जीमबा का वाते बेवाड़ी अन नके आन वाँकी सेवा-चाकरी करी।

थरप्या तका का काम 21:8

दूजे दन माँ वटूँ केसरिया में आया, अन फिलिपुस नाम को एक मनक जो हव हमच्यार को परच्यार करतो हो, वटे यरूसलेम में चुण्या तका हात सेवा करबावाळा मूँ एक जणो हो, वींका वटे रिया।

रोमियों 15:19

तागत का हेन्याण अन अचम्बा का काम अन परमेसर की आत्मा की तागतऊँ मारी जरिये पूरो किदो। अस्यान में यरूसलेम नगरऊँ लेन इल्‍लुरिकुम परदेस का च्यारूँमेर मसी का हव हमच्यार का परच्यार को काम पूरो किदो।

इपिसियों 4:11

वाँकाणी किंनेई तो थरप्या तका वेबा का वाते, अन किंनेई परमेसर का आड़ीऊँ बोलबावाळा, किंनेई तो हव हमच्यार हुणाबावाळा, अन किंनेई तो परमेसर का मनकाँ का गवाळ अन किंनेई हिकाबावाळा बणाया।

इपिसियों 4:12

वणा ओ ईं वाते किदो के, वी हाराई पुवितर मनकाँ ने सेवा करबा का वाते त्यार करे ताँके मसी को डील तकड़ो वेतो जावे।

कुलुसियों 1:25

परमेसर मने आपणाँ बचनाँ को पूरो को पूरो परच्यार करबा की जिमेदारी हूँपी हे, ईं वाते वणा मने थाँकी भलई का वाते मण्डली को सेवक बणायो हे।

कुलुसियों 4:17

अन अर्खिप्पुसऊँ केज्यो के, ज्यो सेवा परबू में वींने हूँपी हे, वींने वो जरुर पुरी करे।

1 थिस्सुलुनिक्यों 5:6

ईं वाते दूजाँ के जस्यान आपाँने हूतो तको ने रेणो छावे, पण हेंचेत अन खुद ने काबू में राकणो छावे।

1 तिमुतियूस 4:12

थने किंका भी हामे रेटे ने देकणो पड़ी, काँके थूँ मोट्यार हे, पण बोली-चाली, चालचलन, परेम-भाव, विस्वास अन खरई में थूँ विस्वास्याँ का हामे नमुनो बणजा।

1 तिमुतियूस 4:15

वाँ वरदान ने काम में लेतो रे अन वणामें ध्यान लगाया राक, जणीऊँ थाँरी तरकी हाराई देक सके।

2 तिमुतियूस 1:8

ईं वाते थूँ आपणाँ परबू अन मारी गवई देबा का वाते, ज्यो मसी का वाते बन्दी हूँ, हरमाज्ये मती, पण अस्यान करबा के, बजाय परमेसर, ज्या तागत थने दिदी हे, वींने मारा हाते हव हमच्यार का वाते दुक उटाबा में लगाज्ये।

2 तिमुतियूस 2:10

अणीऊँ मूँ चुण्या तका मनकाँ का वाते हारोई जेलूँ हूँ जणीऊँ वीं भी उदार ने ज्यो ईसू मसी में हे, अन वींका हाते कदी ने खतम वेबावाळा मेमा ने पा सके।

2 तिमुतियूस 2:3

ईसू मसी का वफादार सपई के, जस्यान ईं दुक में मारी लारे रे।

2 तिमुतियूस 4:17

पण परमेसर मारा हाते ऊबारियो अन मने तागत दिदी, जणीऊँ तो मूँ ज्यो यहूदी ने हा, वणा हाराई में हव हमच्यार हुणा सक्यो अन मूँ मोत का दण्डऊँ बंचायो ग्यो।

इब्रानियों 13:17

आपणाँ आत्मिक मुक्या को भरोसो करो अन वाँके बंस में रो। वीं परमेसर का हामें थाँको लेको देबावाळा का जस्यान वीं जागता तका थाँके जीव की रुकाळी करे हे। अन यद्याँ वस्यानीस करो, तो वीं यो काम राजी वेन करी, पण थाँ वस्यान ने करो, तो वीं यो काम दकऊँ करी। अन अणीऊँ थाँको कई नफो ने वेई।

1 पतरस 1:13

ईं वाते थाँ थाँका मन ने बंस में राको अन खुद ने भी बंस में राको अन वीं वरदान की आस लगई तकी राको, ज्यो थाँने ईसू मसी परगट वेई, वीं दाण दिदो जाई।

परकासितवाक्य 3:2

ईं वाते हेंचेत वो अन अणीऊँ पेल्याँ के, थाँ पुरी तरियाँ मर जावो वणा बाताँ ने जो बची तकी हे वाँने पाकी करो, काँके में मारा परमेसर की देकणी में, थाँरा कस्याई काम ने सई कोयने देक्या हे।