2 तिमुतियूस 1:1 - नुवो नेम (मेवड़ी नया नियम)

¹ मूँ पोलुस, ज्यो परमेसर की मरजीऊँ ईसू मसी को थरप्या तको खास चेलो हूँ, जिंने परमेसर वणी जीवन को परच्यार करबा का वाते खन्दायो, जणी जीवन ने परमेसर ईसू मसी में देबा को वादो किदो हे।

2 तिमुतियूस 1:1 Iomraidhean Croise

यहुन्ना 10:28

अन मूँ वाँने अनंत जीवन दूँ हूँ। वाँको कदी भी नास ने वेई अन ने कुई वाँने मारा हाताऊँ कोस सकी।

यहुन्ना 17:3

अन अनंत जीवन यो हे के, वीं एकाएक हाँचा परमेसर ने अन ईसू मसी ने, जिंने थाँ खन्दायो हे, ओळके।

यहुन्ना 5:24

“मूँ थाँने सई-सई केवूँ हूँ, ज्यो मारा बचनाँ ने हुणन मारा खन्दाबावाळा को विस्वास करे हे, वो अनंत जीवन पावे हे। अन वाँने दण्ड ने दिदो जाई, पण वीं मोतऊँ छेटी वेन जीवन में परवेस करग्या हे।

यहुन्ना 6:40

काँके याईस मारा बाप की मरजी हे के, ज्यो कुई बेटा ने देके, अन वींपे विस्वास करे, वीं अनंत जीवन पावे। अन मूँ खुद वाँने अन्त का दन में पाछो जीवाई देऊँ।”

यहुन्ना 6:54

ज्यो मारी देह खावे हे अन लुई पिवे हे, अनंत जीवन वींकोइस हे, अन मूँ आकरी का दन में वींने पाछो जीवतो कर देऊँ।

रोमियों 1:1

मूँ पोलुस ज्यो ईसू मसी को दास अन थरप्यो तको चेलो हूँ, परमेसर मने चुणन आपणाँ हव हमच्यार को परच्यार करबा वाते ठेरायो। यो कागद मूँ थाँ हाराई रोम में रेबावाळा मनकाँ का नाम लिकरियो हूँ, जीं परमेसर का लाड़ला हे अन पुवितर वेबा का वाते बलाया ग्या हे। आपणाँ बापू परमेसर अन परबू ईसू मसी का आड़ीऊँ थाँने करपा अन सान्ती मले। हव हमच्यार जिंको वादो परमेसर का आड़ीऊँ बोलबावाळा पेल्याई पुवितर सास्तर में किदो हो। यो हव हमच्यार परमेसर का बेटा का बारा में हे, ज्यो देह का भावऊँ तो दाऊद का बंस में जनम्यो हो। अन पुवितर आत्मा की पवितरताऊँ वींने मरिया तकाऊँ जीवतो करन तागत का हाते परमेसर को बेटो ठेरायो ग्यो अन ईंस ईसू मसी आपणाँ परबू हे। मसी का आड़ीऊँ परमेसर मने करपा अन थरप्यो तको चेलो बणबा को अदिकार दिदो हे के, धरती का हाराई मनकाँ के वाँपे विस्वास करबा में अन वाँकी हिक में चालबा का वाते आगेवाणी करूँ, जणीऊँ वाँके नाम की मेमा वेवे। थाँ ज्यो रोम में हो थाँ भी ईंमें आवो हो, थाँने परमेसर ईसू मसी का वेबा वाते बलाया हे।

रोमियों 5:21

ताँके जस्यान मोत का जरिये पाप राज किदो, वस्यानीस आपणाँ परबू ईसू मसी का वजेऊँ अनंत जीवन लाबा का वाते परमेसर की दया धारमिकता का जरिये राज करे।

रोमियों 6:23

काँके पाप को मोल तो मोत हे पण आपणाँ परबू ईसू मसी में परमेसर को वरदान अनंत जीवन हे।

1 कुरिन्थियों 1:1

पोलुस का आड़ीऊँ जिंने परमेसर आपणी मरजीऊँ ईसू मसी को खन्दायो तको चेलो बणाबा का वाते थरप्यो, में यो कागद, विस्वास में आपणो भई सोस्तिनेस की मदतऊँ

2 कुरिन्थियों 1:1

यो कागद मूँ पोलुस ज्यो परबू ईसू मसी की मरजीऊँ खन्दायो तको चेलो हूँ अन भई तिमुतियुस कुरिन्तुस नगर की मण्डली ने अन अखाया का हाराई परमेसर का मनकाँ ने लिकरिया हाँ।

2 कुरिन्थियों 1:20

काँके परमेसर ज्यो भी वादो किदो हे वो ईसू मसी में हाँ में पूरो किदो हे अन आपाँ भी ईं वजेऊँ केवाँ हाँ के, अस्यानीस वे(आमीन) अन ओ परमेसर की मेमा का वाते वेवे हे।

गलातियों 3:26

थाँ हाराई ईसू मसी पे विस्वास करो हो, ईं वाते अबे थाँ परमेसर का बेटा-बेटी हो।

गलातियों 3:28

ईं वाते अबे ने कुई यहूदी, ने कुई युनानी, ने कुई दास ने आजाद, ने कुई मनक ने लुगई, काँके थाँ हाराई ईसू मसी में एक हो।

इपिसियों 3:6

ओ राज ओ हे के, हव-हमच्यारऊँ यहूदियाँ का हाते ज्यो यहूदी ने हे वी भी वारिस वेवे अन एकीस डील का भाग वे अन ईसू मसी का गट-जोड़ऊँ परमेसर का वादा में पाँती लेवे।

1 तिमुतियूस 6:19

अस्यान करन वीं खुद का वाते अस्यान को धन को भण्डार भेळा करे, ज्यो आबावाळा टेम तईं एक पाकी नीम बण जाई, तद्याँ वी हाँचा जीवन ने जीतबा का जोगा वेई।

2 तिमुतियूस 1:10

पण अबे आपणाँ ने बंचाबावाळा ईसू मसी का आबा का आड़ीऊँ आपणाँ पे परगट व्यो हे। जणी हव हमच्यार का आड़ीऊँ मोत को नास करन जुग-जुग का जीवन ने परगट किदो हे।

2 तिमुतियूस 1:13

जीं खरा बचन में थने हिकाया हे वाँने मजबुतीऊँ पकड़ राक अन वाँने भी विस्वास अन परेम का हाते, ज्यो ईसू मसी में हे, खुद का वाते नमुनो बणान राक।

2 तिमुतियूस 1:9

वणा आपाँने परमेसर का मनक वेबा वाते बंचाया अन बलाया हे, ओ सोभाग्य आपणाँ पे आपणाँ कामाँ का जस्यान ने मल्यो हे, पण ओ तो वाँकी दया अन वाँका मकसद वाते आपाँ पे ने मल्यो हे, ज्यो ईसू मसी में सरुवातऊँ आपणाँ वाते हो।

2 तिमुतियूस 2:1

परबू में मारा बेटा तिमुतियुस, ईसू मसी में परमेसर जस्यी दया थाँरा पे दिकई हे, वींके जस्यान पाको बण्यो तको रे।

2 तिमुतियूस 2:10

अणीऊँ मूँ चुण्या तका मनकाँ का वाते हारोई जेलूँ हूँ जणीऊँ वीं भी उदार ने ज्यो ईसू मसी में हे, अन वींका हाते कदी ने खतम वेबावाळा मेमा ने पा सके।

2 तिमुतियूस 2:3

ईसू मसी का वफादार सपई के, जस्यान ईं दुक में मारी लारे रे।

2 तिमुतियूस 3:15

अन बाळकपणाऊँ थूँ तो पुवितर सास्तर ने जाणे हे ज्यो ईसू मसी में विस्वास का आड़ीऊँ थने मुगती पाबा का वाते अकल दे सके हे।

तीतूस 1:2

अन ओ हाँच, वीं जीवन की आस बन्दावे हे, जो कदी खतम ने वेवे हे। परमेसर कदी जूट ने बोले अन ईंको वादो विस्वास जोगा परमेसर सरुवातऊँ कर दिदो हो।

तीतूस 1:4

हाराई के एक जस्या विस्वास की बजेऊँ तीतूस थूँ मारो हाँचो बेटो हे। बापू परमेसर अन आपाँने बंचाबावाळा ईसू मसी में थने दया अन सान्ती मले।

इब्रानियों 9:15

ईं वाते मसी एक नुवा करार को बिचोलिया हे, ताँके जीं बुलाया ग्या हे, वीं अनंत उतरादिकार पा सके, जिंको वादो परमेसर किदो हो। अबे देको, जी पेला करार का जस्यान जणा पापाँ किदो हो, वाँने पापाऊँ छुड़ाबा की वाते मरन किमत चुकई अन वाँने आजाद किदा।

1 यहुन्ना 2:25

खुद मसी आपाँने अनंत जीवन देबा को वादो किदो हे।