2 थिस्सुलुनिक्यों 3:4 - नुवो नेम (मेवड़ी नया नियम)

⁴ परबू में माँने थाँका वाते पाको विस्वास हे अन थाँका बारा में माँने कई चन्ता ने हे के, जस्यान माँ थाँने करबा वाते क्यो हो थाँ वस्यानीस कररिया हो अन करता रेवो।

2 थिस्सुलुनिक्यों 3:4 Iomraidhean Croise

मत्ती 28:20

अन वाँने हारी बाताँ ज्यो में थाँने क्यो हो, वाँने मानबा हिकावो। आद राकज्यो, मूँ दनियाँ का अंत तईं हमेस्यान थाँका हाते हूँ।”

रोमियों 15:14

हो मारा भायाँ, मने पाको पतो हे के, थाँ भलईऊँ भरिया तका हो, ग्यान अन एक दूजाँ ने हिकाबा में पाको हो।

रोमियों 15:18

काँके मूँ बेस वणा बाताँ ने करबा की हिम्मत करूँ हूँ ज्याँने मसी जी यहूदी ने हे, वाँ मनकाँ ने परमेसर ने मानबा का वाते मारा बचना, मारा करम,

रोमियों 2:7

थोड़ाक मनक ज्यो धीरजऊँ हमेस्यान भला काम करता आरिया हे अन मेमा, मान अन अनंत जीवन की खोज में हे वाँने परमेसर अनंत जीवन देई।

1 कुरिन्थियों 14:37

अन यद्याँ कुई खुद ने परमेसर का आड़ीऊँ बोलबावाळो जाणे अन वींने आत्मिक वरदान भी मल्यो वे तो वींने ओ जाण लेणो छावे के, मूँ थाँने ज्यो कई भी लिकरियो हूँ, ओ परबू की आग्या हे।

1 कुरिन्थियों 7:19

खतनो तो कई ने हे, अन नेई खतनो ने वेणो कई हे, बेस परमेसर की आग्या ने मानणीस हारोई हे।

2 कुरिन्थियों 2:3

ईंवातेइस में थाँने आ बात पेल्या लिकी ही के, जद्याँ मूँ थाँका नके आऊँ तो वाँ मनकाँऊँ ज्यो मने राजी राके हे, वाँकी वजेऊँ मने दुक ने वेवे, काँके मूँ थाँ हारई पे विस्वास करूँ हूँ के, थाँ मारे राजी रेवाऊँइस राजी रेवो हो।

2 कुरिन्थियों 2:9

अन में ओ देकबा का वाते या बात लिकी ही के, थाँ परक में खरा निकळो के ने अन हारी बाताँ में मानबावाळा हो कन ने।

2 कुरिन्थियों 8:22

वाँका हाते माँ माकाँ एक ओरी भई ने खन्दारिया हाँ, जिंने माँ घणी बाताँ में अन घणी दाण भलई करबा का वाते त्यार देक्यो हे अन अबे वींने थाँका पे घणो विस्वास हे, जणीऊँ वींने थाँकी मदत करबा की मरजी घणी हेली वेगी हे।

गलातियों 5:10

परबू में मने थाँका पे पूरो भरोसो हे के, थाँ दूजी कस्याई बच्यार ने मानो, पण जीं थाँने भटकाणा छावे हे, वो पलई कुई भी वे, वींने तो परमेसर जरुर सजा देई।

फिलिपियों 1:6

अन मने ईं बात को विस्वास हे के, जीं परमेसर थाँकामें हव काम सरू किदो हे, वींइस वींने ईसू मसी का पाच्छा आबा का दन तईं पूरो करी।

फिलिपियों 2:12

ईं वाते ओ मारा लाड़ला भायाँ, जद्याँ मूँ थाँका हाते हो वीं दाण जस्यान थाँ मारी आग्या हरदाण मानता हा वस्यानीस अबे भी जदी मूँ छेटी हूँ वणीऊँ हेली आग्या मानता रेवो। थाँकी मुगती ने पुरी करबा का वाते, दरपता अन धूँजता तका मेनत करता रो।

1 थिस्सुलुनिक्यों 4:10

जस्यान हाराई मकिदुनिया का भायाँ का हाते थाँ परेम राको भी हो, पण माँ थाँकाऊँ अरज करा हाँ के, ईंमें ओरी भी बड़ता जावो।

2 थिस्सुलुनिक्यों 3:12

अस्या मनकाँ ने परबू ईसू मसी में माँ आदेस देवा अन हमजावा हाँ के, छाना-माना खुद कमान खावो।

2 थिस्सुलुनिक्यों 3:6

हो विस्वासी भायाँ, माँ थाँने परबू ईसू मसी में ओ आदेस देवा हा के, हरेक अस्या मनकाऊँ छेटी रेज्यो जीं आळकातक हे अन ज्या हिक माँ वाँने दिदी हे वींके जस्यान ने करे।

फिलेमोन 1:21

मूँ विस्वास करूँ हूँ के, थूँ मारी आग्या को पालण करे हे। थाँरा पे यो विस्वास राकन ओ कागद मूँ थने लिकरियो हूँ। मूँ जाणूँ हूँ के, मूँ जतरो थाँराऊँ केरियो हूँ वणीऊँ भी थूँ हेलो करी।