2 थिस्सुलुनिक्यों 2:15 - नुवो नेम (मेवड़ी नया नियम)

¹⁵ ईं वाते हो विस्वासी भायाँ, गाटा रेवो अन ज्या हिक माँ थाँने माकाँ मुण्डाऊँ अन कागद में लिकन दिदी हे वींने आपणाँ मन में राको।

2 थिस्सुलुनिक्यों 2:15 Iomraidhean Croise

रोमियों 16:17

हो मारा भायाँ, मूँ थाँकाऊँ अरज करूँ हूँ के, थाँने ज्या हिक मली, वींके खिलाप में थाँकामें फुट नाकबावाळा अन दूजाँ का विस्वास ने बगाड़बावाळाऊँ छेटी रेज्यो।

1 कुरिन्थियों 11:2

मूँ थाँकी बड़ई करूँ हूँ काँके थाँ मने हारी चिजाँ में आद करो हो अन ज्या हिक में थाँने दिदी हे, वींको पालण करो हो।

1 कुरिन्थियों 15:58

ईं वाते हो विस्वासी भायाँ विस्वास में बना आगा-पाछा व्या गाटा बण्या तका रेवो अन परबू को काम करबा वाते खुद ने त्यार राको, काँके थाँ तो जाणो हो के, परबू वाते किदो ग्यो काम बेकार ने वे जावे।

1 कुरिन्थियों 16:13

थाँ ध्यानऊँ रेज्यो अन विस्वास में गाटा बण्या रेज्यो, थाँ हिम्मत राकबावाळा अन तागतवर बणज्यो।

फिलिपियों 4:1

ईं वाते हो मारा लाड़ला भायाँ, मूँ थाँने देकणा छारियो हूँ। थाँ मारी खुसी हो अन मने थाँका पे मेपणो हे। मारा लाड़ला भायाँ, वस्यानीस परबू में अटल रो।

2 थिस्सुलुनिक्यों 2:2

आत्मा का आड़ीऊँ अई तकी बात, क्या तका बचन अन लिक्या तका कागद ने देकन पलई वो केवे के, मारा आड़ीऊँ लिक्यो तको हे, वींमें ओ लिक्यो वे के, परबू के पाच्छा आबा को दन आग्यो हे, थाँ भटक मती जाज्यो अन घबरा मती जाज्यो।

2 थिस्सुलुनिक्यों 3:14

यद्याँ कुई माकाँ ईं कागद में लिकी तकी बाताँ ने ने माने, तो वाँका पे नजर राकज्यो अन वणा हाराईऊँ छेटी रेज्यो जणीऊँ वीं हरमा मर जावे।

2 थिस्सुलुनिक्यों 3:6

हो विस्वासी भायाँ, माँ थाँने परबू ईसू मसी में ओ आदेस देवा हा के, हरेक अस्या मनकाऊँ छेटी रेज्यो जीं आळकातक हे अन ज्या हिक माँ वाँने दिदी हे वींके जस्यान ने करे।

तीतूस 1:9

वीं भी हाँचा बचना पे टक्या तका रेवे, जीं धरम-उपदेस का जस्यान सई हे। जणीऊँ वाँने खरी हिक का उपदेस देबा में अन विरोद करबावाळा को मुण्डो बन्द करबा में मदत मले।

यहूदा 1:3

हो लाड़ला भायाँ, मूँ तो घणो छावतो हो के, थाँने वीं छूटकारा का बारा में लिकूँ, जिंका आपाँ पांतीदार हा। मने अस्यान भी लागे हे के, मूँ थाँने ईं बाताँ लिकन हिम्मत देऊँ जणीऊँ थाँ विस्वास में बड़ता रेवो, ज्यो विस्वास परमेसर का पुवितर मनकाँ ने दिदो ग्यो हो।