2 थिस्सुलुनिक्यों 2:13 - नुवो नेम (मेवड़ी नया नियम)

¹³ परबू का लाड़ला भायाँ-बेना, थाँका वाते माँने हमेस्यान परमेसर को धन्नेवाद करतो रेणो छावे, काँके परमेसर आपणी पुवितर आत्मा की सगतिऊँ थाँने बंचान वाँका पुवितर मनक बणाबा का वाते अन हाँच पे थाँका विस्वास की वजेऊँ बंचाबा का वाते पेल्याइस थाँने चुण्या हा।

2 थिस्सुलुनिक्यों 2:13 Iomraidhean Croise

लूका 1:75

अन आपीं आपणी हारी जीवन में वाँका हामे पुवितर अन धरमी बण्या तका रेवा।

यहुन्ना 1:1

किंकी भी रचना करबाऊँ पेल्या बचन हो अन बचन परमेसर का हाते हो अन वो बचनइस परमेसर हे।

यहुन्ना 14:6

ईसू वींने क्यो, “हाँच, जीवन अन गेलो मूँईस हूँ। मारा बना कुई परमेसर का नके ने जा सकी।

थरप्या तका का काम 13:48

वाँ लोगाँ जो यहूदी ने हे जद्याँ ओ हुण्यो, तो वे घणा राजी व्या अन परमेसर का वसना को मान किदो अन जणा अमर जीवन जीबा ने चुण्यो वणा विस्वास किदो।

थरप्या तका का काम 15:9

वणी आपाँ अन वाँका में कुई दूज-भराँत ने राकी अन वाँका पापाँ ने माप किदा काँके वणा विस्वास किदो।

रोमियों 6:17

पण परमेसर को धन्नेवाद वे के, थाँ ज्यो पाप का दास वेबा पे भी थाँ वणी हिक ने मानी, ज्या थाँने हूँपी गी ही।

रोमियों 8:33

परमेसर का चुण्या तका मनकाँ पे कूण दोस लगा सके हे? वो परमेसर ईं हे ज्यो वाँने निरदोस बणावे हे।

रोमियों 9:11

जोड़ला बाळक का जनमऊँ पेल्याँ अन वाँका कुई भी भलो-बुरो करबाऊँ पेल्याँ, परमेसर रिबकाऊँ क्यो, “मोटो बेटो फोरा की सेवा करी।” ताँके परमेसर के चुणाव को मकसद पूरो वेवे के, परमेसर को चुणाव वाँ दुयाँ के करमा का जस्यान ने हो। पण परमेसर की बुलाहट का जस्यान हे।

1 कुरिन्थियों 1:21

परमेसर अस्यान होच-हमजन ते कर राक्यो हो के, अणी दनियाँ का मनक आपणाँ ग्यानऊँ परमेसर ने ने जाण पाई, तो परमेसर ने ओ बड़िया लागो के, ईं तरिया परच्यार का जरिये ज्यो आपाँ कराँ हा, ज्यो परच्यार दनियाँ का मनकाँ की नजराँ में मुरकता हे, ईंपे विस्वास करबावाळा मनकाँ ने बचावे।

गलातियों 3:1

हे बना अकल का गलातिया का मनकाँ, थाँने कणी भेंम में नाक दिदा हे। में पुरो-पुरो बखाण अस्यान किदो हो के, मानो थाँकी आक्याँ का हामेईस तो ईसू मसी ने हूळी पे चड़ाया ग्या वे।

इपिसियों 2:8

काँके थाँ विस्वास का मस करपाऊँ बंचाया ग्या हो। अन ओ थाँके करमा को फळ कोयने पण ओ तो परमेसर को दान हे। ईं वाते अणीऊँ कुई मेपणो ने कर सके हे।

कुलुसियों 1:5

ओ वीं आस का वाते व्यो हे ज्या चीज थाँका वाते हरग में राकी तकी हे, जिंका बारा में थाँ हव हमच्यार का हाँचा बचनाऊँ हुण चुक्या हो, ज्यो थाँका नके आवे हे। जद्याँ थाँ वींने हुण्यो हो अन परमेसर की करपा ने पुरी हाँच हमेत हमज्या हा। वीं टेमऊँ लेन अबाणू तईं जस्यान ओ हव हमच्यार थाँका जीवन में काम कररियो हे वस्यानीस आकी दनियाँ में फळ-फुल रियो हे।

कुलुसियों 3:12

काँके थाँ परमेसर का चुण्या तका लाड़ला अन पवितर मनक हो, ईं वाते दया, भलई, नरमाई, सेण करणो अन हुदापणा ने धारण करो।

1 थिस्सुलुनिक्यों 1:4

हो विस्वासी भायाँ, माँ ईं बात ने जाणा हाँ के, परमेसर थाँकाऊँ परेम राके अन थाँने वणा आपणाँ वाते चुण्या हे।

1 थिस्सुलुनिक्यों 2:12

जणीऊँ थाँको चालचलन परमेसर जोगो वेवे, जीं थाँने आपणाँ राज अन मेमा में बलावे हे।

1 थिस्सुलुनिक्यों 4:7

परमेसर आपाँने हूँगला वेबा का वाते ने पण पुवितर वेबा का वाते बलाया हे।

1 थिस्सुलुनिक्यों 5:9

काँके परमेसर आपाँने वींका गुस्सो ने भुगतबा का वाते ने, पण परबू ईसू मसीऊँ बंचाबा का वाते चुण्या हे।

2 थिस्सुलुनिक्यों 1:3

हो भायाँ-बेना, थाँका वाते माँने परमेसर ने धन्नेवाद देतो रेणो छावे अन ओ सई भी हे, काँके थाँको विस्वास घणो बड़तो जारियो हे, अन थाँको हाराई को परेम एक-दूँजा में घणो फल-फुलरियो हे।

2 थिस्सुलुनिक्यों 2:12

अणीऊँ जतरा हाँच पे विस्वास ने किदो अन जूट में मजा लेता हा, वीं हाराई दण्ड पाई।

2 थिस्सुलुनिक्यों 2:16

आपणाँ परबू ईसू मसी खुदई अन आपणाँ बापू परमेसर ज्यो आपाँने परेम, जुग-जुग की सान्ती अन हव आस दिदी हे,

2 तिमुतियूस 1:9

वणा आपाँने परमेसर का मनक वेबा वाते बंचाया अन बलाया हे, ओ सोभाग्य आपणाँ पे आपणाँ कामाँ का जस्यान ने मल्यो हे, पण ओ तो वाँकी दया अन वाँका मकसद वाते आपाँ पे ने मल्यो हे, ज्यो ईसू मसी में सरुवातऊँ आपणाँ वाते हो।

2 तिमुतियूस 2:15

परमेसर की देकणी में खुद ने मेनत करबावाळो अस्यान को मनक बणा, जणीऊँ थने आपणाँ कामऊँ हरमा ने मरणो पड़े, पण परमेसर का हाँच का हमच्यार ने सई तरियाऊँ हिका।

2 तिमुतियूस 3:15

अन बाळकपणाऊँ थूँ तो पुवितर सास्तर ने जाणे हे ज्यो ईसू मसी में विस्वास का आड़ीऊँ थने मुगती पाबा का वाते अकल दे सके हे।

इब्रानियों 1:10

परमेसर यो भी केवे हे, “हो परबू, जद्याँ दनियाँ की सरुवात वेरी ही, तो थाँ धरती की नीम नाकी, अन हरग थाँका हाताँ की कारीगरी हे।

याकूब 1:18

वणी आपणी मरजीऊँ हाँच का बचनऊँ पेदा किदा हे जणीऊँ आपाँ वींकी बणई तकी दनियाँ में पेला फळ वेवा।

1 यहुन्ना 4:10

हाँचो परेम ओ ने हे के, आपाँ परमेसरऊँ परेम किदो, पण वो ओ हे के, परमेसर आपाऊँ परेम किदो अन आपणाँ पाप धोवा का वाते आपणाँ बेटा ने बलीदान वेवा का वाते खन्दा दिदो।

1 यहुन्ना 4:19

आपाँ ईं वाते परेम करा हाँ, काँके परमेसर पेल्याँ आपणाँऊँ परेम किदो हे।