2 थिस्सुलुनिक्यों 1:7 - नुवो नेम (मेवड़ी नया नियम)

⁷ अन परबू ईसू मसी जद्याँ आपणाँ हरग-दुत का हाते हगलती तकी वादी में हरगऊँ आई, तो थाँ जी कळेस जेलरिया हो, वो माकाँ हाते थाँने सक-चेन देई।

2 थिस्सुलुनिक्यों 1:7 Iomraidhean Croise

मत्ती 16:27

मनक को पूत आपणाँ हरग-दुत का हाते आपणाँ बाप की मेमा में आई, अन वीं बगत वीं हाराई ने वाँका करमा का जस्यान फळ देई।

मत्ती 16:28

मूँ थाँने हाचेई केवूँ हूँ के, ज्यो अटे ऊबा हे, वाँका मूँ कुई अस्या हे के, वीं जद्याँ तईं मनक का पूत ने वींका राज में आता तका ने देक लेई, जद्याँ तईं वाँने मोत ने आई।”

मत्ती 25:31

“जद्याँ मनक को पूत आपणी मेमा में आई अन हाराई हरग-दुत वींका हाते आई, तो वो आपणी मेमा की राजगाद्दी पे बिराजी।

मत्ती 25:41

“तद्याँ वो डावा पाल्ड़े वाळाऊँ केई, ‘हो हरापवाळा मनकाँ, मारा हामेंऊँ वीं कदी ने बजबा वाळी वादी में पड़ जावो, ज्या सेतान अन वींका दुताँ का वाते त्यार किदी गी हे।

मत्ती 26:64

ईसू वाँने क्यो, “थें खुदई के दिदो, पण मूँ थाँकाऊँ ओ भी केवूँ हूँ के, अबेऊँ थाँ मनक का पूत ने मेमावान परमेसर का जीमणा पाल्ड़े बेट्यो तको अन आकास का वादळा पे आतो तको देको।”

मरकुस 14:62

ईसू बोल्यो, “मूँ हूँ, थें मनक का पूत ने, वीं सगतीवान का जीमणा पाल्ड़े बेटो अन हरगऊँ आता तका बादळा में देको।”

मरकुस 8:38

जद्याँ कुई मारा अन मारी हिकऊँ, कुकरमी अन पापी जमानाऊँ हरमाई तो मूँ ज्यो मनक को पूत(ईसू) हूँ, जद्याँ पुवितर हरग-दुताँ की लारे परमेसर की मेमा में आऊँ, तो वींका वाते हरमाऊँ।”

लूका 16:25

पण अबराम वणीऊँ क्यो, “हे बेटा, याद कर के, थें आपणाँ आकाई जीवन में हारी हव चिजाँ को भोग कर नाक्यो हे अन अणीस तरिया लाजर खराब चिजाँ को किदो। पण, अबे यो अटे सान्ती पारियो हे अन थूँ दुक में पड़न तड़परियो हे।

लूका 17:30

जणी दन मूँ मनक को पूत आऊँ। वणी दन भी अस्यानीस वेई।

यहुन्ना 1:3

बचनऊँईस परमेसर दनियाँ की हारी चिजाँ बणई अन बचन का बना कई भी चीज ने बणईगी।

यहुन्ना 1:51

ईंके केड़े ईसू वाँने क्यो, “मूँ थाँकाऊँ हाँची केवूँ हूँ के, थाँ हरग ने खुलो तको अन परमेसर का हरग-दुताँ ने मनक का पूत (ईसू) पे उतरता अन चड़ता तका देको।”

थरप्या तका का काम 1:11

अन पछे वाँ दुई जणा क्यो, “ओ गलील का रेबावाळा, थाँ अटे ऊबा-ऊबा आकास में काँ देकरिया हो? वीं ईसू, जीं आज अटूँ हरग में पराग्या वस्यानीस, एक दन थाँ वाँने पाच्छा हरगऊँ आता तका देको।”

थरप्या तका का काम 3:19

ईं वाते थाँ आपणो मन बदलो अन परमेसर का दयने आ जावो, ताँके परमेसर थाँका पापाँ ने माप करे

रोमियों 8:17

अन यद्याँ आपाँ वींकी ओलाद हा, तो परमेसर का वारिस अन मसी का हाते पांतीदार भी हा। अन यद्याँ हाँची में आपाँ वींके हाते दक-सक में पांतीदार हा, तो वींके हाते आपाँने भी मेमा भी पांतीदार हा।

1 कुरिन्थियों 3:13

तो हाराई का काम का गुण हामे आ जाई, काँके अन्त की टेम यो वादीऊँ हामे आई अन वादी हाराई का काम की परक करी के, वणी कस्यान काम किदो।

2 कुरिन्थियों 4:17

काँके ओ थोड़ाक दनाँ को दुक आपणाँ वाते जुग-जुग का वाते मेमा लेन आई, ज्या ईं दकऊँ घणी मोटी हे।

इपिसियों 1:2

आपणाँ बापू परमेसर अन परबू ईसू मसी, थाँ लोगाँ पे करपा करी अन सान्ती देई।

कुलुसियों 1:16

काँके वाँकाऊँईस परमेसर हंगळी चिजाँ बणाई पलई हरग की वो कन धरती की, दिकबावाळी कन ने दिकबावाळी, पलई सिंघासन, राज, राजा अन अदिकारी, अन हंगळी चिजाँ वींकाऊँईंस बणी अन वींका वातेईस बणी तकी हे।

1 थिस्सुलुनिक्यों 3:13

जणीऊँ वो थाँका हरदा ने अस्यान पाका करी के, जद्याँ आपणाँ परबू ईसू हाराई पुवितर मनकाँ का हाते आई तो थाँ बापू परमेसर का हामे निरदोस अन पुवितर वेवो।

2 तिमुतियूस 2:12

जद्याँ आपाँ धीरज का हाते दुक जेलरिया, तो आपाँ वींके हाते राज भी कराँ। यद्याँ आपाँ वींका आड़ीऊँ मुण्डो फेर लेवा, तो वीं भी आपाऊँ मुण्डो फेर लेई।

तीतूस 2:13

अन आपीं वणी धन्न दन की आसऊँ वाट नाळता रेवा, जदी आपणाँ परमेसर अन आपाँने छुटकारो देबावाळा ईसू मसी की मेमा परगट वेई।

इब्रानियों 10:27

पण ईंका केड़े तो जोरदार न्याव वेणो अन धधकती तकी वादीईस वाट नाळरी हे, आ वादी परमेसर का दसमणा ने बाळ नाकी।

इब्रानियों 12:29

काँके आपणाँ परमेसर बाळ नाके अस्यी वादी हे।

इब्रानियों 4:1

ईं वाते जद्याँ वींके रईम्बावाळी जगाँ में आबा को वादो अबाणू तईं हे, तो आपाँने ध्यानऊँ रेणो छावे, अस्यान ने वे के, थाँकामूँ कुई भी वणीऊँ चूक जावे।

इब्रानियों 4:11

ईं वाते आवो, आपाँ भी रईम्बावाळी जगाँ में जाबा का वाते कोसीस करा, कटे अस्यान वे के, कुई मनक वाँके जस्यान आग्याने ने मानन वीं रईम्बावाळी जगाऊँ चूक जावे।

इब्रानियों 4:9

ईं वाते जाण लो, परमेसर का मनकाँ का वाते एक अस्यो रईम्बो वाट नाळरियो हे, जस्यो हातवे दन परमेसर रईम्बो लिदो हो।

इब्रानियों 9:28

वस्यान मसी भी एक दाणइस नरई का पापाँ ने छेटी करबा का वाते बलीदान व्यो हे। वो अबे पापाँ ने छेटी करबा का वाते ने, पण ज्यो वींकी वाट नाळरिया हे वाँका छूटकारा का वाते दूजी दाण परगट वेई।

1 पतरस 3:22

वो हरग में परमेसर का जीमणा पाल्डे बेट्यो तको हे, अन अबाणू हरग-दुत, अदिकारी अन हारी सगत्याँ वींके बंस में कर दिदी गी हे।

2 पतरस 3:7

पण आज जा धरती अन आकास आपाँ देकाँ हा, वींके आग्या का वजेऊँ वादीऊँ नास वेबा वाते ठमी तकी हे। ईंने वीं टेम का वाते ठाम मेली हे, जद्याँ तईं पापी मनकाँ को न्याव ने जावे अन वाँको नास ने कर दिदो जावे।

यहूदा 1:7

यो भी आद अवाड़ूँ हूँ के, सदोम अन अमोरा नगर ने अन वाँके नके का नगराँ का मनकाँ ने जीं कुकरम करता हा अन बुरा काम का गेले चालता हा। परमेसर वाँने कदी ने बजबा वाळी वादी में नाकन वाँने दण्ड दिदो अन या बात आपणाँ वाते हिक बणी।

परकासितवाक्य 1:7

देको, वो वादळा का हाते आबावाळो हे अन वींने हाराई आपणी आक्याँऊँ अन वीं मनक भी जणा वींने दुक दिदो हो देकी। अन धरती का हाराई मनक वाँके वजेऊँ रोई। अस्यान पाको हे के, यो वेई, आमीन।

परकासितवाक्य 14:10

तद्याँ वो परमेसर का गुस्सा का दाकरस ज्या वाँका गुस्साऊँ प्याला में गाळ्यो ग्यो हे, वींने पीई अन पुवितर हरग-दुताँ हामे अन उन्याँ का हामे वादी अन तेजाब का दुक में पड़ी।

परकासितवाक्य 14:13

जद्याँ मूँ अस्यान बोलरियो हो के, तद्याँ हरगऊँ आ अवाज हुणई, “ईंने लिकी ले। ज्यो परबू की सेवा करता करता मरे हे वीं धन्न हे।” आत्मा केवे हे के, “वीं आपणाँ कामाँऊँ आराम पाई, अन वाँका काम वाँके हाते हे।”

परकासितवाक्य 20:11

तद्याँ में मोटी धोळी गादी अन वींपे बेट्या तका ने देक्यो, वींके हामेऊँ धरती अन आकास भागग्या अन वाँको नामो निसाण मटग्यो।

परकासितवाक्य 21:4

अन वो वाँकी आक्याँ का आसूँ पुछ नाकी अन ईंका केड़े मोत ने रेई, अन ने होक, ने रोणो-धोणो, ने पिड़ा रेई, काँके पेल्याँ की बाताँ जाती री ही।”

परकासितवाक्य 22:16

“मूँ, ईसू थाँका वाते, मण्डळ्याँ का वाते, अणा बाताँ की गवई देबा का वाते मारो हरग-दुत खन्दाऊँ हूँ। मूँ दाऊद के परवार को वंसज हूँ। मूँ हवेर को चमकतो तको तारो हूँ।”

परकासितवाक्य 22:6

पछे वीं हरग-दुत माराऊँ क्यो, “ईं वसन विस्वास करबा जोगा अन हाँचा हे। परबू परमेसर जी, आपणाँ आड़ीऊँ बोलबावाळा ने पुवितर आत्मा देवे हे, आपणाँ भगताँ ने, जीं अबाणू वेबावाळो हे, वींका बारा में केबा का वाते आपणो हरग-दुत खन्दावे हे।”

परकासितवाक्य 22:9

पण वणी माराऊँ क्यो, “थूँ अस्यान मती कर, काँके मूँ थाँरो अन थाँरा भायाँ परमेसर का आड़ीऊँ बोलबावाळा अन ईं किताब की बाताँ ने मानबावाळा का लारे को दास हूँ। बेस थूँ परमेसर की भगती कर।”

परकासितवाक्य 6:11

वाँ हाराई ने धोळा चोळो पेरायो ग्यो हो अन वाँने क्यो ग्यो हो के, “थोड़ीक टेम ओरी वाट नाळो, जद्याँ तईं थाँकी हण्डाळ्याँ की गणती पुरी ने करी जावे, ज्याँने थाँकी जस्यान मारिया जाई।”