2 पतरस 3:7 - नुवो नेम (मेवड़ी नया नियम)

⁷ पण आज जा धरती अन आकास आपाँ देकाँ हा, वींके आग्या का वजेऊँ वादीऊँ नास वेबा वाते ठमी तकी हे। ईंने वीं टेम का वाते ठाम मेली हे, जद्याँ तईं पापी मनकाँ को न्याव ने जावे अन वाँको नास ने कर दिदो जावे।

2 पतरस 3:7 Iomraidhean Croise

मत्ती 10:15

मूँ थाँकाऊँ हाचेई कूँ हूँ के, न्याव का दन में वीं नगर को हाल सदोम अन अमोरा का हालऊँ घणो खराब वेई।

मत्ती 11:22

पण मूँ थाँकाऊँ केवूँ हूँ के, न्याव का दन में थाँकी दसा सूर अन सेदा की दसाऊँ भी घणी खराब वेई।

मत्ती 11:24

पण मूँ थाँकाणी केवूँ हूँ के, न्याव का दन थारे लोगाँ की दसा सदोम नगर का लोगाँ की दसाऊँ भी घणी खराब वेई।”

मत्ती 12:36

“मूँ थाँकाऊँ कूँ हूँ के, जीं जीं फोगट की बाताँ मनक केवे हे, न्याव का दन वीं हाराई बाताँ को वाँने हस्याब देणो पड़ी।

मत्ती 24:35

धरती अन आकास टळ जाई, पण मारो बचन कदी ने टळी।

मत्ती 25:41

“तद्याँ वो डावा पाल्ड़े वाळाऊँ केई, ‘हो हरापवाळा मनकाँ, मारा हामेंऊँ वीं कदी ने बजबा वाळी वादी में पड़ जावो, ज्या सेतान अन वींका दुताँ का वाते त्यार किदी गी हे।

मरकुस 6:11

जद्याँ कसी जगाँ का मनक थाँने ने माने अन थाँकी बात ने हुणे, तो थाँ वा जगाँ छोड़ दिज्यो अन आपणाँ पगाँ को धूळो वटेई जाटक दिज्यो, तद्याँ या बात वाँका वाते चेतावणी रेई के, वाँका नास को कारण वीं खुदईस हे।”

यहुन्ना 12:48

ज्यो मने नकारे हे अन मारा बचनाँने ने माने हे वाँने दोसी ठेराबावाळो तो एकीस हे, ईंको मतलब जीं बचन में बताया, वींइस आकरी दन में वाँने दोसी बणाई।

रोमियों 2:5

पण थाँ आपणाँ गाटा अन कदी पछतावो ने करबावाळा मन के वजेऊँ परमेसर का गुस्सा ने आपणाँ वाते त्यार कररिया हो। वो गुस्सो थाँरा पे वीं दन पड़ी जदी परमेसर को हाँचो न्याव परगट वेई।

1 कुरिन्थियों 3:13

तो हाराई का काम का गुण हामे आ जाई, काँके अन्त की टेम यो वादीऊँ हामे आई अन वादी हाराई का काम की परक करी के, वणी कस्यान काम किदो।

फिलिपियों 1:28

अन कस्यी भी बात में थाँ थाँका दसमणाऊँ दरपो मती। ओ ईं बात ने साबत करे के, थाँ तो बंच जावो अन वाँको नास वे जाई, ओ परमेसर का आड़ीऊँ हे।

2 थिस्सुलुनिक्यों 2:3

काँके वो दन जद्याँ तईं ने आवे तद्याँ तईं आकरी विरोद ने जावे अन पाप को मनक परगट ने वे जावे, जिंने परमेसर नास करी, ईं वाते किंके भी अन किंकी ठग-वद्‍याँ में मती आ जाज्यो।

1 तिमुतियूस 6:9

पण ज्याँने धन भावे, वीं लाळच अन उजाड़ करबावाळी बुरी मरजी में पड़ी, ज्या मनक ने बरबादी अन नास का गेला में नाके हे।

इब्रानियों 12:29

काँके आपणाँ परमेसर बाळ नाके अस्यी वादी हे।

2 पतरस 2:9

ईं तरियाँ परबू जाणे हे भगताँ ने न्याववाळे दन तईं कस्यान बंचान राक्या जावे हे अन पाप्याँ ने दण्ड का वाते कस्यान राक्या जावे हे।

2 पतरस 3:10

परमेसर को दन चोर का जस्यान अणाचेत को आई। परबू के पाच्छा आबा का दन आकास जोरऊँ गाजी अन नास वे जाई अन आकास पिंड जो आकास में हे वाँ हेली उनी वेन पिगळ जाई अन ईं धरती पे जो कई भी हे, वो भी बळ जाई।

2 पतरस 3:12

अन वीं दन की वाट नाळणी छावे, जीं दन परमेसर न्याव करी। वीं दन ने लाबा का वाते कोसीस करणी छावे। वीं दन के आताई आकास वादी की लपटाऊँ बळन नास वे जाई अन आकास की चिजाँ वादी की तपतऊँ पिगळ जाई।

1 यहुन्ना 4:17

अणीऊँ आपाँ में परेम पाको व्यो, ताँके न्याव का दन आपीं विस्वास में बण्या रेवा, काँके आपाँ दनियाँ में वस्यानीस जीवन जीवाँ हाँ, जस्यान को मसी जीवन जियो हो।

यहूदा 1:7

यो भी आद अवाड़ूँ हूँ के, सदोम अन अमोरा नगर ने अन वाँके नके का नगराँ का मनकाँ ने जीं कुकरम करता हा अन बुरा काम का गेले चालता हा। परमेसर वाँने कदी ने बजबा वाळी वादी में नाकन वाँने दण्ड दिदो अन या बात आपणाँ वाते हिक बणी।

परकासितवाक्य 17:11

अन वो डरावणो जनावर ज्यो पेला जीवतो हो, पण अबे ने हे, वो खुद आटवो राजा हे ओ अणा हातई राजा मेंऊँ एक हे, वींको भी नास वेबावाळो हे।

परकासितवाक्य 17:8

जीं डरावणा जनावर ने थें देक्यो हे, वो अबे ने, पण पेल्याँ जीवतो हो, पण वो पाताळऊँ निकळबा वाळो हे, अन तद्याँ वींको नास वे जाई। धरती पे रेबावाळा वीं मनक ज्याँका नाम सरुआतऊँ ईं जीवन की किताब में ने लिक्या हे, वीं ईं डरावणा जनावर ने देकन अचम्बो करी, काँके ओ पेला जीवतो हो पण अबे ने, तद्याँ भी वो आबावाळो हे।

परकासितवाक्य 20:11

तद्याँ में मोटी धोळी गादी अन वींपे बेट्या तका ने देक्यो, वींके हामेऊँ धरती अन आकास भागग्या अन वाँको नामो निसाण मटग्यो।

परकासितवाक्य 21:1

पछे में एक नुवो हरग अन नुवी धरती देकी। काँके पेलो हरग अन पेली धरती खतम वेग्या हा अन समन्द भी अबे ने रियो हो।