2 पतरस 3:16 - नुवो नेम (मेवड़ी नया नियम)

¹⁶ वणी थाँने जतरा भी कागद लिक्या हा, वस्यानीस थाँने ईं कागद में, में भी वणा बाताँ का बारा में लिक्यो हे। वणा कागद में अस्यान की बाताँ भी लिकी तकी हे जीं थाँका वाते हमजणी अबकी हे। बना हमज का अन अस्थिर मनकईस वणा कागद में लिकी तकी बाताँ को गलत अरत लगान पुवितर सास्तर में लिकी तकी बाताँ का हाते खेंचा-ताणी करन खुद आपणाँ पगा पे कराड़ी मेले हे।

2 पतरस 3:16 Iomraidhean Croise

मत्ती 15:3

ईसू वाँने क्यो, “थाँ भी आपणाँ बड़ाबा का रिति-रिवाज मानन परमेसर का आदेसा ने टाळ देवो हो।

मत्ती 15:6

ईं बात की वजेऊँ वणी मनक ने आपणाँ बई-बापू की सेवा करबा की जरुरत ने हे। अस्यान करन थाँ आपणाँ रिति-रिवाजऊँ परमेसर की आग्या ने टाळ देवो हो।

मत्ती 22:29

ईसू वाँने क्यो, “थें नेमीई डापा में पड़ग्या, ने तो सास्तर जाणो हो अन ने परमेसर की तागत ने।

फिलिपियों 3:19

वाँको अन्त नास हे, काँके वाँको पेटईस वाँको परमेसर हे। जणा बाताँ पे वीं मेपणो करे हे वणा बाताँ पे वाँने हरम करणी छावे अन दनियाँ की चिजाँ पे मन लगान राके हे।

इब्रानियों 5:11

ईंका बारा में केबा का वाते माकाँ नके नरोई हे, पण ईंका बारा में केणो घणो अबको हे, काँके थाँ हमजबा में धीमा हो।

याकूब 1:8

वो मनक दो मन वाळो हे अन आपणाँ हाराई काम में अस्थिर हे।

1 पतरस 1:1

मूँ पतरस ज्यो परबू ईसू मसी को थरप्यो तको चेलो, यो कागद वणा मनकाँ ने लिकरियो हूँ, जी परमेसर का आड़ीऊँ चुण्या तका हे अन ईं पुन्तुस, गलातिया, कप्पदुकिया, एसिया अन बितुनिया का परदेस में बारबासी वेन वकरिया तका हे।

1 पतरस 2:8

अन वो “अस्यान को भाटो बणग्यो, जणीऊँ लोगाँ ने ठेस लागे। अन ठोकर खाबा वाते एक छाँट के जस्यान बणग्यो।” काँके वीं तो बचन ने मानन ठोकर खावे हे अन योईस वाँका वाते ठेरायो भी ग्यो हे।

2 पतरस 2:1

जस्यान वीं टेम में वणा लोगाँ में परमेसर का आड़ीऊँ जूटा बोलबावाळा हा, वस्यानीस थाँका मयने भी परमेसर की आड़ीऊँ जूटा बोलबावाळा वेई, वीं छानेऊँ नास करबावाळा कामाँ ने करी अन वीं वणी मालिक को मान ने करी, जणी वाँने आजाद किदा हा, अस्यान करन वीं खुद को फटाकऊँ नास कर देई।

2 पतरस 3:14

ईं वाते हो मारा लाड़ला भायाँ, थाँ अणा बाताँ की वाट नाळरिया हो, ईं वाते थाँ पुरी कोसीस करो के, परमेसर की नजरा में खरा, बना दोस का अन सान्तीऊँ रेबावाळो केवावो।

2 पतरस 3:2

जणीऊँ थाँ वीं बाताँ ने जी परमेसर का आड़ीऊँ बोलबावाळा पुवितर मनकाँ पेल्याँई क्यो हो, वाँने थाँ आद कर सको अन आपणाँ छुटकारो देबावाळा परबू ईसू मसी की आग्या ने, अन जो थाँका खासतोर थरप्या तका चेला थाँने जो आग्या दिदी ही, वाँको थाँ ध्यान कर सको।

यहूदा 1:4

पण थाँकी मण्डली में छानेऊँ अस्यान का मनक आग्या हे, ज्याँका बारा में सास्तर में पेल्याँई लिक्यो हे के, वाँने दण्ड मली, काँके वीं परमेसर ने कोयने जाणे हे। अणा मनकाँ परमेसर की दया ने खुद का वाते कुकरम करबा की छुट मान लिदी हे अन आपणाँ परबू जीं आपणाँ मालिक ईसू मसी हे वाँने मानबा का वाते नट जावे हे।