2 पतरस 2:13 - नुवो नेम (मेवड़ी नया नियम)

^13-14 अणाने बुरई का बदले बुरईईस मली। वाँने दन का उजिता में कुकरम करणो हव लागे हे। ईं तो मनकाँ के नाम पे कळंक हे। ईं मनक थाँका हाते तेवाराँ पे भेळा वेवे हे, तो ईं मनक अणी ताक में रेवे हे के, अणाने अस्यान की कुई लुगई मल जावे जिंका हाते ईं कुकरम कर सके। अस्यान करबाऊँ वाँकी आक्याँ पाप करबाऊँ रके कोयने। ईं मनक भोळा-भाळा मनकाँ ने पाप करबा का वाते हिकावे हे। अणाको मन पुरी तरियाऊँ लाळचऊँ भरियो तको हे। ईं मनक हराप की ओलाद हे।

2 पतरस 2:13 Iomraidhean Croise

रोमियों 13:13

तो काँ ने आपाँ भी वणी तरियाऊँ रेवा, जस्यान मनक दन का उजिता में रेवे हे। ने तो खा-पीन धुत रेबावाळा का जस्यान, ने कुकरम, लुचापणा करबावाळा की तरियाँ अन ने लड़बावाळा का जस्यान अन ने रिस्याँ बळबावाळा का जस्यान।

इपिसियों 5:27

ताँके मसी वणी मण्डली ने अस्यी पुवितर अन बना दोस की बणान सजी-धजी तकी आपणाँ हामे लावे, ज्यामें ने कळंक, ने हळ, ने कई अस्यी कमी वे।

फिलिपियों 3:19

वाँको अन्त नास हे, काँके वाँको पेटईस वाँको परमेसर हे। जणा बाताँ पे वीं मेपणो करे हे वणा बाताँ पे वाँने हरम करणी छावे अन दनियाँ की चिजाँ पे मन लगान राके हे।

2 तिमुतियूस 4:14

धातु को काम करबावाळे सिकन्दर मने घणो दुक दिदो हे। परबू वींकी करणी के जस्यान वींने फळ देवे।

याकूब 5:5

थाँ ईं धरती पे आपणी मन मरजी को जीवन जिदो अन थाँ खुद ने भोग-विलास में डुबाया राक्या, थाँ थाँकी देह ने नासवाळा दन का वाते ताकड़े अन त्यार कर लिदी हे।

1 पतरस 4:4

पण अबे थाँ वाँका वणा बुरा काम में भेळा ने वेवो हो, तो वाँने अचम्बा वेवे हे, ईं वजेऊँ वीं थाँकी नन्दयाँ करे हे।

2 पतरस 2:15

ईं हुदा गेला ने छोड़न भटग्या हे। ईं मनक बओर का बेटा बिलाम का गेला पे चालरिया हे, जिंने हराम की कमई घणी हव लागी ही।

परकासितवाक्य 18:6

थाँ वींके हाते वस्यानीस वेवार करो, जस्यान वणा थाँका हाते वेवार किदो हे। ज्यो वणा थाँका हाते किदो हे, वणीऊँ दो गुणा वाँका हाते करो, ज्यो प्यालो भरन थाँने दिदो ग्यो हो, वींने दो गुणा भरन पाछो वींने दो।