2 पतरस 2:12 - नुवो नेम (मेवड़ी नया नियम)

¹² पण ईं मनक जनावर के जस्यान हे, ज्याको जनम ईं वाते व्यो हे के, वीं पकड़्या जावे अन मारिया जावे। ईं मनक जीं बाताँ का बारा में जाणेई कोयने वाँके बारा में दूजाँ ने भलो-बुरो केवे हे। ईं वाते जस्यान जनावर मारिया जावे हे वस्यानीस ईं मनक भी मारिया जाई।

2 पतरस 2:12 Iomraidhean Croise

मरकुस 7:22

लोब-लाळच, हरेक तरे की दुस्टता, छळ-कपट, नागोपणो, रिस्याँ, नन्दयाँ, मेपणो अन बेण्डापणो बारणे आवे।

यहुन्ना 8:21

ईसू पाछो एक दाण ओरी वाँने क्यो, “मूँ परो जाऊँ अन थाँ मने होदो, पण थाँ खुद का पाप मेंईस मरोगा। जटे मूँ जारियो हूँ, वटे थाँ ने आ सको।”

गलातियों 6:8

काँके ज्यो आपणाँ सरीर की बुरी मरजी के वाते वाँई, वो सरीर के वाते आपणाँ नास की हाँक काटी, अन ज्यो पुवितर आत्मा के वाते वाँई, वो आत्मा के वाते अनंतकाल का जीवन की हाँक काटी।

कुलुसियों 2:22

ईं हंगळी चिजाँ काम में आती आती नास वे जाई, काँके ईं मनकाँ का बणाया तका नेम अन हिक हे।

2 पतरस 1:4

अणीऊँस वणी आपाँने मोटा अन अनमोल वरदान दिदा हे, ज्याँने देबा का वाते वणा वादो किदो, ताँके वाँकाऊँ आपाँ खुद परमेसर का जस्यान वे जावा अन वणी नासऊँ बंच जावो ज्यो मनकाँ की बुरी मनसा का मस अणी दनियाँ में हे।

2 पतरस 2:19

ईं जूटा हिकबावाळा, वाँने आजाद करबा को वादो तो करी, पण खुद केद में हे, काँके जो मनक कणीऊँ हार जावे हे, तो वो वींको गुलाम बण जावे हे।

यहूदा 1:10

पण ईं मनक तो जणा बाताँ का बारा में जाणी कोयने वाँका बारा में भलो-बुरो केवे हे। ईं तो बना हमजवाळा जनावराँ का जस्यान हे, जीं आपणी मरजी का जस्यान करे हे। अस्यान करन ईं खुद को नास कररिया हे।