2 पतरस 1:4 - नुवो नेम (मेवड़ी नया नियम)

⁴ अणीऊँस वणी आपाँने मोटा अन अनमोल वरदान दिदा हे, ज्याँने देबा का वाते वणा वादो किदो, ताँके वाँकाऊँ आपाँ खुद परमेसर का जस्यान वे जावा अन वणी नासऊँ बंच जावो ज्यो मनकाँ की बुरी मनसा का मस अणी दनियाँ में हे।

2 पतरस 1:4 Iomraidhean Croise

रोमियों 9:4

ज्यो इजराएली हे अन ज्याँने परमेसर की ओलाद वेबा को हक हे, ज्यो परमेसर की मेमा को दरसण कर चुक्या हे, ज्यो परमेसर का करार में पांतीदार हे। ज्याँने मूसा का नेमा अन हाँची भगती अन वादो दिदा तको हे।

2 कुरिन्थियों 1:20

काँके परमेसर ज्यो भी वादो किदो हे वो ईसू मसी में हाँ में पूरो किदो हे अन आपाँ भी ईं वजेऊँ केवाँ हाँ के, अस्यानीस वे(आमीन) अन ओ परमेसर की मेमा का वाते वेवे हे।

2 कुरिन्थियों 3:18

जद्याँ आपाँ उगाड़ा मुण्डाऊँ काँस का जस्यान परबू की चमक को चलको पाड़ा हाँ, तो आपाँ भी वींके जस्यान वेबा लागा हाँ अन वाँ चमक आपाँ में ओरू भी हेलीऊँ हेली वेबा लागे हे अन आ चमक भी परबू का आड़ीऊँइस आवे हे, मतलब आत्माऊँ।

2 कुरिन्थियों 6:17

“ईं वाते परबू केवे हे के, थाँ वणाऊँ न्यारा वेन बारणे निकळो, वणाऊँ खुद ने छेटी करो अन ज्यो खराब हे वींके कदी भी हात मती अड़ाज्यो तद्याँईस मूँ थाँने अपाणाऊँ।

गलातियों 3:16

अस्यानीस परमेसर अबराम अन वींका पिड़ीऊँ वादो किदो, परमेसर अस्यान ने क्यो के, मूँ थाँरा पिड़ियाँऊँ वादो करूँ हूँ, ईंको मतलब तो घणा का वाते वेवे हे, पण वो वादो पीड़ी का वाते किदो अन यो वादो एक मनक ने बतावे हे ज्यो ईसू मसी हे।

गलातियों 6:8

काँके ज्यो आपणाँ सरीर की बुरी मरजी के वाते वाँई, वो सरीर के वाते आपणाँ नास की हाँक काटी, अन ज्यो पुवितर आत्मा के वाते वाँई, वो आत्मा के वाते अनंतकाल का जीवन की हाँक काटी।

इपिसियों 4:13

ओ तद्याँ तईं वेई जद्याँ तईं आपाँ हाराई विस्वास में अन परमेसर का बेटा का ग्यान में एक कोयने वे जावाँ अन मसी का हारई गुण में पाका कोयने वे जावाँ।

कुलुसियों 3:10

अन थाँ नुवा मनकपणा ने पेर लिदो हे, जणीऊँ थाँ आपणाँ बणाबावाळा परमेसर का जस्यान अन वाँके पाका ग्यान में हमेस्यान नुवा बणता जावो हो।

इब्रानियों 12:10

आपणाँ देह का बापू थोड़ीक देर का वाते जस्यान वाँने बड़िया लागो, आपाँने तापड़्या। पण परमेसर तो आपाँने आपणी भलई का वाते तापड़्या हे, जणीऊँ आपीं वाँकी धारमिकता में भेळा वे जावा।

इब्रानियों 9:15

ईं वाते मसी एक नुवा करार को बिचोलिया हे, ताँके जीं बुलाया ग्या हे, वीं अनंत उतरादिकार पा सके, जिंको वादो परमेसर किदो हो। अबे देको, जी पेला करार का जस्यान जणा पापाँ किदो हो, वाँने पापाऊँ छुड़ाबा की वाते मरन किमत चुकई अन वाँने आजाद किदा।

याकूब 1:27

पण परमेसर का हामे खरी अन पुवितर भगती तो आ हे के, अनात अन विदवा के वाँके दुक सक में देक-रेक करे अन खुद पे दनियादारी को कळंक ने लागबा देवे।

2 पतरस 1:1

मूँ समोन जिंको नाम पतरस भी हे, ज्यो परबू ईसू मसी को दास अन थरप्यो तको चेलो हे, मूँ ओ कागद वाँ मनकाँ का नाम लिकरियो हूँ, जीं आपणाँ परमेसर अन छुटकारो देबावाळो ईसू की धारमिकता के वजेऊँ आपणे जस्यानीस विस्वास करे हे।

2 पतरस 3:13

पण आपाँ तो परमेसर की वादा का जस्यान नुवो आकास अन नवी धरती की वाट नाळा हा, जटे धरमीपणो वास करे हे।

2 पतरस 3:9

परबू आपणाँ वादा ने पूरा करबा में देर ने लगावे, जस्यान नरई मनक होचे हे। पण परमेसर आपणाँ वाते धीरज राके हे, काँके वो किंने भी नास करणो ने छावे हे। पण वो छावे हे के, हाराई मनक आपणाँ मन ने पापऊँ अलग करन मन फेरे।

1 यहुन्ना 2:25

खुद मसी आपाँने अनंत जीवन देबा को वादो किदो हे।

1 यहुन्ना 3:2

हो मारा प्यारा भायाँ, अबे आपाँ परमेसर का बेटा-बेटी हाँ, पण आबावाळी टेम में आपाँ कई वेवा, ईंका बारा में आपाँने ग्यान ने दिदो ग्यो हे, पण छावे ज्यो भी वे, आपाँ ओ जाणा हाँ के, जद्याँ मसी पाच्छा परगट वेई, तद्याँ आपाँ वींके जस्यान वे जावाँ, काँके जस्यान वो हे, वस्यानीस आपाँ वींने देकाँ।