2 यहुन्ना 1:3 - नुवो नेम (मेवड़ी नया नियम)

³ बापू परमेसर की करपा, दया अन सान्ती आपणाँ पे वेई अन वाँका बेटा ईसू मसी को परेम अन हाँच भी आपणाँ में बण्यो तको रेई।

2 यहुन्ना 1:3 Iomraidhean Croise

गलातियों 5:6

काँके ईसू मसी ने मानबा का वाते ने तो खतनो करबा की जरूत हे अन ने खतनो ने करबा की, पण वाँमें तो बेस परेम का हाते विस्वास करबा की जरूत वेवे हे।

1 तिमुतियूस 1:14

अन परबू मारा पे नरी दया किदी, हातेई हाते वो परेम अन विस्वास ज्यो ईसू मसी में हो, वो मने मल्यो।

1 तिमुतियूस 1:2

मूँ यो कागद तिमुतियुस ने लिकूँ हूँ, ज्यो विस्वास में मारो हाँचो बेटो हे। थने बापू परमेसर अन आपणाँ परबू ईसू मसीऊँ आसिरवाद, दया अन सान्ती मलती रेवे।

2 तिमुतियूस 1:13

जीं खरा बचन में थने हिकाया हे वाँने मजबुतीऊँ पकड़ राक अन वाँने भी विस्वास अन परेम का हाते, ज्यो ईसू मसी में हे, खुद का वाते नमुनो बणान राक।

1 यहुन्ना 4:10

हाँचो परेम ओ ने हे के, आपाँ परमेसरऊँ परेम किदो, पण वो ओ हे के, परमेसर आपाऊँ परेम किदो अन आपणाँ पाप धोवा का वाते आपणाँ बेटा ने बलीदान वेवा का वाते खन्दा दिदो।

2 यहुन्ना 1:1

मूँ मण्डली को अगुवो यहुन्ना, मारो ओ कागद वीं लुगई का नाम हे, जिंने परमेसर चुणी हे अन वींके बाळक का नाम भी लिकरियो हूँ, जणाऊँ मूँ वाँका हाँच पे चालबा की वजेऊँ परेम करूँ हूँ। मूँईस थाँकाऊँ परेम ने करूँ, पण वीं हाराई ज्यो हाँच ने जाणे हे, वीं भी थाँकाऊँ परेम करे हे।