2 यहुन्ना 1:2 - नुवो नेम (मेवड़ी नया नियम)

² ओ हारोई वीं हाँच की वजेऊँ व्यो हे, ज्यो आपणाँ में वास करे हे अन ज्यो हमेस्यान आपणाँ हाते रेई।

2 यहुन्ना 1:2 Iomraidhean Croise

यहुन्ना 14:16

मूँ बापऊँ परातना करूँ, अन वीं थाँने एक ओरू हण्डाळ्यो देवे, ताँके वो हमेस्या थाकी लारे रेई।

यहुन्ना 15:7

यद्याँ थाँ मारा में बण्या रेवो अन मारा बचन थाँकामें बण्यो रेई, तो ज्यो भी छावो माँगो वो थाँका वाते वेजई।

1 कुरिन्थियों 9:23

ओ हारोई मूँ हव हमच्यार का वाते करूँ हूँ, ताँके वींका वरदानाँ में मारो भी भाग वे।

2 कुरिन्थियों 4:5

अन माँ खुद को परच्यार ने कराँ हाँ पण परबू का रूप में ईसू मसी को परच्यार कराँ हाँ अन माँ माकाँ बारा में तो अस्यान केवाँ हाँ के, माँ ईसू का मस थाँका दास हाँ।

कुलुसियों 3:16

मसी का बचना ने आपणाँ हरदा में नराऊँ-नरा वसबा दो अन हाराई ग्यानऊँ एक दूजाँ ने हिकावो अन हेंचेत करता रेवो। थाँका हरदाऊँ परमेसर को धन्नेवाद करता तका भजन, बड़ई का गीत अन आत्मिक गीत गाता रेवो।

2 तिमुतियूस 1:5

मूँ थाँरा हाँचा विस्वास ने भी आद करूँ हूँ, अस्यान कोईस विस्वास थाँरी नानी लोइस अन थाँरी बई युनीके में हो, अन मूँ ईं बात वाते पाको हूँ के, वोईस विस्वास थाँरा में भी हे।

2 पतरस 1:12

ईं वाते यद्याँ थाँ अणा बाताँ ने जाणो हो, अन थाँने जो हाँच को वसन मल्यो हे अन थाँ ओ बचन मानो भी हो, तो भी मूँ थाँने ईं बाताँ आद अवाड़ातो रेऊँ हूँ।

1 यहुन्ना 1:8

यद्याँ आपाँ केवा के, आपाँ में कई पाप ने हे, तो आपाँ खुद ने धोको देवा हा अन आपणाँ में हाँच ने हे।

1 यहुन्ना 2:14

हो भूण्डा मनकाँ, मूँ थाँने ईं वाते लिकूँ हूँ, काँके थाँ परमेसर ने जाण लिदा हे, जीं सरुवातऊँ हे। हो मोठ्याराँ, मूँ थाँने ईं वाते लिकूँ हूँ, काँके थाँ जोरावर हो, थाँ परबू का बचन ने मानो हो अन बुरई ने भी छेटी कररिया हो।

1 यहुन्ना 2:17

या दनियाँ अन ईंकी हारी बुरी मरजी को नास वेई, पण ज्यो भी मनक परमेसर की मरजी पे चाले हे, वींको कदी नास ने वेई।