2 यहुन्ना 1:1 - नुवो नेम (मेवड़ी नया नियम)

¹ मूँ मण्डली को अगुवो यहुन्ना, मारो ओ कागद वीं लुगई का नाम हे, जिंने परमेसर चुणी हे अन वींके बाळक का नाम भी लिकरियो हूँ, जणाऊँ मूँ वाँका हाँच पे चालबा की वजेऊँ परेम करूँ हूँ। मूँईस थाँकाऊँ परेम ने करूँ, पण वीं हाराई ज्यो हाँच ने जाणे हे, वीं भी थाँकाऊँ परेम करे हे।

2 यहुन्ना 1:1 Iomraidhean Croise

यहुन्ना 8:32

थाँ हाँच ने ओळको अन हाँच थाँने आजाद करी।”

थरप्या तका का काम 11:30

तो पछे वाँकाणी अस्यान ईंस किदो, यरूसलेम का विस्वास्याँ का बुड़ा-ठाड़ा के नके बरनबास अन साउल की लारे खन्दायो।

रोमियों 16:13

परबू का चुण्यो तको रूपूस अन वींकी बई ज्या मारी भी बई का जस्यान हे, वींने मारो नमस्कार।

गलातियों 2:14

पछे जदी में देक्यो के, वीं हव हमच्यार का गेला पे ने चालरियो हे, तो में हाराई का हामे केफाऊँ क्यो, “जद्याँ थूँ यहूदी वेन ज्यो यहूदी ने हे वाँके जस्यान चालरियो हे अन थूँ यहूदी वेन हव हमच्यार का गेला पे ने चाले तो ज्यो यहूदी ने हे वाँने हव हमच्यार का गेला पे चालबा वाते काँ केवे हे?”

गलातियों 2:5

ईं वाते माँ एक घड़ी तईं भी वाँका गुलाम ने रिया, ताँके हव हमच्यार को हाँच थाँका पे बण्यो रेवे।

गलातियों 3:1

हे बना अकल का गलातिया का मनकाँ, थाँने कणी भेंम में नाक दिदा हे। में पुरो-पुरो बखाण अस्यान किदो हो के, मानो थाँकी आक्याँ का हामेईस तो ईसू मसी ने हूळी पे चड़ाया ग्या वे।

गलातियों 5:7

थाँ तो मसी में हव तरियाऊँ जीवन जीरिया हा, पण अबे थाँने कणी रोक दिदा के, हाँच ने मती मानो?

कुलुसियों 1:5

ओ वीं आस का वाते व्यो हे ज्या चीज थाँका वाते हरग में राकी तकी हे, जिंका बारा में थाँ हव हमच्यार का हाँचा बचनाऊँ हुण चुक्या हो, ज्यो थाँका नके आवे हे। जद्याँ थाँ वींने हुण्यो हो अन परमेसर की करपा ने पुरी हाँच हमेत हमज्या हा। वीं टेमऊँ लेन अबाणू तईं जस्यान ओ हव हमच्यार थाँका जीवन में काम कररियो हे वस्यानीस आकी दनियाँ में फळ-फुल रियो हे।

1 तिमुतियूस 2:4

अन परमेसर छावे के, धरती का हाराई मनक बंचाया जावे अन वींका हाँच ने जाणे।

इब्रानियों 10:26

जद्याँ आपाँ हाँचो ग्यान लेबा का केड़े भी जाणता तका पाप करता रेवा हाँ, तो पाप ने धोवा का वाते कस्योई बलीदान ने बच्यो हे।

1 पतरस 1:2

बापू परमेसर थाँने आपणाँ पेल्या का ग्यानऊँ पेल्याई चुण लिदा हे, अन वाँकी पुवितर आत्मा थाँने पुवितर बणाया हे, अणीऊँ थाँ ईसू मसी की आग्या को पालण करो अन वींका खुनऊँ सुद वेवो। थाँका पे परमेसर की करपा अन सान्ती वेती रेवे।

1 पतरस 5:1

अबे मूँ वाँने जो थाँका मयने परदान मान्याँ जावे हे, वाँकाऊँ परातना करूँ हूँ, मूँ खुद एक दानो परदान हूँ अन जो दुक मसी जेल्यो हो वींको मूँ गवा हूँ अन आबावाळी मेमा को मूँ भागी हूँ।

1 पतरस 5:13

बेबीलोन की मण्डली में जीं चुण्या तका मनक हे, वीं थाँका जस्याईस हे वीं अन मरकुस ज्यो मारा बेटा का जस्यान हे, थाँने नमस्कार केवे हे।

1 यहुन्ना 2:21

कई थाँने अस्यान लाग के, मूँ ओ कागद ईं वाते लिकूँ हूँ के, थाँ हाँच ने, ने जाणो? पण थाँ तो हाँच ने जाणो हो अन यो भी जाणो हो के, हाँच में जूट ने वेवे हे।

1 यहुन्ना 3:18

हो प्यारा बाळकाँ, आपाँ खाली बाताँऊँ अन बोलीऊँ परेम ने किदो, पण ईंने आपाँ आपणाँ करमा अन हाँचऊँ कराँ हा।

2 यहुन्ना 1:13

थाँरी बेन का बेटा-बेटी भी थने नमस्कार केवे हे। ज्याँने भी परमेसर चुण्या हे।

2 यहुन्ना 1:5

ईं वाते अबे हे बई, मूँ थने कस्योई नुवो आदेस ने लिकरियो हूँ, पण वोईस आदेस देरियो हूँ ज्यो सरुआत में दिदो ग्यो हो के, आपाँ विस्वास्याँ ने एक-दूजाऊँ परेम करणो छावे।

3 यहुन्ना 1:1

मूँ मण्डली को मुक्यो यहुन्नो, यो कागद गयुस ने लिकरियो हूँ। जणीऊँ मूँ हाँच पे चालबा की वजेऊँ घणो परेम करूँ हूँ।