2 कुरिन्थियों 9:6 - नुवो नेम (मेवड़ी नया नियम)

⁶ थाँने मूँ एक बात बताऊँ हूँ के, ज्यो थोड़ोक वावे हे वो थोड़ोकइस काटे हे अन ज्यो हेलो वावे हे, वो हेलो काटी।

2 कुरिन्थियों 9:6 Iomraidhean Croise

लूका 6:38

दूजाँ ने देवो, तो थाँने भी दिदो जाई। मनक पूरा नाप ने दबा-दबान अन हला-हलान ढळतो तको थाँका खोळा में नाकी, काँके जणी नापऊँ थाँ नापो हो, वणीऊँ थाँका वाते भी माप्यो जाई।

1 कुरिन्थियों 1:12

मारो केणो ओ हे के, थाँकामूँ कुई तो आपणाँ खुद ने पोलुस को, कुई अपुलोस को, कुई केफा को अन कुई मसी का चेला केवो हो।

1 कुरिन्थियों 15:20

पण हाँच ओ हे के, मसी ईसू ने मरिया तका मेंऊँ जीवता किदा ग्या हे अन वीं जीं मरग्या हे, वाँ हाराई मेंऊँ जीवतो वेबावाळो पेलो हे।

1 कुरिन्थियों 7:29

हो भायाँ, मूँ ओ केरियो हूँ के, टेम कम हे, ईं वाते जिंके लुगायाँ हे, वीं अस्यान रेवे के, वाँके लुगायाँ ने हे

2 कुरिन्थियों 9:10

परमेसरइस बीज बावावाळा ने बीज अन खाणो खाबावाळा ने रोटी देवे हे। वींइस थाँने बीज देई अन वींइस मोटा करी, वाँकाऊँईस थाँकी धरम की खेती फलती-फुलती रेई।

2 कुरिन्थियों 9:5

ईं वाते मूँ भायाँऊँ अरज कररियो हूँ के, वीं पेल्याइस थाँका नके परा जावे अन थाँका नकेऊँ वीं दान जिंका बारा में थाँ पेल्याँईं बचन दिदो हो, वींने त्यार राको अन ओ मारा जोरऊँ ने हो, पण थाँकी हरदा की खुसी जस्यान वे।

गलातियों 3:17

पण मारे केबा को मतलब यो हे के, ज्यो बात परमेसर पेल्याँई पाकी कर दिदी हे, वींने चारस्ये तीस वर का केड़े मूसा का नेम आन वींने टाळ ने सके हे। अन नेई वणी वादा ने बेकार ठेरा सके हे।

गलातियों 5:16

पण मूँ केवूँ हूँ, पवितर आत्मा का हस्याबूऊँ चालो, तो थाँ पाप करबावाळी देह की मरजी ने कदी पुरी ने करो।

इपिसियों 4:17

मूँ ईं वाते ओ केवूँ हूँ अन परबू का नाम में थाँने हेंचेत करूँ हूँ के, ज्यो विस्वास ने करे हे वाँके जस्यान अबे कदी भी जीवन ने जीवो, जिंको बच्यार कई काम को ने हे।

कुलुसियों 2:4

यो मूँ थाँने ईं वाते केवूँ के, “कुई मनक थाँने हव हव बाताँ करन धोको ने दे देवे।”

इब्रानियों 6:10

काँके परमेसर अन्यायी ने हे, के थाँका काम अन वीं परेम ने भुल जावे, ज्यो थाँ वींका नाम का वाते बतायो हे के, थाँ पुवितर लोगाँ की सेवा-चाकरी किदी अन कररिया हो।