2 कुरिन्थियों 8:3 - नुवो नेम (मेवड़ी नया नियम)

³ मूँ वाँका बारा में गवई दे सकूँ हूँ के, वीं जतरो भी वीं दे सकता हा वतरो वणा दिदो। अतरोकीस ने वणा आपणी सगतिऊँ भी बड़न आपणी मरजीऊँ हरदा ने खोलन दिदो।

2 कुरिन्थियों 8:3 Iomraidhean Croise

मरकुस 14:8

अणी लुगई वो काम किदो हे, ज्यो वा कर सके। अणी टेमऊँ पेल्याँई मारा सरीर ने गाड़बा वाते हव वाना को अंतर नाकन ईंने त्यार कर दिदो हे।

थरप्या तका का काम 11:29

तद्याँ चेला धारियो के, जणीऊँ जतरोक भी बण सके, वो यहूदियाँ में रेबावाळा भई-बन्दा के वाते खन्दाई।

रोमियों 10:2

काँके मूँ वाँकी गवई दे सकूँ के, वाँका में परमेसर की धुन हे। पण वाँ ग्यान पे ने टकी तकी हे।

1 कुरिन्थियों 16:2

अन जद्याँ भी हपता को पेलो दन दितवार आवे थाँ थाँकी कमई मेंऊँ कईन कई थाँका घर में भेळा करता रेज्यो। जणीऊँ के, मूँ जद्याँ भी अऊँ थाँने दान भेळा करणो ने पड़े।

1 कुरिन्थियों 9:17

काँके यद्याँ आपणी मरजीऊँ ओ करूँ हूँ, तो मूँ ईनाम के जोगो हूँ, पण यो काम तो मूँ मारी जिमेदारीऊँ करूँ हूँ काँके परमेसर मने यो काम हूँप्यो हे।

गलातियों 4:15

वीं टेम थाँ आपणाँ खुद ने धन्न हमजता हा, पण थाँकी वणी खुसी के अबे कई वेग्यो? मूँ खुद थाँके अणी बात को गवा हूँ के, यद्याँ मूँ थाँकाऊँ केतो तो, थाँ आपणी आक्याँ काड़ीन मने दी देता।

फिलिपियों 2:13

परमेसरइस हे ज्यो थाँका जीवन में काम कररिया हे ताँके थाँकामें वाँका मकसद ने पूरो करबा को मन अन तागत वेवे।

कुलुसियों 4:13

मूँ वींको गुवा हूँ के, वो थाँका वाते अन लोदकिया अन हियारापलिस नगर का लोगाँ का वाते घणी मेनत करे हे।

1 थिस्सुलुनिक्यों 2:8

पण थाँका परेम में, माँ थाँने खाली हव-हमच्यारइस ने हुणायो, पण ईंका हाते माँ थाँका वाते जान देबा ने भी राजी हाँ, काँके थाँ माकाँ खास भई बणग्या हा।

फिलेमोन 1:14

पण हे फिलेमोन थाँरी हा के बना मूँ कई ने करणो छारियो हूँ ताँके थूँ ज्यो भी हव काम करे हे, वो जबरदस्तीऊँ ने पण खुद की मरजीऊँ करे हे।

1 पतरस 4:11

जद्याँ कुई उपदेस हुणावे तो वींने अस्यान हूणाणो छावे जस्यान के, वो परमेसरऊँ मल्या तका बचन ने हुणारियो वेवे। यद्याँ कुई सेवा करे, तो वो वीं तागतऊँ ज्या परमेसर वींने दिदी हे वींके जस्यान सेवा करे, जणीऊँ हारी बाताँ में ईसू मसी की वजेऊँ परमेसर की मेमा वेवे। मेमा अन तागत हमेस्या वींकीइस हे। आमीन।

1 पतरस 5:2

मूँ थाँने हमजाऊँ हूँ के, परमेसर की मडळी ज्याँ थाँकी देक-रेक में हे वींकी रुकाळी करो। ओ काम किंकई दबाव में आन मती करो पण परमेसर की मरजीऊँ राजी वेन करो। धन का लाळच की वजेऊँ ओ काम मती करो, पण मन लगान यो काम करो।