2 कुरिन्थियों 8:23 - नुवो नेम (मेवड़ी नया नियम)

²³ यद्याँ कुई मने तीतूस का बारा में पूछे, तो वो मारा हाते रेबावाळो अन थाँका नफा का वाते मारा हाते काम करबावाळो हे अन जटे तईं मारा भायाँ को सवाल हे तो, वीं मण्डळीऊँ खन्दाया तका अन मसी की मेमा का हे।

2 कुरिन्थियों 8:23 Iomraidhean Croise

लूका 5:10

वणीस तरियाँ जब्दी का बेटा याकूब अन यहुन्ना ने भी, जी समोन का हण्डाळ्याँ हा, अचम्बो व्यो। जद्याँ ईसू समोनऊँ क्यो, “दरपे मती। अबे थूँ परमेसर का राज में मनकाँ ने लाबावाळो बणी।”

लूका 5:7

तो वणा आपणाँ हण्डाळ्याँ ने ज्यो दूजी नाव में हा, हानी किदी के, “वीं आन माँकी मदत करे।” वीं आया अन वणा दुई नावा ने माछळयाऊँ अतरी भरी के नावाँ डुबवा लागी।

यहुन्ना 13:16

मूँ थाँने सई-सई केवूँ हूँ, हाळी मालिकऊँ मोटो ने हे, अन नेई खन्दायो तको आपणाँ खन्दाबा वाळाऊँ।

1 कुरिन्थियों 11:7

पण मनक का वाते आपणो मातो ढाकणो हव ने हे काँके वो परमेसर को रूप अन परमेसर की मेमा हे। पण एक लुगई आपणाँ धणी की मेमा ने बतावे हे।

2 कुरिन्थियों 12:18

तीतूस ने अन वींका हाते मारा भायाँ ने खन्दाया हा। कई वणा थाँने धोको थोड़ी दिदो हो? ने। काँके माकाँ नके एकीस आत्मा हे, ज्याँ माकाँ में एक जस्या काम करे हे।

2 कुरिन्थियों 7:6

पण दन-दक्या मनकाँ ने सक सान्ती देबावाळा परमेसर तीतूस ने मारा नके खन्दान मारी हिम्मत बड़ई हे।

2 कुरिन्थियों 8:16

परबू को धन्नेवाद वे, ज्यो तीतूस का हरदा में थाँकी चन्ता करबा का वाते वस्यानीस मरजी दिदी हे, जस्यान की मरजी मारा हरदा में हे।

2 कुरिन्थियों 8:18

अन माँ तीतूस का हाते वणी भई ने भी खन्दारिया हा, जिंको हव हमच्यार का परच्यार करबाऊँ हारी मण्डळ्याँ में अन हारी जगाँ में वींको नाम फेलरियो हे।

2 कुरिन्थियों 8:19

अन अतरोइस ने पण वो मण्डली का मनकाँ का क्या के, जस्यान मारा हाते जाबा का वाते वींने चुण्यो भी हे। ईं दान का काम वाते वो मारा हाते जावे अन माँ ओ सेवा को काम ईं वाते करिया हाँ जणीऊँ परबू की मेमा अन माँकी हरदा की मरजी हामे आवे।

2 कुरिन्थियों 8:22

वाँका हाते माँ माकाँ एक ओरी भई ने खन्दारिया हाँ, जिंने माँ घणी बाताँ में अन घणी दाण भलई करबा का वाते त्यार देक्यो हे अन अबे वींने थाँका पे घणो विस्वास हे, जणीऊँ वींने थाँकी मदत करबा की मरजी घणी हेली वेगी हे।

2 कुरिन्थियों 8:6

ईं वाते माँ तीतूसऊँ अरज किदी के, जस्यान वणी आपणो काम चालूँ कर दिदो हे, वस्यानीस ईं दान भेळो करबा का काम ने थाँका वाते पूरो करे।

फिलिपियों 2:25

मूँ ओ जरूरी हमजूँ हूँ के, आपणाँ भई इपापरदितुस, ज्यो मारे हाते काम करबा अन लड़ई करबा में मारो हण्डाळ्यो हे। अन जरूत में मारी सेवा-चाकरी करबावाळो थाँका आड़ीऊँ खन्दायो तको दूत हे, वींने थाँका नके खन्दाऊँ।

फिलिपियों 4:3

हे हाँचा हण्डाळ्याँ, मूँ थाँराऊँ भी अरज करूँ हूँ के, थूँ वीं लुगायाँ की मदत कर, काँके वणा मारा हाते हव हमच्यार हुणाबा का काम में, क्लेमेंस अन मारा दूजाँ काम करबावाळा का हाते मेनत किदी, ज्याँको नाम जीवन की पोती में लिक्यो तको हे।

कुलुसियों 1:7

माकाँ हाते काम करबावाळो लाड़लो इपफरासऊँ थाँ आ बात हिक्या हा। ज्यो आपणाँ वाते मसी का विस्वास जोगो सेवक हे।

1 थिस्सुलुनिक्यों 2:2

थाँ ओ भी जाणो हो के, थिस्सुलुनिक्यों आबाऊँ पेल्याँ फिलिप्पी नगर में माँ दुक उटायो अन बेजत व्या, पछे भी माँने परमेसर का आड़ीऊँ अस्यान की हिम्मत मली के, थाँने हव हमच्यार हूणावाँ।

2 तिमुतियूस 4:10

काँके देमास तो ईं दनियादारी का मो-माया में पड़न मने छोड़न थिस्सुलुनिक्यों नगर परोग्यो हे। क्रेसकेस गलातिया नगर में अन तीतूस दलमतिया नगर में परोग्यो हे।

तीतूस 1:4

हाराई के एक जस्या विस्वास की बजेऊँ तीतूस थूँ मारो हाँचो बेटो हे। बापू परमेसर अन आपाँने बंचाबावाळा ईसू मसी में थने दया अन सान्ती मले।

फिलेमोन 1:17

यद्याँ थूँ मने आपणाँ हाते काम करबावाळो हण्डाळ्यो हमजे हे तो जस्यान मारी आवभगत करे वस्यानीस ईंकी भी करज्ये।

फिलेमोन 1:24

मारा हण्डाळ्याँ मरकुस, अरिस्तखुस, देमास अन लूका भी थाँने आद करे हे।

3 यहुन्ना 1:8

ईं वाते आपाँ जी विस्वासी हाँ, आपाँने वाँकी मदत करणी छावे। जणीऊँ आपाँ भी वाँका हाते हाँच ने फेलाबा में भेळा वे सका।