2 कुरिन्थियों 8:19 - नुवो नेम (मेवड़ी नया नियम)

¹⁹ अन अतरोइस ने पण वो मण्डली का मनकाँ का क्या के, जस्यान मारा हाते जाबा का वाते वींने चुण्यो भी हे। ईं दान का काम वाते वो मारा हाते जावे अन माँ ओ सेवा को काम ईं वाते करिया हाँ जणीऊँ परबू की मेमा अन माँकी हरदा की मरजी हामे आवे।

2 कुरिन्थियों 8:19 Iomraidhean Croise

थरप्या तका का काम 14:23

वटे की हरेक विस्वास्याँ की मण्डली में बुड़ा-ठाड़ा ने थरप्या अन वाँने वरत अन परातना करन परबू का हाताँ में हूँप दिदी, जिंपे वीं विस्वास करता हा।

थरप्या तका का काम 15:22

तद्याँ थरप्या तका, बुड़ा-ठाड़ा, हंगळी विस्वास्याँ की मण्डळ्याँ के हण्डे आपणाँ मूँ थोड़ाक मनकाँ ने चुणन पोलुस अन बरनबास के हाते अन्ताक्या खन्दाबा का वाते फेसलो किदो। अन वणा भायाँ मूँ जाणिता मनक, यहूदो जो बरसबा केवावे, सिलास ने चुणन वाँका हण्डे खन्दाया।

थरप्या तका का काम 15:25

ईं वाते माँ हंगळा भेळा वेन बात-बच्यार करन आपणाँ मूँ थोड़ाक मनकाँ ने प्यारा पोलुस अन बरनबास के हाते थाँका नके खन्दावाँ।

थरप्या तका का काम 19:22

ईं वाते वणी आपणी मदत करबावाळा मूँ, तिमुतियुस अन अरास्तुस ने मकिदुनिया खन्दाया अन खुद थोड़ाक दन आसिया में रियो।

थरप्या तका का काम 19:29

अन हंगळा नगर में हाका-भार वेगी, अन लोगाँ मकिदुनिया का गयुस अन अरिस्तखुस जो पोलुस का हण्डाळ्याँ हा, वाँने पकड़ लिदा, अन हंगळा एक हाते मेदान में आग्या अन भेळा वेग्या।

रोमियों 5:11

अतरोकीस ने पण अबे आपणो परबू ईसू मसी का मस परमेसरऊँ मेल-मिलाप व्यो हे अन भगती करन गुमान करा हा।

रोमियों 5:3

योईस ने, आपाँ तो अबकी टेम में भी गुमान करा हा। काँके आपाँ जाणा हा के, अबकी टेम धीरज ने जनम देवे हे।

2 कुरिन्थियों 4:15

ईं हारी चिजाँ थाँका वातेईस किदी जारी हे, जणीऊँ नरई मनकाँ पे परमेसर की दया वे अन वीं अणीऊँ परमेसर ने धन्नेवाद दे सकी अन परमेसर ने खुब मेमा मली।

2 कुरिन्थियों 8:11

अबे थाँ अणी काम ने पूरो करो। ज्या मरजी थाँ किदी ही, वींने ज्यो कई थाँका नके हे वींमेंऊँ दान देन पुरी करो।

2 कुरिन्थियों 8:12

काँके जस्यान देबा को मन वेवे हे वस्यानीस वींको दान गरेण किदो जावे हे। मारो केणो हे के, जतरोक वे वतरो दे दिज्यो वणीऊँ बड़न मती देज्यो।

2 कुरिन्थियों 8:20

अन माँ ईं बात को ध्यान राका हाँ के, खुला मनऊँ दिदा तका हेला दान का काम ने माँ कररिया हाँ, वींका वाते कुई दोस ने लगा सके।

2 कुरिन्थियों 9:2

काँके मूँ जाणूँ हूँ, ईं काम ने करबा का वाते थाँ हमेस्यान त्यार रेवो हो अन ईं बात ने मकिदुनिया का मनकाँ का हामे केवाऊँ मेपणो वेई के, अखाया का मनक पालाँ साल ऊँइस त्यार वेग्या हा अन थाँका काम ने देकन नरई मनकाँ ने काम करबा की हिक मली हे।

2 कुरिन्थियों 9:8

परमेसर हाराई तरियाँ का वरदान दे सके हे, जणीऊँ थाँकी हारी बाताँ अन हरेक टेम में, हारोई ज्यो थाँका वाते जरूरी हे, वो थाँका नके वेवे अन हाराई भला काम का वाते जरूतऊँ हेलो थाँका नके रेवे।