2 कुरिन्थियों 7:8 - नुवो नेम (मेवड़ी नया नियम)

⁸ जद्याँ के में थाँने कागद लिकन दुक दिदो हे पण मने वींने लिकबा को नामेक भी दुक ने हे। जद्याँ के पेल्याँ मने ईं बात को दुक व्यो हो, पण अबे मने पतो हे के, वीं कागदऊँ थाँने थोड़ोकइस दुक व्यो।

2 कुरिन्थियों 7:8 Iomraidhean Croise

यहुन्ना 16:6

पण में ईं बाताँ थाँकाऊँ किदी हे, ईं वाते थाँका मन दकऊँ भरग्या हे।

यहुन्ना 21:17

ईसू तीजी दाण क्यो, “ए समोन, यहुन्ना का बेटा, कई थूँ माराऊँ परेम राके हे?” तो पतरस दकी वेग्यो के, वाँकाणी वींने तीजी दाण अस्यान काँ क्यो, “कई थूँ माराऊँ परेम राके हे?” अन वाँने क्यो, “ओ परबू, थाँ तो सब जाणो हो। थाँ ओ भी जाणो हो के, मूँ थाँकाऊँ परेम करूँ हूँ।” ईसू वींने क्यो, “मारा गारा ने चरा।

2 कुरिन्थियों 7:11

थाँ ओ देकज्यो, ज्यो दुक परमेसर की वजेऊँ थाँका पे आयो हो, वींकी वजेऊँ थाँ कतरा राजी व्या हो, अन ईंकी वजे ऊँइस थाँने अस्यी मनसा दिदी के, अबे थाँ खुद का बारा में के सको के, थाँको मन साप हे, गलत काम का विरोद में गुस्सो, परमेसर को मान करणो, माँकाऊँ मलबा की आगत अन पाप को न्याव करबा की भावना थाँकामें पेदा वीं हे। थाँ अस्यान करन ओ बता दिदो हे के, थाँ एकदम निरदोस हो।

2 कुरिन्थियों 7:12

ईं वाते मारो थाँने कागद लिकबा को ओ मतलब ने हो के, मूँ थाँने बताऊँ के, कूण दोसी हे अन वींका बारा में के, किंका खिलाप में गुनो किदो ग्यो हे, पण ईं वाते लिक्यो हो के, परमेसर का हामे थाँने खुद पतो पड़ जावे के, थाँ माँकी करती मानो हो।

2 कुरिन्थियों 7:6

पण दन-दक्या मनकाँ ने सक सान्ती देबावाळा परमेसर तीतूस ने मारा नके खन्दान मारी हिम्मत बड़ई हे।

2 कुरिन्थियों 7:7

अन वींके अटे आबाऊँ थाँ वींको हव आदर मानन वींने सक दिदो जणीऊँ माँने ओरी भी हेली हिम्मत मली। वणी माँने बतायो हो के, ज्यो थाँ किदो हो वींका वाते थाँ दकी हो अन थाँ माराऊँ मलबा का वाते कतरा आकताँ हो अन थाँ मारी चन्ता करो हो अस्यान हुणन माँने ओरू भी खुसी वीं।

2 कुरिन्थियों 7:9

पण अबे मूँ राजी हूँ। मूँ अणी वाते राजी ने हूँ पण मूँ ईं बातऊँ राजी हूँ के, वणी दुक की वजेऊँ थाँ थाँका हरदा ने बदल्यो हे, अन थाँने वो दुक परबू का आड़ीऊँ व्यो हो, ताँके माँके वजेऊँ थाँको कई नकसाण ने वे।

परकासितवाक्य 3:19

मूँ जणीऊँ भी परेम करूँ हूँ वाँने तापड़ूँ अन दण्ड देऊँ हूँ। ईं वाते पसतावणो कर अन पापऊँ आपणो मन ने बदलो।