2 कुरिन्थियों 7:7 - नुवो नेम (मेवड़ी नया नियम)

⁷ अन वींके अटे आबाऊँ थाँ वींको हव आदर मानन वींने सक दिदो जणीऊँ माँने ओरी भी हेली हिम्मत मली। वणी माँने बतायो हो के, ज्यो थाँ किदो हो वींका वाते थाँ दकी हो अन थाँ माराऊँ मलबा का वाते कतरा आकताँ हो अन थाँ मारी चन्ता करो हो अस्यान हुणन माँने ओरू भी खुसी वीं।

2 कुरिन्थियों 7:7 Iomraidhean Croise

मत्ती 26:75

तद्याँ पतरस ने ईसू की बतई तकी बात आद अई के, “कूकड़ा का बोलबाऊँ पेल्याँ थूँ तीन दाण मने ओळकबाऊँ नकार देई।” अन वो बारणे जान छाती कूट-कूटन रोबा लागो।

मत्ती 5:4

धन्ने हे वीं ज्यो रोवे हे, काँके परमेसर वाँने सान्ती देई।

लूका 22:44

वणी टेम ईसू घणा दुक का हाते परातना करबा लागो, वाँको पसीणो लुई का जस्यान टपकन जमीं पे पड़रियो हो।

थरप्या तका का काम 11:23

जद्याँ बरनबास अन्ताक्या पूगो, तो लोगाँ पे परमेसर की करपा देकन वो घणो राजी व्यो अन वणी हारई लोगाँ ने धिजो बन्दान परबू में बण्या तका रेवा वाते क्यो।

रोमियों 1:12

मारे केवा को मतलब ओ हे के, जद्याँ मूँ थाँका हाते रेवूँ, तो थाँने मारा अन मने थाँका विस्वासऊँ हिम्मत मल सके।

1 कुरिन्थियों 5:2

अणी बात पे थाँ होक भी ने करो हो, थाँने ओ छावे के, थाँ अस्यो काम करबावाळो थाँका बचमेंऊँ निकाळ दो, पण थाँ तो मेपणो करो हो।

2 कुरिन्थियों 1:14

जस्यान थोड़ागणा थाँ माँने हमज्या हो, थाँ मारा पे वस्यानीस मेपणो कर सको हो जस्यान के माँ थाँका पे वणी दन मेपणो कराँ जद्याँ आपणाँ ईसू मसी पाच्छा आई।

2 कुरिन्थियों 1:4

अन जद्याँ आपाँ कळेस में वेवा हा तो परमेसरइस आपाँने हिम्मत देवे हे, ताँके आपाँ भी परमेसर की सान्तीऊँ वाँ मनकाँ ने हिम्मत दे सका ज्यो कळेस में पड़्या तका हे।

2 कुरिन्थियों 2:9

अन में ओ देकबा का वाते या बात लिकी ही के, थाँ परक में खरा निकळो के ने अन हारी बाताँ में मानबावाळा हो कन ने।

2 कुरिन्थियों 5:2

जद्याँ तईं आपाँ ईं देह में हाँ टसका भरन हेली आस राका हाँ के, फटाकऊँ हरग की देह रूपी घर ने पेर लेवा।

2 कुरिन्थियों 7:6

पण दन-दक्या मनकाँ ने सक सान्ती देबावाळा परमेसर तीतूस ने मारा नके खन्दान मारी हिम्मत बड़ई हे।

2 कुरिन्थियों 7:8

जद्याँ के में थाँने कागद लिकन दुक दिदो हे पण मने वींने लिकबा को नामेक भी दुक ने हे। जद्याँ के पेल्याँ मने ईं बात को दुक व्यो हो, पण अबे मने पतो हे के, वीं कागदऊँ थाँने थोड़ोकइस दुक व्यो।

2 कुरिन्थियों 8:16

परबू को धन्नेवाद वे, ज्यो तीतूस का हरदा में थाँकी चन्ता करबा का वाते वस्यानीस मरजी दिदी हे, जस्यान की मरजी मारा हरदा में हे।

फिलिपियों 1:20

मूँ तो याईस मरजी अन आस राकूँ हूँ के, ज्यो काम मूँ कररियो हूँ वींमें मूँ कदीई हरमाऊँ कोयने, पण पुरी हिम्मत का हाते मसी की मेमा मारा डीलऊँ हरदाण वेती ही, खासतोरऊँ अबे भी वेती रेई, पलई मूँ जीवूँ कन मर जऊँ।

कुलुसियों 2:5

काँके यद्याँ मूँ देहऊँ तो थाँकाऊँ छेटी हूँ, तद्याँ भी मूँ आत्माऊँ तो थाँके नके हूँ, अन थाँको वेवार अन विस्वास ज्यो मसी में गाटो हे, वणीऊँ मूँ घणो राजी वेवूँ हूँ।

1 थिस्सुलुनिक्यों 3:6

तिमुती थाँका नकेऊँ पाछो आन ज्यो मने थाँका विस्वास अन परेम को हमच्यार हुणायो अन ओ भी बतायो के, थाँ हमेस्यान माँने परेम का हाते आद करो हो अन जस्यान मारो मन थाँने देकबा ने करे हे वस्यानीस थाँको मन भी करे हे।

1 थिस्सुलुनिक्यों 3:8

अबे माँकी काया होरी रेवे हे, काँके थाँ परबू में बण्या तका रेवो हो।

इब्रानियों 2:1

आपाँ ज्यो भी बात हूणी हे वणा बात पे आपाँने मन लगाणो छावे, जणीऊँ आपाँ भटकाँ कोयने।

याकूब 5:17

परमेसर का आड़ीऊँ बोलबावाळो एलियो आपणे जस्यानीस एक मनक हो। वणी विस्वास का हाते परातना किदी के, बरका ने वरे तो हाड़ा तीन वरा तईं धरती पे बरका ने वरी।

2 यहुन्ना 1:4

मूँ ईं बातऊँ घणो राजी हूँ के, थाँका थोड़ाक बेटा-बेटी परबू का आदेस ने ज्यो आपाँने परमेसर दिदो हो, वीं वींने हाँचऊँ माने हे।

यहूदा 1:3

हो लाड़ला भायाँ, मूँ तो घणो छावतो हो के, थाँने वीं छूटकारा का बारा में लिकूँ, जिंका आपाँ पांतीदार हा। मने अस्यान भी लागे हे के, मूँ थाँने ईं बाताँ लिकन हिम्मत देऊँ जणीऊँ थाँ विस्वास में बड़ता रेवो, ज्यो विस्वास परमेसर का पुवितर मनकाँ ने दिदो ग्यो हो।