2 कुरिन्थियों 7:3 - नुवो नेम (मेवड़ी नया नियम)

³ मूँ ईं बाताँ थाँने नीचा दिकाबा का वाते ने केरियो हूँ, काँके का थाँ तो जणोईस हो के, थाँ माकाँ हरदा में बस्या तका हो अन अटे तईं के, माँ थाँ हाते जीवाँ अन मरबा का वाते त्यार रेवा हाँ।

2 कुरिन्थियों 7:3 Iomraidhean Croise

2 कुरिन्थियों 11:11

ईंको ओ मतलब ने हे के, मूँ थाँकाऊँ परेम ने करूँ हूँ? परमेसर ईं बात ने जाणे हे के, मूँ थाँकाऊँ परेम करूँ हूँ।

2 कुरिन्थियों 12:15

जटा तईं मारी बात हे तो, मारा नके ज्यो कई भी हे, वींने थाँका वाते राजी वेन खरच करूँ अटे तईं के, मूँ खुद ने भी थाँका वाते दी देऊँ। यद्याँ मूँ थाँकाऊँ घणो परेम करूँ हूँतो थाँ कई माराऊँ कम परेम करो?

2 कुरिन्थियों 13:10

ईं वाते थाँकाऊँ छेटी रेतो तका भी मूँ ईं बाताँ थाँका वाते लिकरियो हूँ जणीऊँ की जद्याँ मूँ थाँका नके आऊँ तो मने परबू का दिदा तका हक ने कल्डा रूप में काम ने लेणो पड़े। यो हक थाँने नाकबा का वाते ने हे, पण थाँने बणाबा का वाते हे।

2 कुरिन्थियों 3:2

मारो कागद तो थाँ खुद हो, ज्यो मारा हरदा पे लिक्यो तको हे जिंने हाराई मनक जाणे अन भणे हे।

2 कुरिन्थियों 7:12

ईं वाते मारो थाँने कागद लिकबा को ओ मतलब ने हो के, मूँ थाँने बताऊँ के, कूण दोसी हे अन वींका बारा में के, किंका खिलाप में गुनो किदो ग्यो हे, पण ईं वाते लिक्यो हो के, परमेसर का हामे थाँने खुद पतो पड़ जावे के, थाँ माँकी करती मानो हो।

फिलिपियों 1:7

थाँ हाराई का वाते मने अस्याईस बच्यार राकणा हव हे, काँके थाँ हाराई मारा मन में बस्या तका हो। अन जद्याँ मूँ हाकळाऊँ बन्दयो तको हूँ अन हव हमच्यार ने साबत करबा अन पाको बणाबा में भी लागरियो हूँ, थाँ मारा हाते परमेसर की दिदी तकी अणीस करपा में भागी हो।

1 थिस्सुलुनिक्यों 2:8

पण थाँका परेम में, माँ थाँने खाली हव-हमच्यारइस ने हुणायो, पण ईंका हाते माँ थाँका वाते जान देबा ने भी राजी हाँ, काँके थाँ माकाँ खास भई बणग्या हा।