2 कुरिन्थियों 7:2 - नुवो नेम (मेवड़ी नया नियम)

² थाँ थाँका हरदा में माँने जगाँ दिज्यो। माँ किंको भी कई ने वगाड़्यो हे, ने माँ किंका हरदा ने दुक दिदो हे अन ने माँ किंकोई कई नफो उटायो हे।

2 कुरिन्थियों 7:2 Iomraidhean Croise

मत्ती 10:14

ज्यो कुई थाँको मान ने केरी कन थाँकी बाताँने ने हुणे तो वीं घरऊँ कन नगरऊँ निकळता तका आपणाँ पगाँ को धूळो वटेई जाटक दिज्यो, अस्यो करन वणा लोगाँ ने चेताज्यो के, परमेसर थाँने दण्ड देई, काँके थाँ वाँका संदेसा ने अनहुण्यो किदा हे।

मत्ती 10:40

“ज्यो थाँने माने हे वीं मने भी मानी अन ज्यो मने मानी हे वो अदिकार का हाते मने खन्दाबावाळा परमेसर ने भी मानी।

लूका 10:8

अन जणी नगर में थाँ जावो अन वटा का लोग-बाग थाँने पामणा के जस्यान आपणाँ घर में बलावे। तो जो कई थाँका हामे परोसे वोईस खाज्यो।

थरप्या तका का काम 20:33

में कणी भी मनक की चाँदी अन होना अन गाबा को लाळच ने किदो।

रोमियों 16:18

काँके अस्या मनक आपणाँ परबू मसी की ने पण आपणाँ पेट की सेवा करे हे। अन ईं आपणी मिटी-मिटी अन चापलूसी बाताँऊँ भोळा-भाळा मनकाँ ने भरम में नाक देवे हे।

2 कुरिन्थियों 1:12

माँ आ बात मेपणोऊँ अन साप हरदाऊँ के सका हाँ के, माँ ईं दनियाँ का हाते अन खासतोरऊँ थाँका हाते परमेसर की दया के जस्यान चाल्या हा अन हव तरियाऊँ अन हाँच का हाते चाल्या हा ज्यो परमेसर का आड़ीऊँ मले हे ईं दनियाँ की अकलऊँ ने मले हे।

2 कुरिन्थियों 11:16

मूँ पाछो कूँ हूँ, कुई मने बेण्डो मती हमज ज्यो अन ने तो मने बेण्डो हमजन मारी मानलो, जणीऊँ मूँ भी थोड़ो घणो मेपणो कर सकूँ।

2 कुरिन्थियों 11:9

जद्याँ मूँ थाँका नके हो तो मने कमी वीं हे तद्याँ भी में थाँका पे कई बोज ने नाक्यो, काँके मारा भायाँ मकिदुनियाऊँ आन मारी वणी कमी ने पुरी किदी हे। में हरेक दाण खुद ने थाँका पे बोज बणाबाऊँ रोक्यो, अन आगे भी रोक्यो रेऊँ।

2 कुरिन्थियों 4:2

आपाँ वणा काम ने जणीऊँ हरम आवे हे, वाँने कोयने कराँ हाँ। अन ने आपाँ कपट राका हाँ अन नेई आपाँ परमेसर का बचन में गाल-गसोळ करा हाँ। पण आपाँ तो हाँच ने खुला रूपऊँ लोगाँ का हामे बतावा हाँ अन परबू का हामे खुद खरा बणा हाँ।

फिलिपियों 2:29

ईं वाते थाँ परबू पे विस्वास राकबावाळा भई के जस्यान वींकी आवभगत घणा आणन्दऊँ करज्यो अन अस्या मनकाँ को मान करिया करो।

कुलुसियों 4:10

मारा हाते का केदी अरिस्तखुस भी थाँने आद कररियो हे वस्यानीस बरनबास को भई मरकुस भी थाँने आद करे हे। (जद्याँ मरकुस थाँका नके आई तो थाँ वींकी आवभगत करज्यो ईंका वाते में थाँने पेल्याँई आदेस दे दिदो हो।)

1 थिस्सुलुनिक्यों 2:10

थाँ अन परमेसर ईं बात का गवा हो के, थाँ विस्वास्याँ का बचमें माँको वेवार कस्यो पुवितर, धारमिक अन बना दोस को हो।

फिलेमोन 1:12

मूँ वींने थाँरा नके पाछो खन्दारियो हूँ ज्यो मारो जीव को जड़ी हे।

फिलेमोन 1:17

यद्याँ थूँ मने आपणाँ हाते काम करबावाळो हण्डाळ्यो हमजे हे तो जस्यान मारी आवभगत करे वस्यानीस ईंकी भी करज्ये।

2 यहुन्ना 1:10

अन यद्याँ कुई थाँका नके आन, आ हिक ने देवे, तो थाँ वीं मनक ने थाँका घर में मती आबा दो अन ने वींकी आवभगत करज्यो। अन वणीऊँ नमस्कार भी मती करज्यो।