2 कुरिन्थियों 7:14 - नुवो नेम (मेवड़ी नया नियम)

¹⁴ थाँका वाते जीं बाताँ बड़-चड़न किदी ही, वणी वाते मने हरमा ने मरणो पड़्यो, पण जस्यान माँ थाँने हाँची-हाँची क्यो हो, वस्यानीस थाँका बारा में, में मारो मेपणो तीतूस का हामे हाँच का हाते परगट किदो हे।

2 कुरिन्थियों 7:14 Iomraidhean Croise

यहुन्ना 17:19

मूँ वाँका वाते खुद ने पुवितर करन थाँरी सेवा करबा का वाते देवूँ हूँ। जणीऊँ वीं भी हाँचऊँ पुवितर वेन थाँरी सेवा का वाते खुद ने दिदे।

2 कुरिन्थियों 10:8

मूँ मारा वीं हक की वजेऊँ ज्यो परबू मने दिदो हे वींपेईस मेपणो करूँ अन ओ हक परबू माँने थाँने बगाड़वा का वाते ने दिदो हे पण थाँने बणाबा का वाते दिदो हे। ईं वाते मूँ हरमा ने मरूँ।

2 कुरिन्थियों 12:6

जद्याँ मूँ मेपणो करबा की होचूँ भी हूँतो भी मूँ बेण्डो ने हूँ, काँके मूँ हाँच बोल सकूँ हूँ। पण थाँने ईं बातऊँ बंचाणा छावूँ हूँ जणीऊँ कुई मने अस्यान करतो देके कन हुणे हे तो वो अणीऊँ बड़न मने ने हमजे।

2 कुरिन्थियों 2:13

पण मारा विस्वासी भई तीतूस ने वटे ने देकन मारो मन घणो दकी व्यो, तो मूँ वटेऊँ हिक लेन मकिदुनिया आड़ी चाल पड़्यो।

2 कुरिन्थियों 7:13

अन ईं वजेऊँ माँने हिम्मत मली हे। मारी ईं हिम्मत का अलावा तीतूस को राजी वेबाऊँ माँ ओरू भी हेलो राजी व्या हा, काँके थाँकी वजेऊँ वींकी आत्माने चेन मल्यो हे।

2 कुरिन्थियों 7:4

मूँ थाँका पे भरोसो करूँ हूँ। मने थाँका पे मेपणो हे। थाँ मने घणी हिम्मत दिदी अन माँकी दुक तकलिपाँ में भी मूँ थाँके वजेऊँ राजी-खुसी हूँ।

2 कुरिन्थियों 7:6

पण दन-दक्या मनकाँ ने सक सान्ती देबावाळा परमेसर तीतूस ने मारा नके खन्दान मारी हिम्मत बड़ई हे।

2 कुरिन्थियों 8:24

ईं वाते थाँ वाँने परेम करन बताज्यो, माँ थाँका पे अतरो मेपणो काँ कराँ हाँ। ईं बात ने थाँ साबत करज्यो, जणीऊँ हारी मण्डली वींने देक सके।

फिलिपियों 1:26

ताँके जद्याँ मूँ थाँका नके आऊँ तद्याँ थाँने मारा मस ईसू मसी पे बड़ई करबा को ओरी मस वेई।

2 थिस्सुलुनिक्यों 1:4

ईं वाते माँ खुद ईं परमेसर की मण्डली में थाँका पे मेपणो करा हा, काँके जतरा भी दुक अन कळेस हाँ, वाँने थाँ जेल्या, ईं हारी बाताँऊँ थाँके धीरज अन विस्वास का बारा में पतो चाले हे।