2 कुरिन्थियों 7:11 - नुवो नेम (मेवड़ी नया नियम)

¹¹ थाँ ओ देकज्यो, ज्यो दुक परमेसर की वजेऊँ थाँका पे आयो हो, वींकी वजेऊँ थाँ कतरा राजी व्या हो, अन ईंकी वजे ऊँइस थाँने अस्यी मनसा दिदी के, अबे थाँ खुद का बारा में के सको के, थाँको मन साप हे, गलत काम का विरोद में गुस्सो, परमेसर को मान करणो, माँकाऊँ मलबा की आगत अन पाप को न्याव करबा की भावना थाँकामें पेदा वीं हे। थाँ अस्यान करन ओ बता दिदो हे के, थाँ एकदम निरदोस हो।

2 कुरिन्थियों 7:11 Iomraidhean Croise

मरकुस 3:5

ईसू गुस्सा में हा जद्याँ वणा च्यारूँमेर वाँने देक्या, पण वीं वाँकी बुरई अन हठ ने देकन घणा दकी व्या। पछे वीं मनकऊँ क्यो, “थारो हात लाम्बो कर।” वणी हात लाम्बो किदो अन वींको हात हव वेग्यो।

यहुन्ना 2:17

तद्याँ वाँका चेला ने आ बात फटाकऊँ आद अई के, सास्तर में लिक्यो हे, “थाँका घर का वाते मारो परेम मने खारियो हे।”

थरप्या तका का काम 17:16

जदी पोलुस एतेंस में वणा की वाट नाळरियो हो, तो वटे हंगळी जगाँ मूरताँ देकन वींको मन घणो दकी वेग्यो।

रोमियों 11:20

आ बात हाँची हे। पण वीं आपणाँ विस्वास ने करबा की वजेऊँ तोड़ी गी, पण थाँ थाँका विस्वास की वजेऊँ थाँकी जगाँ टक्या तका रेवो। तो ईंको मेपणो मती करो, पण दरपता रेवो।

रोमियों 14:18

ज्यो मसी की ईं तरियाऊँ सेवा करे हे, वणीऊँ परमेसर राजी रेवे हे अन मनक वींको मान करे हे।

रोमियों 3:5

पण यद्याँ आपणाँ बुरा करम परमेसर की धारमिकताने सई तरियाऊँ परगट करे हे अन अणी बात पे परमेसर आपाँ पे गुस्सो करे हे तो आपाँ कई केवा के, वीं आपणाँ हाते अन्याव करे हे। यो तो मूँ मनक का रिती पे कूँ हूँ।

1 कुरिन्थियों 12:25

जणीऊँ देह में फुट ने पड़े अन अंग एक दूजाँ में एक दूजाँ की देक-रेक करे।

1 कुरिन्थियों 5:13

पण अविस्वासी मनकाँ को न्याव परमेसर करे हे। सास्तर केवे हे, “थाँ बुरा मनकाँ ने आपणाँ बचमेंऊँ बारणे निकाळ दो।”

1 कुरिन्थियों 5:2

अणी बात पे थाँ होक भी ने करो हो, थाँने ओ छावे के, थाँ अस्यो काम करबावाळो थाँका बचमेंऊँ निकाळ दो, पण थाँ तो मेपणो करो हो।

2 कुरिन्थियों 13:7

अन माँ परमेसरऊँ परातना करा हा के, थाँ बुरई ने करो। ओ ईं वाते ने हे के, माँ खरा दिकई दा। पण ईं वाते के, थाँ ज्यो कई हव हे वो करो, पलई माँ नाकामइस काँ दिकई ने दा।

2 कुरिन्थियों 2:6

अस्या मनक ने थाँ विस्वास्याँ को समाज ज्यो दण्ड दिदो हे, वो खुब हे।

2 कुरिन्थियों 6:4

पण माँ तो परमेसर का हव दास का जस्यान खुद ने साबत करा हाँ, धीरज का हाते हारोई सेण करता तका दुक में, अबकी टेम में, परेसानी में,

2 कुरिन्थियों 7:1

हो मारा प्यारा भायाँ, आपणाँ नके परमेसर को दिदो तको करार हे। ईं वाते थाँ आवो, अन परमेसर को मान करता तका खुद ने पुवितर करबा का वाते खुद की आत्माने अन देह ने मयनेऊँ अन बारणेऊँ हुगली चिजाँऊँ पुवितर करो।

2 कुरिन्थियों 7:7

अन वींके अटे आबाऊँ थाँ वींको हव आदर मानन वींने सक दिदो जणीऊँ माँने ओरी भी हेली हिम्मत मली। वणी माँने बतायो हो के, ज्यो थाँ किदो हो वींका वाते थाँ दकी हो अन थाँ माराऊँ मलबा का वाते कतरा आकताँ हो अन थाँ मारी चन्ता करो हो अस्यान हुणन माँने ओरू भी खुसी वीं।

2 कुरिन्थियों 7:9

पण अबे मूँ राजी हूँ। मूँ अणी वाते राजी ने हूँ पण मूँ ईं बातऊँ राजी हूँ के, वणी दुक की वजेऊँ थाँ थाँका हरदा ने बदल्यो हे, अन थाँने वो दुक परबू का आड़ीऊँ व्यो हो, ताँके माँके वजेऊँ थाँको कई नकसाण ने वे।

2 कुरिन्थियों 9:2

काँके मूँ जाणूँ हूँ, ईं काम ने करबा का वाते थाँ हमेस्यान त्यार रेवो हो अन ईं बात ने मकिदुनिया का मनकाँ का हामे केवाऊँ मेपणो वेई के, अखाया का मनक पालाँ साल ऊँइस त्यार वेग्या हा अन थाँका काम ने देकन नरई मनकाँ ने काम करबा की हिक मली हे।

इपिसियों 4:26

रीस में आन पाप मती करो अन दन आत्याँ पेल्याइस आपणी रीस ने खतम कर दो।

इपिसियों 5:11

वणा अन्दारा का कामाँ में भेळा मती वो, पण वणा कामाँ ने चोड़े करो।

फिलिपियों 2:12

ईं वाते ओ मारा लाड़ला भायाँ, जद्याँ मूँ थाँका हाते हो वीं दाण जस्यान थाँ मारी आग्या हरदाण मानता हा वस्यानीस अबे भी जदी मूँ छेटी हूँ वणीऊँ हेली आग्या मानता रेवो। थाँकी मुगती ने पुरी करबा का वाते, दरपता अन धूँजता तका मेनत करता रो।

1 थिस्सुलुनिक्यों 4:6

ईं बात में कुई भी आपणाँ भई नेईस ने ठगे अन ने कुई किंको नफो लेणो छावे। काँके परबू आ हारी बाताँ को बदलो लेबा में हे, अणा बाताँ का बारा में माँ थाँने पेल्याँई बता दिदो अन चेताया भी हाँ।

1 तिमुतियूस 5:20

ज्यो पाप करे, वींने हाराई का हामे तापड़ जणीऊँ दूजाँ पाप करबाऊँ दरपे।

2 तिमुतियूस 2:15

परमेसर की देकणी में खुद ने मेनत करबावाळो अस्यान को मनक बणा, जणीऊँ थने आपणाँ कामऊँ हरमा ने मरणो पड़े, पण परमेसर का हाँच का हमच्यार ने सई तरियाऊँ हिका।

तीतूस 3:8

आ हाँची बात हे। मूँ छावूँ हूँ के, अणी मामला में थूँ खासतोर जोर देन के, जणीऊँ परमेसर पे विस्वास करबावाळा भला काम करता रेवे। ईं बाताँ मनकाँ का वाते हव अन नफा की हे।

इब्रानियों 4:1

ईं वाते जद्याँ वींके रईम्बावाळी जगाँ में आबा को वादो अबाणू तईं हे, तो आपाँने ध्यानऊँ रेणो छावे, अस्यान ने वे के, थाँकामूँ कुई भी वणीऊँ चूक जावे।

याकूब 3:17

पण ज्यो ग्यान हरगऊँ आवे हे वो हाराऊँ पेल्याँई तो पुवितर वेवे अन वींके केड़े सान्तीऊँ भरियो तको, सेण करबावाळो, बात मानबावाळो, दयाऊँ भरियो तको, हव फळवाळो अन बना पकसपात को अन बना कपट को वेवे हे।

1 पतरस 1:17

जद्याँ थाँ परमेसर ने जो हाराई मनकाँ ने वाँका काम का जस्यान अन जो पकसपात का हाते न्याव ने करे, वींने थाँ “हो बापू” केन बलावो हो, तो थाँ ईं बारवासी धरती पे रेता तका परमेसर ने आदर देता तका जीवन जीवो।

1 पतरस 2:2

जस्यान नुवो जनम लिदो तको बाळक माँ का खरा दूद की मनसा करे हे वस्यानीस थाँ आत्मिक दूद की मनसा राको, जणीऊँ थाँकी आत्मिक बड़ोतरी वे सके अन बंचाया जा सको।

यहूदा 1:23

थाँ आगे बड़न वणा मनकाँ ने बंचा लिज्यो, जीं बंचाणा छारिया। वाँने वादी की लपटा में पड़्या तका ने बचावो हो वस्यानीस वाँने बंचा लिज्यो, वाँका पे दया बापू परबू की दरपणी राकन करज्यो। पण वाँका वणा गाबाऊँ जणापे वाँका पाप का भाव का धबा लागरिया हे, वाँकाऊँ छेटी रेज्यो, मारा केबा को मतलब ओ हे के, वाँका बुरा कामाँऊँ अलग रेज्यो।

परकासितवाक्य 3:19

मूँ जणीऊँ भी परेम करूँ हूँ वाँने तापड़ूँ अन दण्ड देऊँ हूँ। ईं वाते पसतावणो कर अन पापऊँ आपणो मन ने बदलो।