2 कुरिन्थियों 6:7 - नुवो नेम (मेवड़ी नया नियम)

⁷ अन हाँच का हमच्यारऊँ अन परमेसर की तागतऊँ माँ माकाँ हाताँ में परमेसर का हामे सई ठेराबावाळी ढाल लेन,

2 कुरिन्थियों 6:7 Iomraidhean Croise

मरकुस 16:20

वींका चेला बारणे जान हारी जगाँ परच्यार किदो, वाँकी लारे परबू काम कररिया हा। वाँका अचम्बावाळा काम की वजेऊँ ज्यो वे परच्यार कररिया हा, वीं सिद वेता ग्या।

थरप्या तका का काम 11:21

परबू की सगती वाँके लारे ही। ईं वाते नरई लोगाँ ईसू पे भरोसो करन परबू का आड़ी आग्या।

1 कुरिन्थियों 1:24

पण ज्याँने परमेसर बलाया हे, पछे पलई वीं यहूदी वो कन यहूदी ने वो वाँ हाराई का वाते मसी परमेसर की तागत अन परमेसर को ग्यान हे।

2 कुरिन्थियों 13:4

ओ हाँच हे के, वींकी कमजोरी की वजेऊँ वींने हूळी पे चड़ायो ग्यो पण वो परमेसर की तागतऊँ जीरियो हे। ओ हाँच हे के, मसी का मयने माँ भी कमजोर हाँ पण थाँकी भलई की वाते परमेसर की तागतऊँ वींके हाते जीवाँ हाँ।

2 कुरिन्थियों 2:17

परमेसर का बचनाँ को वोपार करबावाळा नरई मनक हे वीं आपणो नफो छावे हे पण माँ अस्यान ने हाँ। माँ तो परमेसर का आड़ीऊँ खन्दाया तका मनक का जस्यान मसी ने हाते लेन, हाँचऊँ बोला हाँ।

2 कुरिन्थियों 4:2

आपाँ वणा काम ने जणीऊँ हरम आवे हे, वाँने कोयने कराँ हाँ। अन ने आपाँ कपट राका हाँ अन नेई आपाँ परमेसर का बचन में गाल-गसोळ करा हाँ। पण आपाँ तो हाँच ने खुला रूपऊँ लोगाँ का हामे बतावा हाँ अन परबू का हामे खुद खरा बणा हाँ।

2 कुरिन्थियों 7:14

थाँका वाते जीं बाताँ बड़-चड़न किदी ही, वणी वाते मने हरमा ने मरणो पड़्यो, पण जस्यान माँ थाँने हाँची-हाँची क्यो हो, वस्यानीस थाँका बारा में, में मारो मेपणो तीतूस का हामे हाँच का हाते परगट किदो हे।

इपिसियों 1:13

थाँ लोगाँ भी हाँचा बचन हुण्या, ज्यो थाँके मुगती देबावाळो हव हमच्यार हो। ईंने हुणन थाँ मसी पे विस्वास किदो, तद्याँ परमेसर थाँका पे आपणी पुवितर आत्मा की छाप लगई, जिंको वादो परमेसर कर मेल्यो हो।

इपिसियों 3:20

अबे परमेसर आपणाँ में काम करबावाळी वाँकी तागतऊँ आपणे पूँछबाऊँ अन हमजबाऊँ भी घणो हेलो काम कर सके हे।

इपिसियों 4:21

थाँ पको ईसू का बारा में हुण्यो अन वींका बारा में थाँने भणाया भी ग्या हा के, हाँच ईसू में वास करे हे।

कुलुसियों 1:5

ओ वीं आस का वाते व्यो हे ज्या चीज थाँका वाते हरग में राकी तकी हे, जिंका बारा में थाँ हव हमच्यार का हाँचा बचनाऊँ हुण चुक्या हो, ज्यो थाँका नके आवे हे। जद्याँ थाँ वींने हुण्यो हो अन परमेसर की करपा ने पुरी हाँच हमेत हमज्या हा। वीं टेमऊँ लेन अबाणू तईं जस्यान ओ हव हमच्यार थाँका जीवन में काम कररियो हे वस्यानीस आकी दनियाँ में फळ-फुल रियो हे।

1 थिस्सुलुनिक्यों 5:8

पण आपीं जतरा दन का हाँ, आपाँने विस्वास अन परेम को हत्यार पेरन अन बंचबा को टोपो लेन हेंचेत रेणो छावे।

2 तिमुतियूस 2:15

परमेसर की देकणी में खुद ने मेनत करबावाळो अस्यान को मनक बणा, जणीऊँ थने आपणाँ कामऊँ हरमा ने मरणो पड़े, पण परमेसर का हाँच का हमच्यार ने सई तरियाऊँ हिका।

2 तिमुतियूस 4:7

मूँ हव तरियाऊँ लड़्यो, में मारी दोड़ पुरी करी लिदी हे अन मूँ विस्वास जोगो रियो।

इब्रानियों 2:4

अन परमेसर भी मोटा-मोटा निसाण अन चमत्कारऊँ अन जोरावर कामाँऊँ अन आपणी मनसाऊँ दिदा तका पुवितर आत्मा का वरदानऊँ, वणा ईंने साबत भी किदो हे।

याकूब 1:18

वणी आपणी मरजीऊँ हाँच का बचनऊँ पेदा किदा हे जणीऊँ आपाँ वींकी बणई तकी दनियाँ में पेला फळ वेवा।